బ్రహ్మ కృతం పితృ స్తోత్రం

బ్రహ్మోవాచ ।

నమః పిత్రే జన్మదాత్రే సర్వదేవమయాయ చ ।

సుఖదాయ ప్రసన్నాయ సుప్రీతాయ మహాత్మనే ॥ 1 ॥

సర్వయజ్ఞస్వరూపాయ స్వర్గాయ పరమేష్ఠినే ।

సర్వతీర్థావలోకాయ కరుణాసాగరాయ చ ॥ 2 ॥

నమః సదాఽఽశుతోషాయ శివరూపాయ తే నమః ।

సదాఽపరాధక్షమిణే సుఖాయ సుఖదాయ చ ॥ 3 ॥

దుర్లభం మానుషమిదం యేన లబ్ధం మయా వపుః ।

సంభావనీయం ధర్మార్థే తస్మై పిత్రే నమో నమః ॥ 4 ॥

తీర్థస్నానతపోహోమజపాదీన్ యస్య దర్శనం ।

మహాగురోశ్చ గురవే తస్మై పిత్రే నమో నమః ॥ 5 ॥

యస్య ప్రణామ స్తవనాత్ కోటిశః పితృతర్పణం ।

అశ్వమేధశతైస్తుల్యం తస్మై పిత్రే నమో నమః ॥ 6 ॥

ఇదం స్తోత్రం పితృః పుణ్యం యః పఠేత్ ప్రయతో నరః ।

ప్రత్యహం ప్రాతరుత్థాయ పితృశ్రాద్ధదినేఽపి చ ॥ 7 ॥

స్వజన్మదివసే సాక్షాత్ పితురగ్రే స్థితోఽపి వా ।

న తస్య దుర్లభం కించిత్ సర్వజ్ఞత్వాది వాంఛితం ॥ 8 ॥

నానాపకర్మ కృత్వాఽపి యః స్తౌతి పితరం సుతః ।

స ధృవం ప్రవిధాయైవ ప్రాయశ్చిత్తం సుఖీ భవేత్ ।

పితృప్రీతికరైర్నిత్యం సర్వకర్మాణ్యథార్హతి ॥ 9 ॥

ఇతి బృహద్ధర్మపురాణాంతర్గత బ్రహ్మకృత పితృ స్తోత్రం ।

Recite with devotion and pure heart

Regular practice brings spiritual benefits