ஜய துங்கா³தடவஸதே வர மந்த்ராலயமூர்தே । குரு கருணாம்ʼ மயி பீ⁴தே பரிமலததகீர்தே ॥ தவ பாதா³ர்சனஸக்தே தவ நாமாம்ருʼதமத்தே தி³ஶதி³வ்யாம்ʼ த்³ருʼஶமூர்தே தவ ஸந்தத ப⁴க்தே ॥ க்ருʼதகீ³தாஸுவிவ்ருʼத்தே கவிஜனஸம்ʼஸ்துதவ்ருʼத்தே । குரு வஸதிம்ʼ மம சித்தே பரிவ்ருʼத ப⁴க்தார்தே ॥ யோகீ³ந்த்³ரார்சிதபாதே³ யோகி³ஜனார்பிதமோதே³ । திம்மண்ணான்வயசந்த்³ரே ரமதாம்ʼ மம ஹ்ருʼத³யம் ॥ தப்தஸுகாஞ்சனஸத்³ருʼஶே த³ண்ட³கமண்ட³லஹஸ்தே । ஜபமாலாவரபூ⁴ஷே ரமதாம்ʼ மம ஹ்ருʼத³யம் ॥ ஶ்ரீராமார்பிதசித்தே காஷாயாம்ப³ரயுக்தே । ஶ்ரீதுலஸீமணிமாலே ரமதாம்ʼ மம ஹ்ருʼத³யம் ॥ மத்⁴வமுனீடி³ததத்த்வம்ʼ வ்யாக்²யாந்தம்ʼ பரிவாரே । ஈடே³ஹம்ʼ ஸததம்ʼ மே ஸங்கடபரிஹாரம் ॥ வைணிகவம்ʼஶோத்தம்ʼஸம்ʼ வரவித்³வன்மணிமான்யம் । வரதா³னே கல்பதரும்ʼ வந்தே³ கு³ருராஜம் ॥ ஸுஶமீந்த்³ரார்யகுமாரை-ர்வித்³யேந்த்³ரைர்கு³ருப⁴க்த்யா । ரசிதா ஶ்ரீகு³ருகா³தா² ஸஜ்ஜநமோத³கரீ ॥ இதி ஶ்ரீ ஸுவித்³யேந்த்³ரதீர்த² விரசித ஶ்ரீ ராக⁴வேந்த்³ர அஷ்டகம் ॥