ദ്വാദശ ജ്യോതിർലിംഗ സ്തോത്രം

ലഘു സ്തോത്രം

സൗരാഷ്ട്രേ സോമനാധഞ്ച ശ്രീശൈലേ മല്ലികാർജുനം ।

ഉജ്ജയിന്യാം മഹാകാലം ഓങ്കാരേത്വമാമലേശ്വരം ॥

പർല്യാം വൈദ്യനാധഞ്ച ഢാകിന്യാം ഭീമ ശങ്കരം ।

സേതുബന്ധേതു രാമേശം നാഗേശം ദാരുകാവനേ ॥

വാരണാശ്യാന്തു വിശ്വേശം ത്രയംബകം ഗൗതമീതടേ ।

ഹിമാലയേതു കേദാരം ഘൃഷ്ണേശന്തു വിശാലകേ ॥

ഏതാനി ജ്യോതിർലിംഗാനി സായം പ്രാതഃ പഠേന്നരഃ ।

സപ്ത ജന്മ കൃതം പാപം സ്മരണേന വിനശ്യതി ॥

സമ്പൂർണ സ്തോത്രം

സൗരാഷ്ട്രദേശേ വിശദേഽതിരമ്യേ ജ്യോതിർമയം ചന്ദ്രകലാവതംസം ।

ഭക്തപ്രദാനായ കൃപാവതീർണം തം സോമനാഥം ശരണം പ്രപദ്യേ ॥ 1 ॥

ശ്രീശൈലശൃംഗേ വിവിധപ്രസംഗേ ശേഷാദ്രിശൃംഗേഽപി സദാ വസന്തം ।

തമർജുനം മല്ലികപൂർവമേനം നമാമി സംസാരസമുദ്രസേതും ॥ 2 ॥

അവന്തികായാം വിഹിതാവതാരം മുക്തിപ്രദാനായ ച സജ്ജനാനാം ।

അകാലമൃത്യോഃ പരിരക്ഷണാർഥം വന്ദേ മഹാകാലമഹാസുരേശം ॥ 3 ॥

കാവേരികാനർമദയോഃ പവിത്രേ സമാഗമേ സജ്ജനതാരണായ ।

സദൈവ മാന്ധാതൃപുരേ വസന്തം ഓങ്കാരമീശം ശിവമേകമീഡേ ॥ 4 ॥

പൂർവോത്തരേ പ്രജ്വലികാനിധാനേ സദാ വസം തം ഗിരിജാസമേതം ।

സുരാസുരാരാധിതപാദപദ്മം ശ്രീവൈദ്യനാഥം തമഹം നമാമി ॥ 5 ॥

യം ഡാകിനിശാകിനികാസമാജേ നിഷേവ്യമാണം പിശിതാശനൈശ്ച ।

സദൈവ ഭീമാദിപദപ്രസിദ്ധം തം ശങ്കരം ഭക്തഹിതം നമാമി ॥ 6 ॥

ശ്രീതാമ്രപർണീജലരാശിയോഗേ നിബധ്യ സേതും വിശിഖൈരസംഖ്യൈഃ ।

ശ്രീരാമചന്ദ്രേണ സമർപിതം തം രാമേശ്വരാഖ്യം നിയതം നമാമി ॥ 7 ॥

യാമ്യേ സദംഗേ നഗരേഽതിരമ്യേ വിഭൂഷിതാംഗം വിവിധൈശ്ച ഭോഗൈഃ ।

സദ്ഭക്തിമുക്തിപ്രദമീശമേകം ശ്രീനാഗനാഥം ശരണം പ്രപദ്യേ ॥ 8 ॥

സാനന്ദമാനന്ദവനേ വസന്തം ആനന്ദകന്ദം ഹതപാപബൃന്ദം ।

വാരാണസീനാഥമനാഥനാഥം ശ്രീവിശ്വനാഥം ശരണം പ്രപദ്യേ ॥ 9 ॥

സഹ്യാദ്രിശീർഷേ വിമലേ വസന്തം ഗോദാവരിതീരപവിത്രദേശേ ।

യദ്ദർശനാത് പാതകം പാശു നാശം പ്രയാതി തം ത്ര്യംബകമീശമീഡേ ॥ 10 ॥

മഹാദ്രിപാർശ്വേ ച തടേ രമന്തം സമ്പൂജ്യമാനം സതതം മുനീന്ദ്രൈഃ ।

സുരാസുരൈര്യക്ഷ മഹോരഗാഢ്യൈഃ കേദാരമീശം ശിവമേകമീഡേ ॥ 11 ॥

ഇലാപുരേ രമ്യവിശാലകേഽസ്മിൻ സമുല്ലസന്തം ച ജഗദ്വരേണ്യം ।

വന്ദേ മഹോദാരതരസ്വഭാവം ഘൃഷ്ണേശ്വരാഖ്യം ശരണം പ്രപദ്യേ ॥ 12 ॥

ജ്യോതിർമയദ്വാദശലിംഗകാനാം ശിവാത്മനാം പ്രോക്തമിദം ക്രമേണ ।

സ്തോത്രം പഠിത്വാ മനുജോഽതിഭക്ത്യാ ഫലം തദാലോക്യ നിജം ഭജേച്ച ॥

Recite with devotion and pure heart

Regular practice brings spiritual benefits