हैंహైHaindavamஹிહિં
📍
Font Size:
Ketu Kavacham
dhyānaṃ
ketuṃ karālavadanaṃ citravarṇaṃ kirīṭinam ।
praṇamāmi sadā ketuṃ dhvajākāraṃ graheśvaram ॥ 1 ॥
। atha ketu kavacam ।
citravarṇaḥ śiraḥ pātu bhālaṃ dhūmrasamadyutiḥ ।
pātu netre piṅgalākṣaḥ śrutī me raktalocanaḥ ॥ 2 ॥
ghrāṇaṃ pātu suvarṇābhaścibukaṃ siṃhikāsutaḥ ।
pātu kaṇṭhaṃ ca me ketuḥ skandhau pātu grahādhipaḥ ॥ 3 ॥
hastau pātu suraśreṣṭhaḥ kukṣiṃ pātu mahāgrahaḥ ।
siṃhāsanaḥ kaṭiṃ pātu madhyaṃ pātu mahāsuraḥ ॥ 4 ॥
ūrū pātu mahāśīrṣo jānunī me'tikopanaḥ ।
pātu pādau ca me krūraḥ sarvāṅgaṃ narapiṅgalaḥ ॥ 5 ॥
phalaśrutiḥ
ya idaṃ kavacaṃ divyaṃ sarvarogavināśanam ।
sarvaśatruvināśaṃ ca dhāraṇādvijayī bhavet ॥ 6 ॥
॥ iti śrībrahmāṇḍapurāṇe ketukavacaṃ sampūrṇam ॥
Recite with devotion and pure heart
Regular practice brings spiritual benefits