हैंహైHaindavamஹிહિં
📍
Font Size:
ப்³ரஹ்ம க்ருʼதம் பித்ருʼ ஸ்தோத்ரம்
ப்³ரஹ்மோவாச ।
நம꞉ பித்ரே ஜன்மதா³த்ரே ஸர்வதே³வமயாய ச ।
ஸுக²தா³ய ப்ரஸன்னாய ஸுப்ரீதாய மஹாத்மனே ॥ 1 ॥
ஸர்வயஜ்ஞஸ்வரூபாய ஸ்வர்கா³ய பரமேஷ்டி²னே ।
ஸர்வதீர்தா²வலோகாய கருணாஸாக³ராய ச ॥ 2 ॥
நம꞉ ஸதா³(ஆ)ஶுதோஷாய ஶிவரூபாய தே நம꞉ ।
ஸதா³(அ)பராத⁴க்ஷமிணே ஸுகா²ய ஸுக²தா³ய ச ॥ 3 ॥
து³ர்லப⁴ம்ʼ மானுஷமித³ம்ʼ யேன லப்³த⁴ம்ʼ மயா வபு꞉ ।
ஸம்பா⁴வனீயம்ʼ த⁴ர்மார்தே² தஸ்மை பித்ரே நமோ நம꞉ ॥ 4 ॥
தீர்த²ஸ்னானதபோஹோமஜபாதீ³ன் யஸ்ய த³ர்ஶனம் ।
மஹாகு³ரோஶ்ச கு³ரவே தஸ்மை பித்ரே நமோ நம꞉ ॥ 5 ॥
யஸ்ய ப்ரணாம ஸ்தவனாத் கோடிஶ꞉ பித்ருʼதர்பணம் ।
அஶ்வமேத⁴ஶதைஸ்துல்யம்ʼ தஸ்மை பித்ரே நமோ நம꞉ ॥ 6 ॥
இத³ம்ʼ ஸ்தோத்ரம்ʼ பித்ருʼ꞉ புண்யம்ʼ ய꞉ படே²த் ப்ரயதோ நர꞉ ।
ப்ரத்யஹம்ʼ ப்ராதருத்தா²ய பித்ருʼஶ்ராத்³த⁴தி³னே(அ)பி ச ॥ 7 ॥
ஸ்வஜன்மதி³வஸே ஸாக்ஷாத் பிதுரக்³ரே ஸ்தி²தோ(அ)பி வா ।
ந தஸ்ய து³ர்லப⁴ம்ʼ கிஞ்சித் ஸர்வஜ்ஞத்வாதி³ வாஞ்சி²தம் ॥ 8 ॥
நானாபகர்ம க்ருʼத்வா(அ)பி ய꞉ ஸ்தௌதி பிதரம்ʼ ஸுத꞉ ।
ஸ த்⁴ருʼவம்ʼ ப்ரவிதா⁴யைவ ப்ராயஶ்சித்தம்ʼ ஸுகீ² ப⁴வேத் ।
பித்ருʼப்ரீதிகரைர்நித்யம்ʼ ஸர்வகர்மாண்யதா²ர்ஹதி ॥ 9 ॥
இதி ப்³ருʼஹத்³த⁴ர்மபுராணாந்தர்க³த ப்³ரஹ்மக்ருʼத பித்ருʼ ஸ்தோத்ரம் ।
Recite with devotion and pure heart
Regular practice brings spiritual benefits