हैंహైHaindavamஹிહિં
📍
Font Size:
ഋണ വിമോചന അംഗാരക സ്തോത്രം
സ്കന്ദ ഉവാച ।
ഋണഗ്രസ്തനരാണാം തു ഋണമുക്തിഃ കഥം ഭവേത് ।
ബ്രഹ്മോവാച ।
വക്ഷ്യേഽഹം സർവലോകാനാം ഹിതാർഥം ഹിതകാമദം ॥
അസ്യ ശ്രീ അംഗാരക സ്തോത്ര മഹാമന്ത്രസ്യ ഗൗതമ ഋഷിഃ, അനുഷ്ടുപ് ഛന്ദഃ, അംഗാരകോ ദേവതാ മമ ഋണ വിമോചനാർഥേ ജപേ വിനിയോഗഃ ।
ധ്യാനം –
ധരണീ ഗർഭ സംഭൂതം വിദ്യുത്കാന്തി സമപ്രഭം ।
കുമാരം ശക്തിഹസ്തം തം കുജം പ്രണമാമ്യഹം ॥ 1 ॥
രക്തമാല്യാംബരധരഃ ശൂലശക്തിഗദാധരഃ ।
ചതുർഭുജോ മേഷഗതോ വരദശ്ച ധരാസുതഃ ॥ 2 ॥
അഥ സ്തോത്രം –
മംഗലോ ഭൂമിപുത്രശ്ച ഋണഹർതാ ധനപ്രദഃ ।
സ്ഥിരാസനോ മഹാകായഃ സർവകർമാവബോധകഃ ॥ 3 ॥
ലോഹിതോ ലോഹിതാംഗശ്ച സാമഗായീ കൃപാകരഃ ।
ധർമരാജഃ കുജോ ഭൗമോ ഭൂമിജോ ഭൂമിനന്ദനഃ ॥ 4 ॥
അംഗാരകോ യമശ്ചൈവ സർവരോഗാപഹാരകഃ ।
സൃഷ്ടികർതാഽപഹർതാ ച സർവകാമഫലപ്രദഃ ॥ 5 ॥
ഭൂതിദോ ഗ്രഹപൂജ്യശ്ച വക്ത്രോ രക്തവപുഃ പ്രഭുഃ ।
ഏതാനി കുജനാമാനി യോ നിത്യം പ്രയതഃ പഠേത് ।
ഋണം ന ജായതേ തസ്യ ധനം പ്രാപ്നോത്യസംശയം ॥ 6 ॥
രക്തപുഷ്പൈശ്ച ഗന്ധൈശ്ച ദീപധൂപാദിഭിസ്തഥാ ।
മംഗലം പൂജയിത്വാ തു മംഗലേഽഹനി സർവദാ ॥ 7 ॥
ഋണരേഖാഃ പ്രകർതവ്യാഃ ദഗ്ധാംഗാരൈസ്തദഗ്രതഃ ।
സപ്തവിംശതിനാമാനി പഠിത്വാ തു തദന്തികേ ॥ 8 ॥
താശ്ച പ്രമാർജയേത്പശ്ചാദ്വാമപാദേന സംസ്പൃശൻ ।
ഏവം കൃത്വാ ന സന്ദേഹോ ഋണഹീനോ ധനീ ഭവേത് ॥ 9 ॥
ഭൂമിജസ്യ പ്രസാദേന ഗ്രഹപീഡാ വിനശ്യതി ।
യേനാർജിതാ ജഗത്കീർതിർഭൂമിപുത്രേണ ശാശ്വതീ ॥ 10 ॥
ശത്രവശ്ച ഹതാ യേന ഭൗമേന മഹിതാത്മനാ ।
സ പ്രീയതാം തു ഭൗമോഽദ്യ തുഷ്ടോ ഭൂയാത് സദാ മമ ॥ 11 ॥
മൂലമന്ത്രഃ –
അംഗാരക മഹീപുത്ര ഭഗവൻ ഭക്തവത്സല ।
നമോഽസ്തു തേ മമാശേഷ ഋണമാശു വിമോചയ ॥ 12 ॥
അർഘ്യം –
ഭൂമിപുത്ര മഹാതേജഃ സ്വേദോദ്ഭവ പിനാകിനഃ ।
ഋണാർതസ്ത്വാം പ്രപന്നോഽസ്മി ഗൃഹാണാർഘ്യം നമോഽസ്തു തേ ॥ 13 ॥
ഇതി ഋണ വിമോചന അംഗാരക സ്തോത്രം ॥
Recite with devotion and pure heart
Regular practice brings spiritual benefits