கு⁴ஷ்யதே யஸ்ய நக³ரே ரங்க³யாத்ரா தி³னே தி³னே । தமஹம் ஶிரஸா வந்தே³ ராஜானம் குலஶேக²ரம் ॥ ஶ்ரீவல்லபே⁴தி வரதே³தி த³யாபரேதி ப⁴க்தப்ரியேதி ப⁴வலுண்ட²னகோவிதே³தி । நாதே²தி நாக³ஶயனேதி ஜக³ன்னிவாஸே- -த்யாலாபனம் ப்ரதிபத³ம் குரு மே முகுந்த³ ॥ 1 ॥ ஜயது ஜயது தே³வோ தே³வகீனந்த³னோயம் ஜயது ஜயது க்ருஷ்ணோ வ்ருஷ்ணிவம்ஶப்ரதீ³ப: । ஜயது ஜயது மேக⁴ஶ்யாமல: கோமலாங்கோ³ ஜயது ஜயது ப்ருத்²வீபா⁴ரனாஶோ முகுந்த:³ ॥ 2 ॥ முகுந்த³ மூர்த்⁴னா ப்ரணிபத்ய யாசே ப⁴வந்தமேகாந்தமியந்தமர்த²ம் । அவிஸ்ம்ருதிஸ்த்வச்சரணாரவிந்தே³ ப⁴வே ப⁴வே மேஸ்து ப⁴வத்ப்ரஸாதா³த் ॥ 3 ॥ நாஹம் வந்தே³ தவ சரணயோர்த்³வந்த்³வமத்³வந்த்³வஹேதோ: கும்பீ⁴பாகம் கு³ருமபி ஹரே நாரகம் நாபனேதும் । ரம்யாராமாம்ருது³தனுலதா நந்த³னே நாபி ரந்தும் பா⁴வே பா⁴வே ஹ்ருத³யப⁴வனே பா⁴வயேயம் ப⁴வந்தம் ॥ 4 ॥ நாஸ்தா² த⁴ர்மே ந வஸுனிசயே நைவ காமோபபோ⁴கே³ யத்³யத்³ப⁴வ்யம் ப⁴வது ப⁴க³வன் பூர்வகர்மானுரூபம் । ஏதத்ப்ரார்த்²யம் மம ப³ஹுமதம் ஜன்மஜன்மாந்தரேபி த்வத்பாதா³ம்போ⁴ருஹயுக³க³தா நிஶ்சலா ப⁴க்திரஸ்து ॥ 5 ॥ தி³வி வா பு⁴வி வா மமாஸ்து வாஸோ நரகே வா நரகாந்தக ப்ரகாமம் । அவதீ⁴ரித ஶாரதா³ரவிந்தௌ³ சரணௌ தே மரணேபி சிந்தயாமி ॥ 6 ॥ க்ருஷ்ண த்வதீ³ய பத³பங்கஜபஞ்ஜராந்த- -மத்³யைவ மே விஶது மானஸராஜஹம்ஸ: । ப்ராணப்ரயாணஸமயே கப²வாதபித்தை: கண்டா²வரோத⁴னவிதௌ⁴ ஸ்மரணம் குதஸ்தே ॥ 7 ॥ சிந்தயாமி ஹரிமேவ ஸந்ததம் மந்த³மந்த³ ஹஸிதானநாம்பு³ஜம் நந்த³கோ³பதனயம் பராத்பரம் நாரதா³தி³முனிப்³ருந்த³வந்தி³தம் ॥ 8 ॥ கரசரணஸரோஜே காந்திமன்னேத்ரமீனே ஶ்ரமமுஷி பு⁴ஜவீசிவ்யாகுலேகா³த⁴மார்கே³ । ஹரிஸரஸி விகா³ஹ்யாபீய தேஜோஜலௌக⁴ம் ப⁴வமருபரிகி²ன்ன: கே²த³மத்³ய த்யஜாமி ॥ 9 ॥ ஸரஸிஜனயனே ஸஶங்க³சக்ரே முரபி⁴தி³ மா விரம ஸ்வசித்த ரந்தும் । ஸுக²தரமபரம் ந ஜாது ஜானே ஹரிசரணஸ்மரணாம்ருதேன துல்யம் ॥ 10 ॥ மா பீ⁴ர்மந்த³மனோ விசிந்த்ய ப³ஹுதா⁴ யாமீஶ்சிரம் யாதனா: நாமீ ந: ப்ரப⁴வந்தி பாபரிபவ: ஸ்வாமீ நனு ஶ்ரீத⁴ர: । ஆலஸ்யம் வ்யபனீய ப⁴க்திஸுலப⁴ம் த்⁴யாயஸ்வ நாராயணம் லோகஸ்ய வ்யஸனாபனோத³னகரோ தா³ஸஸ்ய கிம் ந க்ஷம: ॥ 11 ॥ ப⁴வஜலதி⁴க³தானாம் த்³வந்த்³வவாதாஹதானாம் ஸுதது³ஹித்ருகளத்ரத்ராணபா⁴ரார்தி³தானாம் । விஷமவிஷயதோயே மஜ்ஜதாமப்லவானாம் ப⁴வது ஶரணமேகோ விஷ்ணுபோதோ நராணாம் ॥ 12 ॥ ப⁴வஜலதி⁴மகா³த⁴ம் து³ஸ்தரம் நிஸ்தரேயம் கத²மஹமிதி சேதோ மா ஸ்ம கா³: காதரத்வம் । ஸரஸிஜத்³ருஶி தே³வே தாவகீ ப⁴க்திரேகா நரகபி⁴தி³ நிஷண்ணா தாரயிஷ்யத்யவஶ்யம் ॥ 13 ॥ த்ருஷ்ணாதோயே மத³னபவனோத்³தூ⁴த மோஹோர்மிமாலே தா³ராவர்தே தனயஸஹஜக்³ராஹஸங்கா⁴குலே ச । ஸம்ஸாராக்²யே மஹதி ஜலதௌ⁴ மஜ்ஜதாம் நஸ்த்ரிதா⁴மன் பாதா³ம்போ⁴ஜே வரத³ ப⁴வதோ ப⁴க்தினாவம் ப்ரயச்ச² ॥ 14 ॥ மாத்³ராக்ஷம் க்ஷீணபுண்யான் க்ஷணமபி ப⁴வதோ ப⁴க்திஹீனான்பதா³ப்³ஜே மாஶ்ரௌஷம் ஶ்ராவ்யப³ந்த⁴ம் தவ சரிதமபாஸ்யான்யதா³க்²யானஜாதம் । மாஸ்மார்ஷம் மாத⁴வ த்வாமபி பு⁴வனபதே சேதஸாபஹ்னுவானா- -ன்மாபூ⁴வம் த்வத்ஸபர்யாவ்யதிகரரஹிதோ ஜன்மஜன்மாந்தரேபி ॥ 15 ॥ ஜிஹ்வே கீர்தய கேஶவம் முரரிபும் சேதோ பஜ⁴ ஶ்ரீத⁴ரம் பாணித்³வந்த்³வ ஸமர்சயாச்யுதகதா²: ஶ்ரோத்ரத்³வய த்வம் ஶ்ருணு । க்ருஷ்ணம் லோகய லோசனத்³வய ஹரேர்க³ச்சா²ங்க்⁴ரியுக்³மாலயம் ஜிக்⁴ர க்⁴ராண முகுந்த³பாத³துலஸீம் மூர்த⁴ன்னமாதோ⁴க்ஷஜம் ॥ 16 ॥ ஹே லோகா: ஶ்ருணுத ப்ரஸூதிமரணவ்யாதே⁴ஶ்சிகித்ஸாமிமாம் யோகஜ³்ஞா: ஸமுதா³ஹரந்தி முனயோ யாம் யாஜ்ஞவல்க்யாத³ய: । அந்தர்ஜ்யோதிரமேயமேகமம்ருதம் க்ருஷ்ணாக்²யமாபீயதாம் தத்பீதம் பரமௌஷத⁴ம் விதனுதே நிர்வாணமாத்யந்திகம் ॥ 17 । ஹே மர்த்யா: பரமம் ஹிதம் ஶ்ருணுத வோ வக்ஷ்யாமி ஸங்க்ஷேபத: ஸம்ஸாரார்ணவமாபதூ³ர்மிப³ஹுளம் ஸம்யக்ப்ரவிஶ்ய ஸ்தி²தா: । நானாஜ்ஞானமபாஸ்ய சேதஸி நமோ நாராயணாயேத்யமும் மந்த்ரம் ஸப்ரணவம் ப்ரணாமஸஹிதம் ப்ராவர்தயத்⁴வம் முஹு: ॥ 18 ॥ ப்ருத்²வீரேணுரணு: பயாம்ஸி கணிகா: ப²ல்கு³: ஸ்பு²லிங்கோ³லகு⁴- -ஸ்தேஜோ நி:ஶ்வஸனம் மருத்தனுதரம் ரந்த்⁴ரம் ஸுஸூக்ஷ்மம் நப:⁴ । க்ஷுத்³ரா ருத்³ரபிதாமஹப்ரப்⁴ருதய: கீடா: ஸமஸ்தா: ஸுரா: த்³ருஷ்டே யத்ர ஸ தாவகோ விஜயதே பூ⁴மாவதூ⁴தாவதி⁴: ॥ 19 ॥ ப³த்³தே⁴னாஞ்ஜலினா நதேன ஶிரஸா கா³த்ரை: ஸரோமோத்³க³மை: கண்டே²ன ஸ்வரக³த்³க³தே³ன நயனேனோத்³கீ³ர்ணபா³ஷ்பாம்பு³னா । நித்யம் த்வச்சரணாரவிந்த³யுகள³ த்⁴யானாம்ருதாஸ்வாதி³னா- -மஸ்மாகம் ஸரஸீருஹாக்ஷ ஸததம் ஸம்பத்³யதாம் ஜீவிதம் ॥ 20 ॥ ஹே கோ³பாலக ஹே க்ருபாஜலனிதே⁴ ஹே ஸிந்து⁴கன்யாபதே ஹே கம்ஸாந்தக ஹே கஜ³ேந்த்³ரகருணாபாரீண ஹே மாத⁴வ । ஹே ராமானுஜ ஹே ஜக³த்த்ரயகு³ரோ ஹே புண்ட³ரீகாக்ஷ மாம் ஹே கோ³பீஜனநாத² பாலய பரம் ஜானாமி ந த்வாம் வினா ॥ 21 ॥ ப⁴க்தாபாயபு⁴ஜங்க³கா³ருட³மணிஸ்த்ரைலோக்யரக்ஷாமணி: கோ³பீலோசனசாதகாம்பு³த³மணி: ஸௌந்த³ர்யமுத்³ராமணி: । ய: காந்தாமணி ருக்மிணீ க⁴னகுசத்³வந்த்³வைகபூ⁴ஷாமணி: ஶ்ரேயோ தே³வஶிகா²மணிர்தி³ஶது நோ கோ³பாலசூடா³மணி: ॥ 22 ॥ ஶத்ருச்சே²தை³கமந்த்ரம் ஸகலமுபனிஷத்³வாக்யஸம்பூஜ்யமந்த்ரம் ஸம்ஸாரோத்தாரமந்த்ரம் ஸமுபசிததம: ஸங்க⁴னிர்யாணமந்த்ரம் । ஸர்வைஶ்வர்யைகமந்த்ரம் வ்யஸனபு⁴ஜக³ஸந்த³ஷ்டஸந்த்ராணமந்த்ரம் ஜிஹ்வே ஶ்ரீக்ருஷ்ணமந்த்ரம் ஜப ஜப ஸததம் ஜன்மஸாப²ல்யமந்த்ரம் ॥ 23 ॥ வ்யாமோஹ ப்ரஶமௌஷத⁴ம் முனிமனோவ்ருத்தி ப்ரவ்ருத்த்யௌஷத⁴ம் தை³த்யேந்த்³ரார்திகரௌஷத⁴ம் த்ரிபு⁴வனீ ஸஞ்ஜீவனைகௌஷத⁴ம் । ப⁴க்தாத்யந்தஹிதௌஷத⁴ம் ப⁴வப⁴யப்ரத்⁴வம்ஸனைகௌஷத⁴ம் ஶ்ரேய:ப்ராப்திகரௌஷத⁴ம் பிப³ மன: ஶ்ரீக்ருஷ்ணதி³வ்யௌஷத⁴ம் ॥ 24 ॥ ஆம்னாயாப்⁴யஸனான்யரண்யருதி³தம் வேத³வ்ரதான்யன்வஹம் மேத³ஶ்சே²த³ப²லானி பூர்தவித⁴ய: ஸர்வே ஹுதம் ப⁴ஸ்மனி । தீர்தா²னாமவகா³ஹனானி ச கஜ³ஸ்னானம் வினா யத்பத-³ -த்³வந்த்³வாம்போ⁴ருஹஸம்ஸ்ம்ருதிர்விஜயதே தே³வ: ஸ நாராயண: ॥ 25 ॥ ஶ்ரீமன்னாம ப்ரோச்ய நாராயணாக்²யம் கே ந ப்ராபுர்வாஞ்சி²தம் பாபினோபி । ஹா ந: பூர்வம் வாக்ப்ரவ்ருத்தா ந தஸ்மின் தேன ப்ராப்தம் க³ர்ப⁴வாஸாதி³து³:க²ம் ॥ 26 ॥ மஜ்ஜன்மன: ப²லமித³ம் மது⁴கைடபா⁴ரே மத்ப்ரார்த²னீய மத³னுக்³ரஹ ஏஷ ஏவ । த்வத்³ப்⁴ருத்யப்⁴ருத்ய பரிசாரக ப்⁴ருத்யப்⁴ருத்ய ப்⁴ருத்யஸ்ய ப்⁴ருத்ய இதி மாம் ஸ்மர லோகனாத² ॥ 27 ॥ நாதே² ந: புருஷோத்தமே த்ரிஜக³தாமேகாதி⁴பே சேதஸா ஸேவ்யே ஸ்வஸ்ய பத³ஸ்ய தா³தரி ஸுரே நாராயணே திஷ்ட²தி । யம் கஞ்சித்புருஷாத⁴மம் கதிபயக்³ராமேஶமல்பார்த²த³ம் ஸேவாயை ம்ருக³யாமஹே நரமஹோ மூகா வராகா வயம் ॥ 28 ॥ மத³ன பரிஹர ஸ்தி²திம் மதீ³யே மனஸி முகுந்த³பதா³ரவிந்த³தா⁴ம்னி । ஹரனயனக்ருஶானுனா க்ருஶோஸி ஸ்மரஸி ந சக்ரபராக்ரமம் முராரே: ॥ 29 ॥ தத்த்வம் ப்³ருவாணானி பரம் பரஸ்மா- -ன்மது⁴ க்ஷரந்தீவ ஸதாம் ப²லானி । ப்ராவர்தய ப்ராஞ்ஜலிரஸ்மி ஜிஹ்வே நாமானி நாராயண கோ³சராணி ॥ 30 ॥ இத³ம் ஶரீரம் பரிணாமபேஶலம் பதத்யவஶ்யம் ஶ்லத²ஸந்தி⁴ஜர்ஜரம் । கிமௌஷதை⁴: க்லிஶ்யஸி மூட⁴ து³ர்மதே நிராமயம் க்ருஷ்ணரஸாயனம் பிப³ ॥ 31 ॥ தா³ரா வாராகரவரஸுதா தே தனூஜோ விரிஞ்சி: ஸ்தோதா வேத³ஸ்தவ ஸுரக³ணோ ப்⁴ருத்யவர்க:³ ப்ரஸாத:³ । முக்திர்மாயா ஜக³த³விகலம் தாவகீ தே³வகீ தே மாதா மித்ரம் ப³லரிபுஸுதஸ்த்வய்யதோன்யன்ன ஜானே ॥ 32 ॥ க்ருஷ்ணோ ரக்ஷது நோ ஜக³த்த்ரயகு³ரு: க்ருஷ்ணம் நமஸ்யாம்யஹம் க்ருஷ்ணேனாமரஶத்ரவோ வினிஹதா: க்ருஷ்ணாய தஸ்மை நம: । க்ருஷ்ணாதே³வ ஸமுத்தி²தம் ஜக³தி³த³ம் க்ருஷ்ணஸ்ய தா³ஸோஸ்ம்யஹம் க்ருஷ்ணே திஷ்ட²தி ஸர்வமேதத³கி²லம் ஹே க்ருஷ்ண ரக்ஷஸ்வ மாம் ॥ 33 ॥ தத்த்வம் ப்ரஸீத³ ப⁴க³வன் குரு மய்யனாதே² விஷ்ணோ க்ருபாம் பரமகாருணிக: கில த்வம் । ஸம்ஸாரஸாக³ரனிமக்³னமனந்ததீ³ன- -முத்³த⁴ர்துமர்ஹஸி ஹரே புருஷோத்தமோஸி ॥ 34 ॥ நமாமி நாராயணபாத³பங்கஜம் கரோமி நாராயணபூஜனம் ஸதா³ । வதா³மி நாராயணனாம நிர்மலம் ஸ்மராமி நாராயணதத்த்வமவ்யயம் ॥ 35 ॥ ஶ்ரீனாத² நாராயண வாஸுதே³வ ஶ்ரீக்ருஷ்ண ப⁴க்தப்ரிய சக்ரபாணே । ஶ்ரீபத்³மனாபா⁴ச்யுத கைடபா⁴ரே ஶ்ரீராம பத்³மாக்ஷ ஹரே முராரே ॥ 36 ॥ அனந்த வைகுண்ட² முகுந்த³ க்ருஷ்ண கோ³விந்த³ தா³மோத³ர மாத⁴வேதி । வக்தும் ஸமர்தோ²பி ந வக்தி கஶ்சி- -த³ஹோ ஜனானாம் வ்யஸனாபி⁴முக்²யம் ॥ 37 ॥ த்⁴யாயந்தி யே விஷ்ணுமனந்தமவ்யயம் ஹ்ருத்பத்³மமத்⁴யே ஸததம் வ்யவஸ்தி²தம் । ஸமாஹிதானாம் ஸததாப⁴யப்ரத³ம் தே யாந்தி ஸித்³தி⁴ம் பரமாம் ச வைஷ்ணவீம் ॥ 38 ॥ க்ஷீரஸாக³ரதரங்க³ஶீகரா- -ஸாரதாரகிதசாருமூர்தயே । போ⁴கி³போ⁴க³ஶயனீயஶாயினே மாத⁴வாய மது⁴வித்³விஷே நம: ॥ 39 ॥ யஸ்ய ப்ரியௌ ஶ்ருதித⁴ரௌ கவிலோகவீரௌ மித்ரே த்³விஜன்மவரபத்³மஶராவபூ⁴தாம் । தேனாம்பு³ஜாக்ஷசரணாம்பு³ஜஷட்பதே³ன ராஜ்ஞா க்ருதா க்ருதிரியம் குலஶேக²ரேண ॥ 40 ॥ இதி குலஶேக²ர ப்ரணீதம் முகுந்த³மாலா ।