த்⁴யானம் । ஶதமக²மணி நீலா சாருகல்ஹாரஹஸ்தா ஸ்தனப⁴ரனமிதாங்கீ³ ஸாந்த்³ரவாத்ஸல்யஸிந்து⁴: । அலகவினிஹிதாபி⁴: ஸ்ரக்³பி⁴ராக்ருஷ்டனாதா² விலஸது ஹ்ருதி³ கோ³தா³ விஷ்ணுசித்தாத்மஜா ந: ॥ அத² ஸ்தோத்ரம் । ஶ்ரீரங்க³னாயகீ கோ³தா³ விஷ்ணுசித்தாத்மஜா ஸதீ । கோ³பீவேஷத⁴ரா தே³வீ பூ⁴ஸுதா போ⁴க³ஶாலினீ ॥ 1 ॥ துலஸீகானநோத்³பூ⁴தா ஶ்ரீத⁴ன்விபுரவாஸினீ । ப⁴ட்டனாத²ப்ரியகரீ ஶ்ரீக்ருஷ்ணஹிதபோ⁴கி³னீ ॥ 2 ॥ ஆமுக்தமால்யதா³ பா³லா ரங்க³னாத²ப்ரியா பரா । விஶ்வம்ப⁴ரா கலாலாபா யதிராஜஸஹோத³ரீ ॥ 3 ॥ க்ருஷ்ணானுரக்தா ஸுப⁴கா³ ஸுலப⁴ஶ்ரீ: ஸுலக்ஷணா । லக்ஷ்மீப்ரியஸகீ² ஶ்யாமா த³யாஞ்சிதத்³ருக³ஞ்சலா ॥ 4 ॥ ப²ல்கு³ன்யாவிர்ப⁴வா ரம்யா த⁴னுர்மாஸக்ருதவ்ரதா । சம்பகாஶோகபுன்னாக³மாலதீவிலஸத்கசா ॥ 5 ॥ ஆகாரத்ரயஸம்பன்னா நாராயணபதா³ஶ்ரிதா । ஶ்ரீமத³ஷ்டாக்ஷரீமந்த்ரராஜஸ்தி²தமனோரதா² ॥ 6 ॥ மோக்ஷப்ரதா³னநிபுணா மனுரத்னாதி⁴தே³வதா । ப்³ரஹ்மண்யா லோகஜனநீ லீலாமானுஷரூபிணீ ॥ 7 ॥ ப்³ரஹ்மஜ்ஞானப்ரதா³ மாயா ஸச்சிதா³னந்த³விக்³ரஹா । மஹாபதிவ்ரதா விஷ்ணுகு³ணகீர்தனலோலுபா ॥ 8 ॥ ப்ரபன்னார்திஹரா நித்யா வேத³ஸௌத⁴விஹாரிணீ । ஶ்ரீரங்க³னாத²மாணிக்யமஞ்ஜரீ மஞ்ஜுபா⁴ஷிணீ ॥ 9 ॥ பத்³மப்ரியா பத்³மஹஸ்தா வேதா³ந்தத்³வயபோ³தி⁴னீ । ஸுப்ரஸன்னா ப⁴க³வதீ ஶ்ரீஜனார்த³னதீ³பிகா ॥ 10 ॥ ஸுக³ந்தா⁴வயவா சாருரங்க³மங்க³லதீ³பிகா । த்⁴வஜவஜ்ராங்குஶாப்³ஜாங்கம்ருது³பாத³லதாஞ்சிதா ॥ 11 ॥ தாரகாகாரனக²ரா ப்ரவாலம்ருது³லாங்கு³ளீ । கூர்மோபமேயபாதோ³ர்த்⁴வபா⁴கா³ ஶோப⁴னபார்ஷ்ணிகா ॥ 12 ॥ வேதா³ர்த²பா⁴வதத்த்வஜ்ஞா லோகாராத்⁴யாங்க்⁴ரிபங்கஜா । ஆனந்த³பு³த்³பு³தா³காரஸுகு³ல்பா² பரமாணுகா ॥ 13 ॥ தேஜ:ஶ்ரியோஜ்ஜ்வலத்⁴ருதபாதா³ங்கு³ளிஸுபூ⁴ஷிதா । மீனகேதனதூணீரசாருஜங்கா⁴விராஜிதா ॥ 14 ॥ ககுத்³வஜ்ஜானுயுக்³மாட்⁴யா ஸ்வர்ணரம்பா⁴ப⁴ஸக்தி²கா । விஶாலஜக⁴னா பீனஸுஶ்ரோணீ மணிமேக²லா ॥ 15 ॥ ஆனந்த³ஸாக³ராவர்தக³ம்பீ⁴ராம்போ⁴ஜனாபி⁴கா । பா⁴ஸ்வத்³வலித்ரிகா சாருஜக³த்பூர்ணமஹோத³ரீ ॥ 16 ॥ நவவல்லீரோமராஜீ ஸுதா⁴கும்பா⁴யிதஸ்தனீ । கல்பமாலானிப⁴பு⁴ஜா சந்த்³ரக²ண்ட³னகா²ஞ்சிதா ॥ 17 ॥ ஸுப்ரவாஶாங்கு³ளீன்யஸ்தமஹாரத்னாங்கு³லீயகா । நவாருணப்ரவாலாப⁴பாணிதே³ஶஸமஞ்சிதா ॥ 18 ॥ கம்பு³கண்டீ² ஸுசுபு³கா பி³ம்போ³ஷ்டீ² குந்த³த³ந்தயுக் । காருண்யரஸனிஷ்யந்த³னேத்ரத்³வயஸுஶோபி⁴தா ॥ 19 ॥ முக்தாஶுசிஸ்மிதா சாருசாம்பேயனிப⁴னாஸிகா । த³ர்பணாகாரவிபுலகபோலத்³விதயாஞ்சிதா ॥ 20 ॥ அனந்தார்கப்ரகாஶோத்³யன்மணிதாடங்கஶோபி⁴தா । கோடிஸூர்யாக்³னிஸங்காஶனானாபூ⁴ஷணபூ⁴ஷிதா ॥ 21 ॥ ஸுக³ந்த⁴வத³னா ஸுப்⁴ரூ அர்த⁴சந்த்³ரலலாடிகா । பூர்ணசந்த்³ரானநா நீலகுடிலாலகஶோபி⁴தா ॥ 22 ॥ ஸௌந்த³ர்யஸீமா விலஸத்கஸ்தூரீதிலகோஜ்ஜ்வலா । த⁴க³த்³த⁴கா³யமானோத்³யன்மணிஸீமந்தபூ⁴ஷணா ॥ 23 ॥ ஜாஜ்வல்யமானஸத்³ரத்னதி³வ்யசூடா³வதம்ஸகா । ஸூர்யார்த⁴சந்த்³ரவிலஸத் பூ⁴ஷணாஞ்சிதவேணிகா ॥ 24 ॥ அத்யர்கானலதேஜோதி⁴மணிகஞ்சுகதா⁴ரிணீ । ஸத்³ரத்னாஞ்சிதவித்³யோதவித்³யுத்குஞ்ஜாப⁴ஶாடிகா ॥ 25 ॥ நானாமணிக³ணாகீர்ணஹேமாங்க³த³ஸுபூ⁴ஷிதா । குங்குமாக³ருகஸ்தூரீதி³வ்யசந்த³னசர்சிதா ॥ 26 ॥ ஸ்வோசிதௌஜ்ஜ்வல்யவிவித⁴விசித்ரமணிஹாரிணீ । அஸங்க்³யேயஸுக²ஸ்பர்ஶஸர்வாதிஶயபூ⁴ஷணா ॥ 27 ॥ மல்லிகாபாரிஜாதாதி³தி³வ்யபுஷ்பஸ்ரக³ஞ்சிதா । ஶ்ரீரங்க³னிலயா பூஜ்யா தி³வ்யதே³ஶஸுஶோபி⁴தா ॥ 28 ॥ இதி ஶ்ரீகோ³தா³ஷ்டோத்தரஶதனாமஸ்தோத்ரம் ।