ப்³ருʼஹஸ்பதி கவசம்

அஸ்ய ஶ்ரீப்³ருʼஹஸ்பதி கவசமஹா மந்த்ரஸ்ய, ஈஶ்வர ருʼஷி꞉,

அனுஷ்டுப் ச²ந்த³꞉, ப்³ருʼஹஸ்பதிர்தே³வதா,

க³ம்ʼ பீ³ஜம்ʼ, ஶ்ரீம்ʼ ஶக்தி꞉, க்லீம்ʼ கீலகம்,

ப்³ருʼஹஸ்பதி ப்ரஸாத³ ஸித்³த்⁴யர்தே² ஜபே விநியோக³꞉ ॥

த்⁴யானம்

அபீ⁴ஷ்டப²லத³ம்ʼ வந்தே³ ஸர்வஜ்ஞம்ʼ ஸுரபூஜிதம் ।

அக்ஷமாலாத⁴ரம்ʼ ஶாந்தம்ʼ ப்ரணமாமி ப்³ருʼஹஸ்பதிம் ॥

அத² ப்³ருʼஹஸ்பதி கவசம்

ப்³ருʼஹஸ்பதி꞉ ஶிர꞉ பாது லலாடம்ʼ பாது மே கு³ரு꞉ ।

கர்ணௌ ஸுரகு³ரு꞉ பாது நேத்ரே மேபீ⁴ஷ்டதா³யக꞉ ॥ 1 ॥

ஜிஹ்வாம்ʼ பாது ஸுராசார்ய꞉ நாஸம்ʼ மே வேத³பாரக³꞉ ।

முக²ம்ʼ மே பாது ஸர்வஜ்ஞ꞉ கண்ட²ம்ʼ மே தே³வதாகு³ரு꞉ ॥ 2 ॥

பு⁴ஜா வங்கீ³ரஸ꞉ பாது கரௌ பாது ஶுப⁴ப்ரத³꞉ ।

ஸ்தனௌ மே பாது வாகீ³ஶ꞉ குக்ஷிம்ʼ மே ஶுப⁴லக்ஷண꞉ ॥ 3 ॥

நாபி⁴ம்ʼ தே³வகு³ரு꞉ பாது மத்⁴யம்ʼ பாது ஸுக²ப்ரத³꞉ ।

கடிம்ʼ பாது ஜக³த்³வந்த்³ய꞉ ஊரூ மே பாது வாக்பதி꞉ ॥ 4 ॥

ஜானுஜங்கே⁴ ஸுராசார்ய꞉ பாதௌ³ விஶ்வாத்மக꞉ ஸதா³ ।

அன்யானி யானி சாங்கா³னி ரக்ஷேன்மே ஸர்வதோ கு³ரு꞉ ॥ 5 ॥

ப²லஶ்ருʼதி꞉

இத்யேதத்கவசம்ʼ தி³வ்யம்ʼ த்ரிஸந்த்⁴யம்ʼ ய꞉ படே²ன்னர꞉ ।

ஸர்வான் காமானவாப்னோதி ஸர்வத்ர விஜயீ ப⁴வேத் ॥

॥ இதி ஶ்ரீ ப்³ருʼஹஸ்பதி கவசம் ॥

Recite with devotion and pure heart

Regular practice brings spiritual benefits