జయ తుంగాతటవసతే వర మంత్రాలయమూర్తే । కురు కరుణాం మయి భీతే పరిమలతతకీర్తే ॥ తవ పాదార్చనసక్తే తవ నామామృతమత్తే దిశదివ్యాం దృశమూర్తే తవ సంతత భక్తే ॥ కృతగీతాసువివృత్తే కవిజనసంస్తుతవృత్తే । కురు వసతిం మమ చిత్తే పరివృత భక్తార్తే ॥ యోగీంద్రార్చితపాదే యోగిజనార్పితమోదే । తిమ్మణ్ణాన్వయచంద్రే రమతాం మమ హృదయం ॥ తప్తసుకాంచనసదృశే దండకమండలహస్తే । జపమాలావరభూషే రమతాం మమ హృదయం ॥ శ్రీరామార్పితచిత్తే కాషాయాంబరయుక్తే । శ్రీతులసీమణిమాలే రమతాం మమ హృదయం ॥ మధ్వమునీడితతత్త్వం వ్యాఖ్యాంతం పరివారే । ఈడేహం సతతం మే సంకటపరిహారం ॥ వైణికవంశోత్తంసం వరవిద్వన్మణిమాన్యం । వరదానే కల్పతరుం వందే గురురాజం ॥ సుశమీంద్రార్యకుమారై-ర్విద్యేంద్రైర్గురుభక్త్యా । రచితా శ్రీగురుగాథా సజ్జనమోదకరీ ॥ ఇతి శ్రీ సువిద్యేంద్రతీర్థ విరచిత శ్రీ రాఘవేంద్ర అష్టకం ॥