த்⁴யானம் ம்ருʼணாலகுந்தே³ந்து³பயோஜஸுப்ரப⁴ம்ʼ பீதாம்ப³ரம்ʼ ப்ரஸ்ருʼதமக்ஷமாலினம் । ஸமஸ்தஶாஸ்த்ரார்த²விதி⁴ம்ʼ மஹாந்தம்ʼ த்⁴யாயேத்கவிம்ʼ வாஞ்சி²தமர்த²ஸித்³த⁴யே ॥ 1 ॥ அத² ஶுக்ரகவசம் ஶிரோ மே பா⁴ர்க³வ꞉ பாது பா⁴லம்ʼ பாது க்³ரஹாதி⁴ப꞉ । நேத்ரே தை³த்யகு³ரு꞉ பாது ஶ்ரோத்ரே மே சந்த³னத்³யுதி꞉ ॥ 2 ॥ பாது மே நாஸிகாம்ʼ காவ்யோ வத³னம்ʼ தை³த்யவந்தி³த꞉ । வசனம்ʼ சோஶனா꞉ பாது கண்ட²ம்ʼ ஶ்ரீகண்ட²ப⁴க்திமான் ॥ 3 ॥ பு⁴ஜௌ தேஜோநிதி⁴꞉ பாது குக்ஷிம்ʼ பாது மனோவ்ரஜ꞉ । நாபி⁴ம்ʼ ப்⁴ருʼகு³ஸுத꞉ பாது மத்⁴யம்ʼ பாது மஹீப்ரிய꞉ ॥ 4 ॥ கடிம்ʼ மே பாது விஶ்வாத்மா உரூ மே ஸுரபூஜித꞉ । ஜானும்ʼ ஜாட்³யஹர꞉ பாது ஜங்கே⁴ ஜ்ஞானவதாம்ʼ வர꞉ ॥ 5 ॥ கு³ல்பௌ² கு³ணநிதி⁴꞉ பாது பாது பாதௌ³ வராம்ப³ர꞉ । ஸர்வாண்யங்கா³னி மே பாது ஸ்வர்ணமாலாபரிஷ்க்ருʼத꞉ ॥ 6 ॥ ப²லஶ்ருதி꞉ ய இத³ம்ʼ கவசம்ʼ தி³வ்யம்ʼ பட²தி ஶ்ரத்³த⁴யான்வித꞉ । ந தஸ்ய ஜாயதே பீடா³ பா⁴ர்க³வஸ்ய ப்ரஸாத³த꞉ ॥ 7 ॥ ॥ இதி ஶ்ரீப்³ரஹ்மாண்ட³புராணே ஶுக்ரகவசம்ʼ ஸம்பூர்ணம் ॥