ಬ್ರಹ್ಮ ಕೃತಂ ಪಿತೃ ಸ್ತೋತ್ರಂ

ಬ್ರಹ್ಮೋವಾಚ ।

ನಮಃ ಪಿತ್ರೇ ಜನ್ಮದಾತ್ರೇ ಸರ್ವದೇವಮಯಾಯ ಚ ।

ಸುಖದಾಯ ಪ್ರಸನ್ನಾಯ ಸುಪ್ರೀತಾಯ ಮಹಾತ್ಮನೇ ॥ 1 ॥

ಸರ್ವಯಜ್ಞಸ್ವರೂಪಾಯ ಸ್ವರ್ಗಾಯ ಪರಮೇಷ್ಠಿನೇ ।

ಸರ್ವತೀರ್ಥಾವಲೋಕಾಯ ಕರುಣಾಸಾಗರಾಯ ಚ ॥ 2 ॥

ನಮಃ ಸದಾಽಽಶುತೋಷಾಯ ಶಿವರೂಪಾಯ ತೇ ನಮಃ ।

ಸದಾಽಪರಾಧಕ್ಷಮಿಣೇ ಸುಖಾಯ ಸುಖದಾಯ ಚ ॥ 3 ॥

ದುರ್ಲಭಂ ಮಾನುಷಮಿದಂ ಯೇನ ಲಬ್ಧಂ ಮಯಾ ವಪುಃ ।

ಸಂಭಾವನೀಯಂ ಧರ್ಮಾರ್ಥೇ ತಸ್ಮೈ ಪಿತ್ರೇ ನಮೋ ನಮಃ ॥ 4 ॥

ತೀರ್ಥಸ್ನಾನತಪೋಹೋಮಜಪಾದೀನ್ ಯಸ್ಯ ದರ್ಶನಂ ।

ಮಹಾಗುರೋಶ್ಚ ಗುರವೇ ತಸ್ಮೈ ಪಿತ್ರೇ ನಮೋ ನಮಃ ॥ 5 ॥

ಯಸ್ಯ ಪ್ರಣಾಮ ಸ್ತವನಾತ್ ಕೋಟಿಶಃ ಪಿತೃತರ್ಪಣಂ ।

ಅಶ್ವಮೇಧಶತೈಸ್ತುಲ್ಯಂ ತಸ್ಮೈ ಪಿತ್ರೇ ನಮೋ ನಮಃ ॥ 6 ॥

ಇದಂ ಸ್ತೋತ್ರಂ ಪಿತೃಃ ಪುಣ್ಯಂ ಯಃ ಪಠೇತ್ ಪ್ರಯತೋ ನರಃ ।

ಪ್ರತ್ಯಹಂ ಪ್ರಾತರುತ್ಥಾಯ ಪಿತೃಶ್ರಾದ್ಧದಿನೇಽಪಿ ಚ ॥ 7 ॥

ಸ್ವಜನ್ಮದಿವಸೇ ಸಾಕ್ಷಾತ್ ಪಿತುರಗ್ರೇ ಸ್ಥಿತೋಽಪಿ ವಾ ।

ನ ತಸ್ಯ ದುರ್ಲಭಂ ಕಿಂಚಿತ್ ಸರ್ವಜ್ಞತ್ವಾದಿ ವಾಂಛಿತಂ ॥ 8 ॥

ನಾನಾಪಕರ್ಮ ಕೃತ್ವಾಽಪಿ ಯಃ ಸ್ತೌತಿ ಪಿತರಂ ಸುತಃ ।

ಸ ಧೃವಂ ಪ್ರವಿಧಾಯೈವ ಪ್ರಾಯಶ್ಚಿತ್ತಂ ಸುಖೀ ಭವೇತ್ ।

ಪಿತೃಪ್ರೀತಿಕರೈರ್ನಿತ್ಯಂ ಸರ್ವಕರ್ಮಾಣ್ಯಥಾರ್ಹತಿ ॥ 9 ॥

ಇತಿ ಬೃಹದ್ಧರ್ಮಪುರಾಣಾಂತರ್ಗತ ಬ್ರಹ್ಮಕೃತ ಪಿತೃ ಸ್ತೋತ್ರಂ ।

Recite with devotion and pure heart

Regular practice brings spiritual benefits