हैंహైHaindavamஹிહિં
📍
Font Size:
Radha Krishna Ashtakam
yaḥ śrīgōvardhanādriṃ sakalasurapatīṃstatragōgōpabṛndaṃ
svīyaṃ saṃrakṣituṃ chētyamarasukhakaraṃ mōhayan sandadhāra ।
tanmānaṃ khaṇḍayitvā vijitaripukulō nīladhārādharābhaḥ
kṛṣṇō rādhāsamētō vilasatu hṛdayē sō'smadīyē sadaiva ॥ 1 ॥
yaṃ dṛṣṭvā kaṃsabhūpaḥ svakṛtakṛtimahō saṃsmaranmantrivaryān
kiṃ vā pūrvaṃ mayēdaṃ kṛtamiti vachanaṃ duḥkhitaḥ pratyuvācha ।
ājñaptō nāradēna smitayutavadanaḥ pūrayansarvakāmān
kṛṣṇō rādhāsamētō vilasatu hṛdayē sō'smadīyē sadaiva ॥ 2 ॥
yēna prōdyatpratāpā nṛpatikulabhavāḥ pāṇḍavāḥ kauravābdhiṃ
tīrtvā pāraṃ tadīyaṃ jagadakhilanṛṇāṃ dustarañchēti jagmuḥ ।
tatpatnīchīravṛddhipraviditamahimā bhūtalē bhūpatīśaḥ
kṛṣṇō rādhāsamētō vilasatu hṛdayē sō'smadīyē sadaiva ॥ 3 ॥
yasmai chōddhṛtya pātrāddadhiyutanavanītaṃ karairgōpikābhi-
rdattaṃ tadbhāvapūrtau vinihitahṛdayassatyamēvaṃ tirōdhāt ।
muktāguñjāvaḻībhiḥ prachuratamaruchiḥ kuṇḍalākrāntagaṇḍaḥ
kṛṣṇō rādhāsamētō vilasatu hṛdayē sō'smadīyē sadaiva ॥ 4 ॥
yasmādviśvābhirāmādiha jananavidhau sarvanandādigōpāḥ
saṃsārārtērvimuktāḥ sakalasukhakarāḥ sampadaḥ prāpurēva ।
itthaṃ pūrṇēnduvaktraḥ kalakamaladṛśaḥ svīyajanma stuvantaḥ
kṛṣṇō rādhāsamētō vilasatu hṛdayē sō'smadīyē sadaiva ॥ 5 ॥
yasya śrīnandasūnōḥ vrajayuvatijanāśchāgatā bhartṛputrāṃ-
styaktvā śrutvā samīpē vichakitanayanāḥ sapramōdāḥ svagēhē ।
rantuṃ rāsādilīlā manasijadalitā vēṇunādaṃ cha ramyaṃ
kṛṣṇō rādhāsamētō vilasatu hṛdayē sō'smadīyē sadaiva ॥ 6 ॥
yasmin dṛṣṭē samastē jagati yuvatayaḥ prāṇanāthavratāyā-
stā apyēvaṃ hi nūnaṃ kimapi cha hṛdayē kāmabhāvaṃ dadhatyaḥ ।
tatsnēhābdhiṃ vapuśchēdaviditadharaṇau sūryabimbasvarūpāḥ
kṛṣṇō rādhāsamētō vilasatu hṛdayē sō'smadīyē sadaiva ॥ 7 ॥
yaḥ svīyē gōkulē'sminviditanijakulōdbhūtabālaiḥ samētō
mātaryēvaṃ chakāra prasṛtatamaguṇānbālalīlāvilāsān ।
hatvā vatsapralambadvividabakakharāngōpabṛndaṃ jugōpa
kṛṣṇō rādhāsamētō vilasatu hṛdayē sō'smadīyē sadaiva ॥ 8 ॥
kṛṣṇārādhāṣṭakaṃ prātarutthāya prapaṭhēnnaraḥ ।
ya ēvaṃ sarvadā nūnaṃ sa prāpnōti parāṃ gatim ॥ 9 ॥
iti śrīraghunāthachārya virachitaṃ śrīrādhākṛṣṇāṣṭakam ।
Recite with devotion and pure heart
Regular practice brings spiritual benefits