ജയ തുംഗാതടവസതേ വര മന്ത്രാലയമൂർതേ । കുരു കരുണാം മയി ഭീതേ പരിമലതതകീർതേ ॥ തവ പാദാർചനസക്തേ തവ നാമാമൃതമത്തേ ദിശദിവ്യാം ദൃശമൂർതേ തവ സന്തത ഭക്തേ ॥ കൃതഗീതാസുവിവൃത്തേ കവിജനസംസ്തുതവൃത്തേ । കുരു വസതിം മമ ചിത്തേ പരിവൃത ഭക്താർതേ ॥ യോഗീന്ദ്രാർചിതപാദേ യോഗിജനാർപിതമോദേ । തിമ്മണ്ണാന്വയചന്ദ്രേ രമതാം മമ ഹൃദയം ॥ തപ്തസുകാഞ്ചനസദൃശേ ദണ്ഡകമണ്ഡലഹസ്തേ । ജപമാലാവരഭൂഷേ രമതാം മമ ഹൃദയം ॥ ശ്രീരാമാർപിതചിത്തേ കാഷായാംബരയുക്തേ । ശ്രീതുലസീമണിമാലേ രമതാം മമ ഹൃദയം ॥ മധ്വമുനീഡിതതത്ത്വം വ്യാഖ്യാന്തം പരിവാരേ । ഈഡേഹം സതതം മേ സങ്കടപരിഹാരം ॥ വൈണികവംശോത്തംസം വരവിദ്വന്മണിമാന്യം । വരദാനേ കല്പതരും വന്ദേ ഗുരുരാജം ॥ സുശമീന്ദ്രാര്യകുമാരൈ-ര്വിദ്യേന്ദ്രൈർഗുരുഭക്ത്യാ । രചിതാ ശ്രീഗുരുഗാഥാ സജ്ജനമോദകരീ ॥ ഇതി ശ്രീ സുവിദ്യേന്ദ്രതീർഥ വിരചിത ശ്രീ രാഘവേന്ദ്ര അഷ്ടകം ॥