हैंహైHaindavamஹிહિં
📍
Font Size:
രുചി കൃതം പിതൃ സ്തോത്രം – 2
രുചിരുവാച ।
അർചിതാനാമമൂർതാനാം പിതൄണാം ദീപ്തതേജസാം ।
നമസ്യാമി സദാ തേഷാം ധ്യാനിനാം ദിവ്യചക്ഷുഷാം ॥ 1 ॥
ഇന്ദ്രാദീനാം ച നേതാരോ ദക്ഷമാരീചയോസ്തഥാ ।
സപ്തർഷീണാം തഥാന്യേഷാം താന്നമസ്യാമി കാമദാൻ ॥ 2 ॥
മന്വാദീനാം ച നേതാരഃ സൂര്യാചന്ദ്രമസോസ്തഥാ ।
താന്നമസ്യാമ്യഹം സർവാൻ പിതൄനപ്യുദധാവപി ॥ 3 ॥
നക്ഷത്രാണാം ഗ്രഹാണാം ച വായ്വഗ്ന്യോർനഭസസ്തഥാ ।
ദ്യാവാപൃഥിവ്യോശ്ച തഥാ നമസ്യാമി കൃതാഞ്ജലിഃ ॥ 4 ॥
ദേവർഷീണാം ജനിതൄംശ്ച സർവലോക നമസ്കൃതാൻ ।
അക്ഷയ്യസ്യ സദാ ദാതൄൻ നമസ്യേഹം കൃതാഞ്ജലിഃ ॥ 5 ॥
പ്രജാപതേഃ കശ്യപായ സോമായ വരുണായ ച ।
യോഗേശ്വരേഭ്യശ്ച സദാ നമസ്യാമി കൃതാഞ്ജലിഃ ॥ 6 ॥
നമോ ഗണേഭ്യഃ സപ്തഭ്യസ്തഥാ ലോകേഷു സപ്തസു ।
സ്വയംഭുവേ നമസ്യാമി ബ്രഹ്മണേ യോഗചക്ഷുഷേ ॥ 7 ॥
സോമാധാരാൻ പിതൃഗണാൻ യോഗമൂർതിധരാംസ്തഥാ ।
നമസ്യാമി തഥാ സോമം പിതരം ജഗതാമഹം ॥ 8 ॥
അഗ്നിരൂപാംസ്തഥൈവാന്യാൻ നമസ്യാമി പിതൄനഹം ।
അഗ്നിസോമമയം വിശ്വം യത ഏതദശേഷതഃ ॥ 9 ॥
യേ ച തേജസി യേ ചൈതേ സോമസൂര്യാഗ്നിമൂർതയഃ ।
ജഗത്സ്വരൂപിണശ്ചൈവ തഥാ ബ്രഹ്മസ്വരൂപിണഃ ॥ 10 ॥
തേഭ്യോഽഖിലേഭ്യോ യോഗിഭ്യഃ പിതൃഭ്യോ യതമാനസഃ ।
നമോ നമോ നമസ്തേഽസ്തു പ്രസീദന്തു സ്വധാഭുജഃ ॥ 11 ॥
ഇതി ശ്രീ ഗരുഡപുരാണേ ഊനനവതിതമോഽധ്യായേ രുചികൃത ദ്വിതീയ പിതൃ സ്തോത്രം ।
Recite with devotion and pure heart
Regular practice brings spiritual benefits