हैंహైHaindavamஹிહિં
📍
Font Size:
ലക്ഷ്മീ കവചം
ലക്ഷ്മീ മേ ചാഗ്രതഃ പാതു കമലാ പാതു പൃഷ്ഠതഃ ।
നാരായണീ ശീർഷദേശേ സർവാംഗേ ശ്രീസ്വരൂപിണീ ॥ 1 ॥
രാമപത്നീ തു പ്രത്യംഗേ രാമേശ്വരീ സദാഽവതു ।
വിശാലാക്ഷീ യോഗമായാ കൗമാരീ ചക്രിണീ തഥാ ॥ 2 ॥
ജയദാത്രീ ധനദാത്രീ പാശാക്ഷമാലിനീ ശുഭാ ।
ഹരിപ്രിയാ ഹരിരാമാ ജയങ്കരീ മഹോദരീ ॥ 3 ॥
കൃഷ്ണപരായണാ ദേവീ ശ്രീകൃഷ്ണമനമോഹിനീ ।
ജയങ്കരീ മഹാരൗദ്രീ സിദ്ധിദാത്രീ ശുഭങ്കരീ ॥ 4 ॥
സുഖദാ മോക്ഷദാ ദേവീ ചിത്രകൂടനിവാസിനീ ।
ഭയം ഹരതു ഭക്താനാം ഭവബന്ധം വിമുഞ്ചതു ॥ 5 ॥
കവചം തന്മഹാപുണ്യം യഃ പഠേദ്ഭക്തിസമ്യുതഃ ।
ത്രിസന്ധ്യമേകസന്ധ്യം വാ മുച്യതേ സർവസങ്കടാത് ॥ 6 ॥
കവചസ്യാസ്യ പഠനം ധനപുത്രവിവർധനം ।
ഭീതിവിനാശനം ചൈവ ത്രിഷു ലോകേഷു കീർതിതം ॥ 7 ॥
ഭൂർജപത്രേ സമാലിഖ്യ രോചനാകുങ്കുമേന തു ।
ധാരണാദ്ഗലദേശേ ച സർവസിദ്ധിർഭവിഷ്യതി ॥ 8 ॥
അപുത്രോ ലഭതേ പുത്രം ധനാർഥീ ലഭതേ ധനം ।
മോക്ഷാർഥീ മോക്ഷമാപ്നോതി കവചസ്യ പ്രസാദതഃ ॥ 9 ॥
ഗർഭിണീ ലഭതേ പുത്രം വന്ധ്യാ ച ഗർഭിണീ ഭവേത് ।
ധാരയേദ്യദി കണ്ഠേ ച അഥവാ വാമബാഹുകേ ॥ 10 ॥
യഃ പഠേന്നിയതോ ഭക്ത്യാ സ ഏവ വിഷ്ണുവദ്ഭവേത് ।
മൃത്യുവ്യാധിഭയം തസ്യ നാസ്തി കിഞ്ചിന്മഹീതലേ ॥ 11 ॥
പഠേദ്വാ പാഠയേദ്വാപി ശൃണുയാച്ഛ്രാവയേദപി ।
സർവപാപവിമുക്തസ്തു ലഭതേ പരമാം ഗതിം ॥ 12 ॥
സങ്കടേ വിപദേ ഘോരേ തഥാ ച ഗഹനേ വനേ ।
രാജദ്വാരേ ച നൗകായാം തഥാ ച രണമധ്യതഃ ॥ 13 ॥
പഠനാദ്ധാരണാദസ്യ ജയമാപ്നോതി നിശ്ചിതം ।
അപുത്രാ ച തഥാ വന്ധ്യാ ത്രിപക്ഷം ശൃണുയാദ്യദി ॥ 14 ॥
സുപുത്രം ലഭതേ സാ തു ദീർഘായുഷ്കം യശസ്വിനം ।
ശൃണുയാദ്യഃ ശുദ്ധബുദ്ധ്യാ ദ്വൗ മാസൗ വിപ്രവക്ത്രതഃ ॥ 15 ॥
സർവാൻകാമാനവാപ്നോതി സർവബന്ധാദ്വിമുച്യതേ ।
മൃതവത്സാ ജീവവത്സാ ത്രിമാസം ശ്രവണം യദി ॥ 16 ॥
രോഗീ രോഗാദ്വിമുച്യേത പഠനാന്മാസമധ്യതഃ ।
ലിഖിത്വാ ഭൂർജപത്രേ ച അഥവാ താഡപത്രകേ ॥ 17 ॥
സ്ഥാപയേന്നിയതം ഗേഹേ നാഗ്നിചൗരഭയം ക്വചിത് ।
ശൃണുയാദ്ധാരയേദ്വാപി പഠേദ്വാ പാഠയേദപി ॥ 18 ॥
യഃ പുമാൻസതതം തസ്മിൻപ്രസന്നാഃ സർവദേവതാഃ ।
ബഹുനാ കിമിഹോക്തേന സർവജീവേശ്വരേശ്വരീ ॥ 19 ॥
ആദ്യാശക്തിഃ സദാലക്ഷ്മീർഭക്താനുഗ്രഹകാരിണീ ।
ധാരകേ പാഠകേ ചൈവ നിശ്ചലാ നിവസേദ്ധ്രുവം ॥ 20 ॥
ഇതി ശ്രീ ലക്ഷ്മീ കവചം ।
Recite with devotion and pure heart
Regular practice brings spiritual benefits