śrīśēṣa uvācha ॥ ōṁ asya śrīkṛṣṇāṣṭōttaraśatanāmastōtrasya। śrīśēṣa ṛṣiḥ ॥ anuṣṭup Chandaḥ ॥ śrīkṛṣṇōdēvatā ॥ śrīkṛṣṇāṣṭōttaraśatanāmajapē viniyōgaḥ ॥ ōṁ śrīkṛṣṇaḥ kamalānāthō vāsudēvaḥ sanātanaḥ । vasudēvātmajaḥ puṇyō līlāmānuṣavigrahaḥ ॥ 1 ॥ śrīvatsakaustubhadharō yaśōdāvatsalō hariḥ । chaturbhujāttachakrāsigadā śaṅkhādyudāyudhaḥ ॥ 2 ॥ dēvakīnandanaḥ śrīśō nandagōpapriyātmajaḥ । yamunāvēgasaṃhārī balabhadrapriyānujaḥ ॥ 3 ॥ pūtanājīvitaharaḥ śakaṭāsurabhañjanaḥ । nandavrajajanānandī sachchidānandavigrahaḥ ॥ 4 ॥ navanītaviliptāṅgō navanītanaṭō'naghaḥ । navanītanavāhārō muchukundaprasādakaḥ ॥ 5 ॥ ṣōḍaśastrī sahasrēśa sribhaṅgi madhurākṛtiḥ । śukavāgamṛtābdhīndurgōvindō gōvidāmpatiḥ ॥ 6 ॥ vatsavāṭacharō'nantō dhēnukāsurabhañjanaḥ । tṛṇīkṛtatṛṇāvartō yamaḻārjunabhañjanaḥ ॥ 7 ॥ uttānatālabhēttā cha tamālaśyāmalākṛtiḥ । gōpagōpīśvarō yōgī sūryakōṭisamaprabhaḥ ॥ 8 ॥ ilāpatiḥ parañjyōtiryādavēndrō yadūdvahaḥ । vanamālī pītavāsāḥ pārijātāpahārakaḥ ॥ 9 ॥ gōvardhanāchalōddhartā gōpālaḥ sarvapālakaḥ । ajō nirañjanaḥ kāmajanakaḥ kañjalōchanaḥ ॥ 10 ॥ madhuhā mathurānāthō dvārakānāyakō balī । vṛndāvanāntasañchārī tulasīdāmabhūṣaṇaḥ ॥ 11 ॥ śyamantakamaṇērhartā naranārāyaṇātmakaḥ । kubjākṛṣṇāmbaradharō māyī paramapūruṣaḥ ॥ 12 ॥ muṣṭikāsurachāṇūramahāyuddhaviśāradaḥ । saṃsāravairī kaṃsārirmurārirnarakāntakaḥ ॥ 13 ॥ anādibrahmachārī cha kṛṣṇāvyasanakarṣakaḥ । śiśupālaśiraśChēttā duryōdhanakulāntakaḥ ॥ 14 ॥ vidurākrūravaradō viśvarūpapradarśakaḥ । satyavāk satyasaṅkalpaḥ satyabhāmāratō jayī ॥ 15 ॥ subhadrāpūrvajō viṣṇurbhīṣmamuktipradāyakaḥ । jagadgururjagannāthō vēṇunādaviśāradaḥ ॥ 16 ॥ vṛṣabhāsuravidhvaṃsī bāṇāsurabalāntakaḥ । yudhiṣṭhirapratiṣṭhātā barhibarhāvataṃsakaḥ ॥ 17 ॥ pārthasārathiravyaktō gītāmṛtamahōdadhiḥ । kālīyaphaṇimāṇikyarañjitaśrīpadāmbujaḥ ॥ 18 ॥ dāmōdarō yajñabhōktā dānavēndravināśakaḥ । nārāyaṇaḥ parambrahma pannagāśanavāhanaḥ ॥ 19 ॥ jalakrīḍāsamāsakta gōpīvastrāpahārakaḥ । puṇyaślōkastīrthapādō vēdavēdyō dayānidhiḥ ॥ 20 ॥ sarvatīrthātmakaḥ sarvagraharupī parātparaḥ । ēvaṃ śrīkṛṣṇadēvasya nāmnāmaṣṭōttaraṃ śatam ॥ 21 ॥ kṛṣṇanāmāmṛtaṃ nāma paramānandakārakam । atyupadravadōṣaghnaṃ paramāyuṣyavardhanam ॥ 22 ॥ ॥ iti śrīnāradapañcharātrē jñānāmṛtasārē chaturtharātrē umāmahēśvarasaṃvādē dharaṇīśēṣasaṃvādē śrīkṛṣṇāṣṭōttaraśatanāmastōtraṃ sampūrṇam ॥