లక్ష్మీ మే చాగ్రతః పాతు కమలా పాతు పృష్ఠతః । నారాయణీ శీర్షదేశే సర్వాంగే శ్రీస్వరూపిణీ ॥ 1 ॥ రామపత్నీ తు ప్రత్యంగే రామేశ్వరీ సదాఽవతు । విశాలాక్షీ యోగమాయా కౌమారీ చక్రిణీ తథా ॥ 2 ॥ జయదాత్రీ ధనదాత్రీ పాశాక్షమాలినీ శుభా । హరిప్రియా హరిరామా జయంకరీ మహోదరీ ॥ 3 ॥ కృష్ణపరాయణా దేవీ శ్రీకృష్ణమనమోహినీ । జయంకరీ మహారౌద్రీ సిద్ధిదాత్రీ శుభంకరీ ॥ 4 ॥ సుఖదా మోక్షదా దేవీ చిత్రకూటనివాసినీ । భయం హరతు భక్తానాం భవబంధం విముంచతు ॥ 5 ॥ కవచం తన్మహాపుణ్యం యః పఠేద్భక్తిసమ్యుతః । త్రిసంధ్యమేకసంధ్యం వా ముచ్యతే సర్వసంకటాత్ ॥ 6 ॥ కవచస్యాస్య పఠనం ధనపుత్రవివర్ధనం । భీతివినాశనం చైవ త్రిషు లోకేషు కీర్తితం ॥ 7 ॥ భూర్జపత్రే సమాలిఖ్య రోచనాకుంకుమేన తు । ధారణాద్గలదేశే చ సర్వసిద్ధిర్భవిష్యతి ॥ 8 ॥ అపుత్రో లభతే పుత్రం ధనార్థీ లభతే ధనం । మోక్షార్థీ మోక్షమాప్నోతి కవచస్య ప్రసాదతః ॥ 9 ॥ గర్భిణీ లభతే పుత్రం వంధ్యా చ గర్భిణీ భవేత్ । ధారయేద్యది కంఠే చ అథవా వామబాహుకే ॥ 10 ॥ యః పఠేన్నియతో భక్త్యా స ఏవ విష్ణువద్భవేత్ । మృత్యువ్యాధిభయం తస్య నాస్తి కించిన్మహీతలే ॥ 11 ॥ పఠేద్వా పాఠయేద్వాపి శృణుయాచ్ఛ్రావయేదపి । సర్వపాపవిముక్తస్తు లభతే పరమాం గతిం ॥ 12 ॥ సంకటే విపదే ఘోరే తథా చ గహనే వనే । రాజద్వారే చ నౌకాయాం తథా చ రణమధ్యతః ॥ 13 ॥ పఠనాద్ధారణాదస్య జయమాప్నోతి నిశ్చితం । అపుత్రా చ తథా వంధ్యా త్రిపక్షం శృణుయాద్యది ॥ 14 ॥ సుపుత్రం లభతే సా తు దీర్ఘాయుష్కం యశస్వినం । శృణుయాద్యః శుద్ధబుద్ధ్యా ద్వౌ మాసౌ విప్రవక్త్రతః ॥ 15 ॥ సర్వాన్కామానవాప్నోతి సర్వబంధాద్విముచ్యతే । మృతవత్సా జీవవత్సా త్రిమాసం శ్రవణం యది ॥ 16 ॥ రోగీ రోగాద్విముచ్యేత పఠనాన్మాసమధ్యతః । లిఖిత్వా భూర్జపత్రే చ అథవా తాడపత్రకే ॥ 17 ॥ స్థాపయేన్నియతం గేహే నాగ్నిచౌరభయం క్వచిత్ । శృణుయాద్ధారయేద్వాపి పఠేద్వా పాఠయేదపి ॥ 18 ॥ యః పుమాన్సతతం తస్మిన్ప్రసన్నాః సర్వదేవతాః । బహునా కిమిహోక్తేన సర్వజీవేశ్వరేశ్వరీ ॥ 19 ॥ ఆద్యాశక్తిః సదాలక్ష్మీర్భక్తానుగ్రహకారిణీ । ధారకే పాఠకే చైవ నిశ్చలా నివసేద్ధ్రువం ॥ 20 ॥ ఇతి శ్రీ లక్ష్మీ కవచం ।