हैंహైHaindavamஹிહિં
📍
Font Size:
ബ്രഹ്മ കൃതം പിതൃ സ്തോത്രം
ബ്രഹ്മോവാച ।
നമഃ പിത്രേ ജന്മദാത്രേ സർവദേവമയായ ച ।
സുഖദായ പ്രസന്നായ സുപ്രീതായ മഹാത്മനേ ॥ 1 ॥
സർവയജ്ഞസ്വരൂപായ സ്വർഗായ പരമേഷ്ഠിനേ ।
സർവതീർഥാവലോകായ കരുണാസാഗരായ ച ॥ 2 ॥
നമഃ സദാഽഽശുതോഷായ ശിവരൂപായ തേ നമഃ ।
സദാഽപരാധക്ഷമിണേ സുഖായ സുഖദായ ച ॥ 3 ॥
ദുർലഭം മാനുഷമിദം യേന ലബ്ധം മയാ വപുഃ ।
സംഭാവനീയം ധർമാർഥേ തസ്മൈ പിത്രേ നമോ നമഃ ॥ 4 ॥
തീർഥസ്നാനതപോഹോമജപാദീൻ യസ്യ ദർശനം ।
മഹാഗുരോശ്ച ഗുരവേ തസ്മൈ പിത്രേ നമോ നമഃ ॥ 5 ॥
യസ്യ പ്രണാമ സ്തവനാത് കോടിശഃ പിതൃതർപണം ।
അശ്വമേധശതൈസ്തുല്യം തസ്മൈ പിത്രേ നമോ നമഃ ॥ 6 ॥
ഇദം സ്തോത്രം പിതൃഃ പുണ്യം യഃ പഠേത് പ്രയതോ നരഃ ।
പ്രത്യഹം പ്രാതരുത്ഥായ പിതൃശ്രാദ്ധദിനേഽപി ച ॥ 7 ॥
സ്വജന്മദിവസേ സാക്ഷാത് പിതുരഗ്രേ സ്ഥിതോഽപി വാ ।
ന തസ്യ ദുർലഭം കിഞ്ചിത് സർവജ്ഞത്വാദി വാഞ്ഛിതം ॥ 8 ॥
നാനാപകർമ കൃത്വാഽപി യഃ സ്തൗതി പിതരം സുതഃ ।
സ ധൃവം പ്രവിധായൈവ പ്രായശ്ചിത്തം സുഖീ ഭവേത് ।
പിതൃപ്രീതികരൈർനിത്യം സർവകർമാണ്യഥാർഹതി ॥ 9 ॥
ഇതി ബൃഹദ്ധർമപുരാണാന്തർഗത ബ്രഹ്മകൃത പിതൃ സ്തോത്രം ।
Recite with devotion and pure heart
Regular practice brings spiritual benefits