ருசிருவாச । நமஸ்யே(அ)ஹம்ʼ பித்ரூʼன் ப⁴க்த்யா யே வஸந்த்யதி⁴தே³வதா꞉ । தே³வைரபி ஹி தர்ப்யந்தே யே ஶ்ராத்³தே⁴ஷு ஸ்வதோ⁴த்தரை꞉ ॥ 1 ॥ நமஸ்யே(அ)ஹம்ʼ பித்ரூʼன் ஸ்வர்கே³ யே தர்ப்யந்தே மஹர்ஷிபி⁴꞉ । ஶ்ராத்³தை⁴ர்மனோமயைர்ப⁴க்த்யா பு⁴க்திமுக்திமபீ⁴ப்ஸுபி⁴꞉ ॥ 2 ॥ நமஸ்யே(அ)ஹம்ʼ பித்ரூʼன் ஸ்வர்கே³ ஸித்³தா⁴꞉ ஸந்தர்பயந்தி யான் । ஶ்ராத்³தே⁴ஷு தி³வ்யை꞉ ஸகலைருபஹாரைரனுத்தமை꞉ ॥ 3 ॥ நமஸ்யே(அ)ஹம்ʼ பித்ரூʼன் ப⁴க்த்யா யே(அ)ர்ச்யந்தே கு³ஹ்யகைர்தி³வி । தன்மயத்வேன வாஞ்ச²த்³பி⁴ர்ருʼத்³தி⁴ர்யாத்யந்திகீம்ʼ பராம் ॥ 4 ॥ நமஸ்யே(அ)ஹம்ʼ பித்ரூʼன் மர்த்யைரர்ச்யந்தே பு⁴வி யே ஸதா³ । ஶ்ராத்³தே⁴ஷு ஶ்ரத்³த⁴யாபீ⁴ஷ்டலோகபுஷ்டிப்ரதா³யின꞉ ॥ 5 ॥ நமஸ்யே(அ)ஹம்ʼ பித்ரூʼன் விப்ரைரர்ச்யந்தே பு⁴வி யே ஸதா³ । வாஞ்சி²தாபீ⁴ஷ்டலாபா⁴ய ப்ராஜாபத்யப்ரதா³யின꞉ ॥ 6 ॥ நமஸ்யே(அ)ஹம்ʼ பித்ரூʼன் யே வை தர்ப்யந்தே(அ)ரண்யவாஸிபி⁴꞉ । வன்யை꞉ ஶ்ராத்³தை⁴ர்யதாஹாரைஸ்தபோநிர்தூ⁴தகல்மஷை꞉ ॥ 7 ॥ நமஸ்யே(அ)ஹம்ʼ பித்ரூʼன் விப்ரைர்நைஷ்டி²கைர்த⁴ர்மசாரிபி⁴꞉ । யே ஸம்யதாத்மபி⁴ர்நித்யம்ʼ ஸந்தர்ப்யந்தே ஸமாதி⁴பி⁴꞉ ॥ 8 ॥ நமஸ்யே(அ)ஹம்ʼ பித்ரூʼன் ஶ்ராத்³தை⁴ ராஜந்யாஸ்தர்பயந்தி யான் । கவ்யைரஶேஷைர்விதி⁴வல்லோகத்³வயப²லப்ரதா³ன் ॥ 9 ॥ நமஸ்யே(அ)ஹம்ʼ பித்ரூʼன் வைஶ்யைரர்ச்யந்தே பு⁴வி யே ஸதா³ । ஸ்வகர்மாபி⁴ரதைர்நித்யம்ʼ புஷ்பதூ⁴பான்னவாரிபி⁴꞉ ॥ 10 ॥ நமஸ்யே(அ)ஹம்ʼ பித்ரூʼன் ஶ்ராத்³தே⁴ ஶூத்³ரைரபி ச ப⁴க்தித꞉ । ஸந்தர்ப்யந்தே ஜக³த்க்ருʼத்ஸ்னம்ʼ நாம்னா க்²யாதா꞉ ஸுகாலின꞉ ॥ 11 ॥ நமஸ்யே(அ)ஹம்ʼ பித்ரூʼன் ஶ்ராத்³தே⁴ பாதாலே யே மஹாஸுரை꞉ । ஸந்தர்ப்யந்தே ஸுதா⁴ஹாராஸ்த்யக்தத³ம்ப⁴மதை³꞉ ஸதா³ ॥ 12 ॥ நமஸ்யே(அ)ஹம்ʼ பித்ரூʼன் ஶ்ராத்³தை⁴ரர்ச்யந்தே யே ரஸாதலே । போ⁴கை³ரஶேஷைர்விதி⁴வந்நாகை³꞉ காமானபீ⁴ப்ஸுபி⁴꞉ ॥ 13 ॥ நமஸ்யே(அ)ஹம்ʼ பித்ரூʼன் ஶ்ராத்³தை⁴꞉ ஸர்பை꞉ ஸந்தர்பிதான்ஸதா³ । தத்ரைவ விதி⁴வன்மந்த்ரபோ⁴க³ஸம்பத்ஸமன்விதை꞉ ॥ 14 ॥ பித்ரூʼந்நமஸ்யே நிவஸந்தி ஸாக்ஷா- -த்³யே தே³வலோகே(அ)த² மஹீதலே வா । ததா²(அ)ந்தரிக்ஷே ச ஸுராரிபூஜ்யா- -ஸ்தே மே ப்ரதீச்ச²ந்து மனோபனீதம் ॥ 15 ॥ பித்ரூʼந்நமஸ்யே பரமார்த²பூ⁴தா யே வை விமானே நிவஸந்த்யமூர்தா꞉ । யஜந்தி யானஸ்தமலைர்மனோபி⁴- -ர்யோகீ³ஶ்வரா꞉ க்லேஶவிமுக்திஹேதூன் ॥ 16 ॥ பித்ரூʼந்நமஸ்யே தி³வி யே ச மூர்தா꞉ ஸ்வதா⁴பு⁴ஜ꞉ காம்யப²லாபி⁴ஸந்தௌ⁴ । ப்ரதா³னஶக்தா꞉ ஸகலேப்ஸிதானாம்ʼ விமுக்திதா³ யே(அ)னபி⁴ஸம்ʼஹிதேஷு ॥ 17 ॥ த்ருʼப்யந்து தே(அ)ஸ்மின்பிதர꞉ ஸமஸ்தா இச்சா²வதாம்ʼ யே ப்ரதி³ஶந்தி காமான் । ஸுரத்வமிந்த்³ரத்வமிதோ(அ)தி⁴கம்ʼ வா க³ஜாஶ்வரத்னானி மஹாக்³ருʼஹாணி ॥ 18 ॥ ஸோமஸ்ய யே ரஶ்மிஷு யே(அ)ர்கபி³ம்பே³ ஶுக்லே விமானே ச ஸதா³ வஸந்தி । த்ருʼப்யந்து தே(அ)ஸ்மின்பிதரோ(அ)ன்னதோயை- -ர்க³ந்தா⁴தி³னா புஷ்டிமிதோ வ்ரஜந்து ॥ 19 ॥ யேஷாம்ʼ ஹுதே(அ)க்³னௌ ஹவிஷா ச த்ருʼப்தி- -ர்யே பு⁴ஞ்ஜதே விப்ரஶரீரஸம்ʼஸ்தா²꞉ । யே பிண்ட³தா³னேன முத³ம்ʼ ப்ரயாந்தி த்ருʼப்யந்து தே(அ)ஸ்மின்பிதரோ(அ)ன்னதோயை꞉ ॥ 20 ॥ யே க²ட்³க³மாம்ʼஸேன ஸுரைரபீ⁴ஷ்டை꞉ க்ருʼஷ்ணைஸ்திலைர்தி³வ்ய மனோஹரைஶ்ச । காலேன ஶாகேன மஹர்ஷிவர்யை꞉ ஸம்ப்ரீணிதாஸ்தே முத³மத்ர யாந்து ॥ 21 ॥ கவ்யான்யஶேஷாணி ச யான்யபீ⁴ஷ்டா- -ந்யதீவ தேஷாம்ʼ மம பூஜிதானாம் । தேஷாஞ்ச ஸாந்நித்⁴யமிஹாஸ்து புஷ்ப- -க³ந்தா⁴ம்பு³போ⁴ஜ்யேஷு மயா க்ருʼதேஷு ॥ 22 ॥ தி³னே தி³னே யே ப்ரதிக்³ருʼஹ்ணதே(அ)ர்சாம்ʼ மாஸாந்தபூஜ்யா பு⁴வி யே(அ)ஷ்டகாஸு । யே வத்ஸராந்தே(அ)ப்⁴யுத³யே ச பூஜ்யா꞉ ப்ரயாந்து தே மே பிதரோ(அ)த்ர துஷ்டிம் ॥ 23 ॥ பூஜ்யா த்³விஜானாம்ʼ குமுதே³ந்து³பா⁴ஸோ யே க்ஷத்ரியாணாம்ʼ ஜ்வலனார்கவர்ணா꞉ । ததா² விஶாம்ʼ யே கனகாவதா³தா நீலீப்ரபா⁴꞉ ஶூத்³ரஜனஸ்ய யே ச ॥ 24 ॥ தே(அ)ஸ்மின்ஸமஸ்தா மம புஷ்பக³ந்த⁴- -தூ⁴பாம்பு³போ⁴ஜ்யாதி³நிவேத³னேன । ததா²(அ)க்³னிஹோமேன ச யாந்தி த்ருʼப்திம்ʼ ஸதா³ பித்ருʼப்⁴ய꞉ ப்ரணதோ(அ)ஸ்மி தேப்⁴ய꞉ ॥ 25 ॥ யே தே³வபூர்வாண்யபி⁴த்ருʼப்திஹேதோ- -ரஶ்னந்தி கவ்யானி ஶுபா⁴ஹ்ருʼதானி । த்ருʼப்தாஶ்ச யே பூ⁴திஸ்ருʼஜோ ப⁴வந்தி த்ருʼப்யந்து தே(அ)ஸ்மின்ப்ரணதோ(அ)ஸ்மி தேப்⁴ய꞉ ॥ 26 ॥ ரக்ஷாம்ʼஸி பூ⁴தான்யஸுராம்ʼஸ்ததோ²க்³ரா- -ந்நிர்நாஶயந்து த்வஶிவம்ʼ ப்ரஜானாம் । ஆத்³யா꞉ ஸுராணாமமரேஶபூஜ்யா- -ஸ்த்ருʼப்யந்து தே(அ)ஸ்மின்ப்ரணதோ(அ)ஸ்மிதேப்⁴ய꞉ ॥ 27 ॥ அக்³நிஸ்வாத்தா ப³ர்ஹிஷத³ ஆஜ்யபா꞉ ஸோமபாஸ்ததா² । வ்ரஜந்து த்ருʼப்திம்ʼ ஶ்ராத்³தே⁴(அ)ஸ்மின்பிதரஸ்தர்பிதா மயா ॥ 28 ॥ அக்³நிஸ்வாத்தா꞉ பித்ருʼக³ணா꞉ ப்ராசீம்ʼ ரக்ஷந்து மே தி³ஶம் । ததா² ப³ர்ஹிஷத³꞉ பாந்து யாம்யாம்ʼ மே பிதர꞉ ஸதா³ । ப்ரதீசீமாஜ்யபாஸ்தத்³வது³தீ³சீமபி ஸோமபா꞉ ॥ 29 ॥ ரக்ஷோபூ⁴தபிஶாசேப்⁴யஸ்ததை²வாஸுரதோ³ஷத꞉ । ஸர்வத꞉ பிதரோ ரக்ஷாம்ʼ குர்வந்து மம நித்யஶ꞉ ॥ 30 ॥ விஶ்வோ விஶ்வபு⁴கா³ராத்⁴யோ த⁴ர்மோ த⁴ன்ய꞉ ஶுபா⁴னன꞉ । பூ⁴திதோ³ பூ⁴திக்ருʼத்³பூ⁴தி꞉ பித்ரூʼணாம்ʼ யே க³ணா நவ ॥ 31 ॥ கல்யாண꞉ கல்யத³꞉ கர்தா கல்ய꞉ கல்யதராஶ்ரய꞉ । கல்யதாஹேதுரனக⁴꞉ ஷடி³மே தே க³ணா꞉ ஸ்ம்ருʼதா꞉ ॥ 32 ॥ வரோ வரேண்யோ வரத³ஸ்துஷ்டித³꞉ புஷ்டித³ஸ்ததா² । விஶ்வபாதா ததா² தா⁴தா ஸப்தைதே ச க³ணா꞉ ஸ்ம்ருʼதா꞉ ॥ 33 ॥ மஹான்மஹாத்மா மஹிதோ மஹிமாவான்மஹாப³ல꞉ । க³ணா꞉ பஞ்ச ததை²வைதே பித்ரூʼணாம்ʼ பாபநாஶனா꞉ ॥ 34 ॥ ஸுக²தோ³ த⁴னத³ஶ்சான்யோ த⁴ர்மதோ³(அ)ன்யஶ்ச பூ⁴தித³꞉ । பித்ரூʼணாம்ʼ கத்²யதே சைவ ததா² க³ணசதுஷ்டயம் ॥ 35 ॥ ஏகத்ரிம்ʼஶத்பித்ருʼக³ணா யைர்வ்யாப்தமகி²லம்ʼ ஜக³த் । த ஏவாத்ர பித்ருʼக³ணாஸ்துஷ்யந்து ச மதா³ஹிதம் ॥ 36 ॥ இதி ஶ்ரீ க³ருட³புராணே ஊனனவதிதமோ(அ)த்⁴யாயே ருசிக்ருʼத பித்ருʼ ஸ்தோத்ரம் ।