हैंహైHaindavamஹிહિં
📍
Font Size:
ராக⁴வேந்த்³ர கவசம்
கவசம்ʼ ஶ்ரீ ராக⁴வேந்த்³ரஸ்ய யதீந்த்³ரஸ்ய மஹாத்மன꞉ ।
வக்ஷ்யாமி கு³ருவர்யஸ்ய வாஞ்சி²தார்த²ப்ரதா³யகம் ॥ 1 ॥
ருʼஷிரஸ்யாப்பணாசார்ய꞉ ச²ந்தோ³(அ)னுஷ்டுப் ப்ரகீர்திதம் ।
தே³வதா ஶ்ரீராக⁴வேந்த்³ர கு³ருரிஷ்டார்த²ஸித்³த⁴யே ॥ 2 ॥
அஷ்டோத்தரஶதம்ʼ ஜப்யம்ʼ ப⁴க்தியுக்தேன சேதஸா ।
உத்³யத்ப்ரத்³யோதனத்³யோத த⁴ர்மகூர்மாஸனே ஸ்தி²தம் ॥ 3 ॥
க²த்³யோக²த்³யோதனத்³யோத த⁴ர்மகூர்மாஸனே ஸ்தி²தம் ।
த்⁴ருʼதகாஷாயவஸனம்ʼ துலஸீஹாரவக்ஷஸம் ॥ 4 ॥
தோ³ர்த³ண்ட³விலஸத்³த³ண்ட³ கமண்ட³லவிராஜிதம் ।
அப⁴யஜ்ஞானமுத்³ரா(அ)க்ஷமாலாலோலகராம்பு³ஜம் ॥ 5 ॥
யோகீ³ந்த்³ரவந்த்³யபாதா³ப்³ஜம்ʼ ராக⁴வேந்த்³ர கு³ரும்ʼ ப⁴ஜே ।
ஶிரோ ரக்ஷது மே நித்யம்ʼ ராக⁴வேந்த்³ரோ(அ)கி²லேஷ்டத³꞉ ॥ 6 ॥
பாபாத்³ரிபாடனே வஜ்ர꞉ கேஶான் ரக்ஷது மே ஸதா³ ।
க்ஷமாஸுரக³ணாதீ⁴ஶோ முக²ம்ʼ ரக்ஷது மே கு³ரு꞉ ॥ 7 ॥
ஹரிஸேவாலப்³த⁴ஸர்வஸம்பத்பா²லம்ʼ மமாவது ।
தே³வஸ்வபா⁴வோ(அ)வது மே த்³ருʼஶௌ தத்த்வப்ரத³ர்ஶக꞉ ॥ 8 ॥
இஷ்டப்ரதா³னே கல்பத்³ரு꞉ ஶ்ரோத்ரே ஶ்ருத்யர்த²போ³த⁴க꞉ ।
ப⁴வ்யஸ்வரூபோ மே நாஸாம்ʼ ஜிஹ்வாம்ʼ மே(அ)வது ப⁴வ்யக்ருʼத் ॥ 9 ॥
ஆஸ்யம்ʼ ரக்ஷது மே து³꞉க²தூலஸங்கா⁴க்³னிசர்யக꞉ ।
ஸுக²தை⁴ர்யாதி³ஸுகு³ணோ ப்⁴ருவௌ மம ஸதா³(அ)வது ॥ 10 ॥
ஓஷ்டௌ² ரக்ஷது மே ஸர்வக்³ரஹநிக்³ரஹஶக்திமான் ।
உபப்லவோத³தே⁴ஸ்ஸேதுர்த³ந்தான் ரக்ஷது மே ஸதா³ ॥ 11 ॥
நிரஸ்ததோ³ஷோ மே பாது கபோலௌ ஸர்வபாலக꞉ ।
நிரவத்³யமஹாவேஷ꞉ கண்ட²ம்ʼ மே(அ)வது ஸர்வதா³ ॥ 12 ॥
கர்ணமூலே து ப்ரத்யர்தி²மூகத்வாகரவாங்மம ।
பரவாதி³ஜயே பாது ஹஸ்தௌ ஸத்தத்த்வவாத³க்ருʼத் ॥ 13 ॥
கரௌ ரக்ஷது மே வித்³வத்பரிஜ்ஞேயவிஶேஷவான் ।
வாக்³வைக²ரீப⁴வ்யஶேஷஜயீ வக்ஷஸ்த²லம்ʼ மம ॥ 14 ॥
ஸதீஸந்தானஸம்பத்திப⁴க்திஜ்ஞாநாதி³வ்ருʼத்³தி⁴க்ருʼத் ।
ஸ்தனௌ ரக்ஷது மே நித்யம்ʼ ஶரீராவத்³யஹானிக்ருʼத் ॥ 15 ॥
புண்யவர்த⁴னபாதா³ப்³ஜாபி⁴ஷேகஜலஸஞ்சய꞉ ।
நாபி⁴ம்ʼ ரக்ஷது மே பார்ஶ்வௌ த்³யுநதீ³துல்யஸத்³கு³ண꞉ ॥ 16 ॥
ப்ருʼஷ்ட²ம்ʼ ரக்ஷது மே நித்யம்ʼ தாபத்ரயவிநாஶக்ருʼத் ।
கடிம்ʼ மே ரக்ஷது ஸதா³ வந்த்³யா ஸத்புத்ரதா³யக꞉ ॥ 17 ॥
ஜக⁴னம்ʼ மே(அ)வது ஸதா³ வ்யங்க³ஸ்வங்க³ஸம்ருʼத்³தி⁴க்ருʼத் ।
கு³ஹ்யம்ʼ ரக்ஷது மே பாபக்³ரஹாரிஷ்டவிநாஶக்ருʼத் ॥ 18 ॥
ப⁴க்தாக⁴வித்⁴வம்ʼஸகரநிஜமூர்திப்ரத³ர்ஶக꞉ ।
மூர்திமான்பாது மே ரோமம்ʼ ராக⁴வேந்த்³ரோ ஜக³த்³கு³ரு꞉ ॥ 19 ॥
ஸர்வதந்த்ரஸ்வதந்த்ரோ(அ)ஸௌ ஜானுனீ மே ஸதா³(அ)வது ।
ஜங்கே⁴ ரக்ஷது மே நித்யம்ʼ ஶ்ரீமத்⁴வமதவர்த⁴ன꞉ ॥ 20 ॥
விஜயீந்த்³ரகராப்³ஜோத்த²ஸுதீ⁴ந்த்³ரவரபுத்ரக꞉ ।
கு³ல்பௌ² ஶ்ரீராக⁴வேந்த்³ரோ மே யதிராட் ஸர்வதா³(அ)வது ॥ । 21 ॥
பாதௌ³ ரக்ஷது மே ஸர்வப⁴யஹாரீ க்ருʼபாநிதி⁴꞉ ।
ஜ்ஞானப⁴க்திஸுபுத்ராயுர்யஶ꞉ ஶ்ரீபுண்யவர்த⁴ன꞉ ॥ 22 ॥
கரபாதா³ங்கு³லீ꞉ ஸர்வா மமாவது ஜக³த்³கு³ரு꞉ ।
ப்ரதிவாதி³ஜயஸ்வாந்தபே⁴த³சிஹ்நாத³ரோ கு³ரு꞉ ॥ 23 ॥
நகா²னவது மே ஸர்வான் ஸர்வஶாஸ்த்ரவிஶாரத³꞉ ।
அபரோக்ஷீக்ருʼதஶ்ரீஶ꞉ ப்ராச்யாம்ʼ தி³ஶி ஸதா³(அ)வது ॥ 24 ॥
ஸ த³க்ஷிணே சா(அ)வது மாம்ʼ ஸமுபேக்ஷிதபா⁴வஜ꞉ ।
அபேக்ஷிதப்ரதா³தா ச ப்ரதீச்யாமவது ப்ரபு⁴꞉ ॥ 25 ॥
த³யாதா³க்ஷிண்யவைராக்³யவாக்பாடவமுகா²ங்கித꞉ ।
ஸதோ³தீ³ச்யாமவது மாம்ʼ ஶாபானுக்³ரஹஶக்திமான் ॥ 26 ॥
நிகி²லேந்த்³ரியதோ³ஷக்⁴னோ மஹானுக்³ரஹக்ருʼத்³கு³ரு꞉ ।
அத⁴ஶ்சோர்த்⁴வம்ʼ சா(அ)வது மாமஷ்டாக்ஷரமனூதி³தம் ॥ 27 ॥
ஆத்மாத்மீயாக⁴ராஶிக்⁴னோ மாம்ʼ ரக்ஷது விதி³க்ஷு ச ।
சதுர்ணாம்ʼ ச புமர்தா²னாம்ʼ தா³தா ப்ராத꞉ ஸதா³(அ)வது ॥ 28 ॥
ஸங்க்³ராமே(அ)வது மாம்ʼ நித்யம்ʼ தத்த்வவித்ஸர்வஸௌக்²யக்ருʼத் ।
மத்⁴யாஹ்னே(அ)க³ம்யமஹிமா மாம்ʼ ரக்ஷது மஹாயஶா꞉ ॥ 29 ॥
ம்ருʼதபோதப்ராணதா³தா ஸாயாஹ்னே மாம்ʼ ஸதா³(அ)வது ।
வேதி³ஸ்த²புருஷோஜ்ஜீவீ நிஶீதே² பாது மாம்ʼ கு³ரு꞉ ॥ 30 ॥
வஹ்நிஸ்த²மாலிகோத்³த⁴ர்தா வஹ்னிதாபாத்ஸதா³(அ)வது ।
ஸமக்³ரடீகாவ்யாக்²யாதா கு³ருர்மே விஷயே(அ)வது ॥ 31 ॥
காந்தாரே(அ)வது மாம்ʼ நித்யம்ʼ பா⁴ட்ட ஸங்க்³ரஹக்ருʼத்³கு³ரு꞉ ।
ஸுதா⁴பரிமலோத்³த⁴ர்தா ஸ்வச்ச²ந்த³ஸ்து ஸதா³(அ)வது ॥ 32 ॥
ராஜசோரவிஷவ்யாதி⁴யாதோ³வன்யம்ருʼகா³தி³பி⁴꞉ ।
அபஸ்மாராபஹர்தா ந꞉ ஶாஸ்த்ரவித்ஸர்வதா³(அ)வது ॥ 33 ॥
க³தௌ ஸர்வத்ர மாம்ʼ பாதூபநிஷத³ர்த²க்ருʼத்³கு³ரு꞉ ।
ருʼக்³வ்யாக்²யானக்ருʼதா³சார்ய꞉ ஸ்தி²தௌ ரக்ஷது மாம்ʼ ஸதா³ ॥ 34 ॥
மந்த்ராலயநிவாஸீ மாம்ʼ ஜாக்³ரத்காலே ஸதா³(அ)வது ।
ந்யாயமுக்தாவலீகர்தா ஸ்வப்னே ரக்ஷது மாம்ʼ ஸதா³ ॥ 35 ॥
மாம்ʼ பாது சந்த்³ரிகாவ்யாக்²யாகர்தா ஸுப்தௌ ஹி தத்த்வக்ருʼத் ।
ஸுதந்த்ரதீ³பிகாகர்தா முக்தௌ ரக்ஷது மாம்ʼ கு³ரு꞉ ॥ 36 ॥
கீ³தார்த²ஸங்க்³ரஹகர꞉ ஸதா³ ரக்ஷது மாம்ʼ கு³ரு꞉ ।
ஶ்ரீமத்⁴வமதது³க்³தா⁴ப்³தி⁴சந்த்³ரோ(அ)வது ஸதா³(அ)னக⁴꞉ ॥ 37 ॥
இதி ஶ்ரீராக⁴வேந்த்³ரஸ்ய கவசம்ʼ பாபநாஶனம் ।
ஸர்வவ்யாதி⁴ஹரம்ʼ ஸத்³ய꞉ பாவனம்ʼ புண்யவர்த⁴னம் ॥ 38 ॥
ய இத³ம்ʼ பட²தே நித்யம்ʼ நியமேன ஸமாஹித꞉ ।
அத்³ருʼஷ்டி꞉ பூர்ணத்³ருʼஷ்டி꞉ ஸ்யாதே³ட³மூகோ(அ)பி வாக்பதி꞉ ॥ 39 ॥
பூர்ணாயு꞉ பூர்ணஸம்பத்திப⁴க்திஜ்ஞாநாபி⁴வ்ருʼத்³தி⁴க்ருʼத் ।
பீத்வா வாரி நரோ யேன கவசேநாபி⁴மந்த்ரிதம் ॥ 40 ॥
ஜஹாதி குக்ஷிகா³ன் ரோகா³ன் கு³ருவர்யப்ரஸாத³த꞉ ।
ப்ரத³க்ஷிணநமஸ்காரான் கு³ரோர்வ்ருʼந்தா³வனஸ்ய ய꞉ ॥ 41 ॥
கரோதி பரயா ப⁴க்த்யா ததே³தத்கவசம்ʼ பட²ன் ।
பங்கு³꞉ கூணிஶ்ச பௌக³ண்ட³꞉ பூர்ணாங்கோ³ ஜாயதே த்⁴ருவம் ॥ 42 ॥
ஶேஷாஶ்ச குஷ்ட²பூர்வாஶ்ச நஶ்யந்த்யாமயராஶய꞉ ।
அஷ்டாக்ஷரேண மந்த்ரேண ஸ்தோத்ரேண கவசேன ச ॥ 43 ॥
வ்ருʼந்தா³வனே ஸந்நிஹிதமபி⁴ஷிச்ய யதா²விதி⁴ ।
யந்த்ரே மந்த்ராக்ஷராண்யஷ்டௌ விலிக்²யாத்ர ப்ரதிஷ்டி²தம் ॥ 44 ॥
ஷோட³ஶைருபசாரைஶ்ச ஸம்பூஜ்ய த்ரிஜக³த்³கு³ரும் ।
அஷ்டோத்தரஶதாக்²யாபி⁴ரர்சயேத்குஸுமாதி³பி⁴꞉ ॥ 45 ॥
ப²லைஶ்ச விவிதை⁴ரேவ கு³ரோரர்சாம்ʼ ப்ரகுர்வத꞉ ।
நாமஶ்ரவணமாத்ரேண கு³ருவர்யப்ரஸாத³த꞉ ॥ 46 ॥
பூ⁴தப்ரேதபிஶாசாத்³யா꞉ வித்³ரவந்தி தி³ஶோ த³ஶ ।
படே²தே³தத்த்ரிகம்ʼ நித்யம்ʼ கு³ரோர்வ்ருʼந்தா³வனாந்திகே ॥ 47 ॥
தீ³பம்ʼ ஸம்யோஜ்ய வித்³யாவான் ஸபா⁴ஸு விஜயீ ப⁴வேத் ।
ராஜசோரமஹாவ்யாக்⁴ரஸர்பனக்ராதி³பீட³னாத் ॥ 48 ॥
கவசஸ்ய ப்ரபா⁴வேண ப⁴யம்ʼ தஸ்ய ந ஜாயதே ।
ஸோமஸூர்யோபராகா³தி³காலே வ்ருʼந்தா³வனாந்திகே ॥ 49 ॥
கவசாதி³த்ரிகம்ʼ புண்யமப்பணாசார்யத³ர்ஶிதம் ।
ஜபேத்³ய꞉ ஸ த⁴னம்ʼ புத்ரான் பா⁴ர்யாம்ʼ ச ஸுமனோரமாம் ॥ 50 ॥
ஜ்ஞானம்ʼ ப⁴க்திம்ʼ ச வைராக்³யம்ʼ பு⁴க்திம்ʼ முக்திம்ʼ ச ஶாஶ்வதீம் ।
ஸம்ப்ராப்ய மோத³தே நித்யம்ʼ கு³ருவர்யப்ரஸாத³த꞉ ॥ 51 ॥
இதி ஶ்ரீமத³ப்பணாசார்யவிரசிதம்ʼ ஶ்ரீராக⁴வேந்த்³ரகவசம்ʼ ஸம்பூர்ணம் ।
Recite with devotion and pure heart
Regular practice brings spiritual benefits