हैंహైHaindavamஹிહિં
📍
Font Size:
రుచి కృతం పితృ స్తోత్రం – 2
రుచిరువాచ ।
అర్చితానామమూర్తానాం పితౄణాం దీప్తతేజసాం ।
నమస్యామి సదా తేషాం ధ్యానినాం దివ్యచక్షుషాం ॥ 1 ॥
ఇంద్రాదీనాం చ నేతారో దక్షమారీచయోస్తథా ।
సప్తర్షీణాం తథాన్యేషాం తాన్నమస్యామి కామదాన్ ॥ 2 ॥
మన్వాదీనాం చ నేతారః సూర్యాచంద్రమసోస్తథా ।
తాన్నమస్యామ్యహం సర్వాన్ పితౄనప్యుదధావపి ॥ 3 ॥
నక్షత్రాణాం గ్రహాణాం చ వాయ్వగ్న్యోర్నభసస్తథా ।
ద్యావాపృథివ్యోశ్చ తథా నమస్యామి కృతాంజలిః ॥ 4 ॥
దేవర్షీణాం జనితౄంశ్చ సర్వలోక నమస్కృతాన్ ।
అక్షయ్యస్య సదా దాతౄన్ నమస్యేహం కృతాంజలిః ॥ 5 ॥
ప్రజాపతేః కశ్యపాయ సోమాయ వరుణాయ చ ।
యోగేశ్వరేభ్యశ్చ సదా నమస్యామి కృతాంజలిః ॥ 6 ॥
నమో గణేభ్యః సప్తభ్యస్తథా లోకేషు సప్తసు ।
స్వయంభువే నమస్యామి బ్రహ్మణే యోగచక్షుషే ॥ 7 ॥
సోమాధారాన్ పితృగణాన్ యోగమూర్తిధరాంస్తథా ।
నమస్యామి తథా సోమం పితరం జగతామహం ॥ 8 ॥
అగ్నిరూపాంస్తథైవాన్యాన్ నమస్యామి పితౄనహం ।
అగ్నిసోమమయం విశ్వం యత ఏతదశేషతః ॥ 9 ॥
యే చ తేజసి యే చైతే సోమసూర్యాగ్నిమూర్తయః ।
జగత్స్వరూపిణశ్చైవ తథా బ్రహ్మస్వరూపిణః ॥ 10 ॥
తేభ్యోఽఖిలేభ్యో యోగిభ్యః పితృభ్యో యతమానసః ।
నమో నమో నమస్తేఽస్తు ప్రసీదంతు స్వధాభుజః ॥ 11 ॥
ఇతి శ్రీ గరుడపురాణే ఊననవతితమోఽధ్యాయే రుచికృత ద్వితీయ పితృ స్తోత్రం ।
Recite with devotion and pure heart
Regular practice brings spiritual benefits