हैंహైHaindavamஹிહિં
📍
Font Size:
கோ³விந்த³ தா³மோத³ர ஸ்தோத்ரம்
அக்³ரே குரூணாமத² பாண்ட³வானாம்ʼ
து³꞉ஶாஸனேனாஹ்ருʼதவஸ்த்ரகேஶா ।
க்ருʼஷ்ணா ததா³க்ரோஶத³னன்யநாதா²
கோ³விந்த³ தா³மோத³ர மாத⁴வேதி ॥ 1 ॥
ஶ்ரீக்ருʼஷ்ண விஷ்ணோ மது⁴கைடபா⁴ரே
ப⁴க்தானுகம்பின் ப⁴க³வன் முராரே ।
த்ராயஸ்வ மாம்ʼ கேஶவ லோகநாத²
கோ³விந்த³ தா³மோத³ர மாத⁴வேதி ॥ 2 ॥
விக்ரேதுகாமா கில கோ³பகன்யா
முராரிபாதா³ர்பிதசித்தவ்ருʼத்தி꞉ ।
த³த்⁴யாதி³கம்ʼ மோஹவஶாத³வோசத்³
கோ³விந்த³ தா³மோத³ர மாத⁴வேதி ॥ 3 ॥
உலூக²லே ஸம்ப்⁴ருʼததண்டு³லாம்ʼஶ்ச
ஸங்க⁴ட்டயந்த்யோ முஸலை꞉ ப்ரமுக்³தா⁴꞉ ।
கா³யந்தி கோ³ப்யோ ஜனிதானுராகா³
கோ³விந்த³ தா³மோத³ர மாத⁴வேதி ॥ 4 ॥
காசித்கராம்போ⁴ஜபுடே நிஷண்ணம்ʼ
க்ரீடா³ஶுகம்ʼ கிம்ʼஶுகரக்ததுண்ட³ம் ।
அத்⁴யாபயாமாஸ ஸரோருஹாக்ஷீ
கோ³விந்த³ தா³மோத³ர மாத⁴வேதி ॥ 5 ॥
க்³ருʼஹே க்³ருʼஹே கோ³பவதூ⁴ஸமூஹ꞉
ப்ரதிக்ஷணம்ʼ பிஞ்ஜரஸாரிகாணாம் ।
ஸ்க²லத்³கி³ராம்ʼ வாசயிதும்ʼ ப்ரவ்ருʼத்தோ
கோ³விந்த³ தா³மோத³ர மாத⁴வேதி ॥ 6 ॥
பர்ய்யங்கிகாபா⁴ஜமலம்ʼ குமாரம்ʼ
ப்ரஸ்வாபயந்த்யோ(அ)கி²லகோ³பகன்யா꞉ ।
ஜகு³꞉ ப்ரப³ந்த⁴ம்ʼ ஸ்வரதாலப³ந்த⁴ம்ʼ
கோ³விந்த³ தா³மோத³ர மாத⁴வேதி ॥ 7 ॥
ராமானுஜம்ʼ வீக்ஷணகேலிலோலம்ʼ
கோ³பீ க்³ருʼஹீத்வா நவனீதகோ³லம் ।
ஆபா³லகம்ʼ பா³லகமாஜுஹாவ
கோ³விந்த³ தா³மோத³ர மாத⁴வேதி ॥ 8 ॥
விசித்ரவர்ணாப⁴ரணாபி⁴ராமே-
(அ)பி⁴தே⁴ஹி வக்த்ராம்பு³ஜராஜஹம்ʼஸி ।
ஸதா³ மதீ³யே ரஸனே(அ)க்³ரரங்கே³
கோ³விந்த³ தா³மோத³ர மாத⁴வேதி ॥ 9 ॥
அங்காதி⁴ரூட⁴ம்ʼ ஶிஶுகோ³பகூ³ட⁴ம்ʼ
ஸ்தனம்ʼ த⁴யந்தம்ʼ கமலைககாந்தம் ।
ஸம்போ³த⁴யாமாஸ முதா³ யஶோதா³
கோ³விந்த³ தா³மோத³ர மாத⁴வேதி ॥ 10 ॥
க்ரீட³ந்தமந்தர்வ்ரஜமாத்மஜம்ʼ ஸ்வம்ʼ
ஸமம்ʼ வயஸ்யை꞉ பஶுபாலபா³லை꞉ ।
ப்ரேம்ணா யஶோதா³ ப்ரஜுஹாவ க்ருʼஷ்ணம்ʼ
கோ³விந்த³ தா³மோத³ர மாத⁴வேதி ॥ 11 ॥
யஶோத³யா கா³ட⁴முலூக²லேன
கோ³கண்ட²பாஶேன நிப³த்⁴யமான꞉ ।
ருரோத³ மந்த³ம்ʼ நவனீதபோ⁴ஜீ
கோ³விந்த³ தா³மோத³ர மாத⁴வேதி ॥ 12 ॥
நிஜாங்க³ணே கங்கணகேலிலோலம்ʼ
கோ³பீ க்³ருʼஹீத்வா நவனீதகோ³லம் ।
ஆமர்த³யத்பாணிதலேன நேத்ரே
கோ³விந்த³ தா³மோத³ர மாத⁴வேதி ॥ 13 ॥
க்³ருʼஹே க்³ருʼஹே கோ³பவதூ⁴கத³ம்பா³꞉
ஸர்வே மிலித்வா ஸமவாயயோகே³ ।
புண்யானி நாமானி பட²ந்தி நித்யம்ʼ
கோ³விந்த³ தா³மோத³ர மாத⁴வேதி ॥ 14 ॥
மந்தா³ரமூலே வத³நாபி⁴ராமம்ʼ
பி³ம்பா³த⁴ரே பூரிதவேணுநாத³ம் ।
கோ³கோ³பகோ³பீஜனமத்⁴யஸம்ʼஸ்த²ம்ʼ
கோ³விந்த³ தா³மோத³ர மாத⁴வேதி ॥ 15 ॥
உத்தா²ய கோ³ப்யோ(அ)பரராத்ரபா⁴கே³
ஸ்ம்ருʼத்வா யஶோதா³ஸுதபா³லகேலிம் ।
கா³யந்தி ப்ரோச்சைர்த³தி⁴ மந்த²யந்த்யோ
கோ³விந்த³ தா³மோத³ர மாத⁴வேதி ॥ 16 ॥
ஜக்³தோ⁴(அ)த² த³த்தோ நவனீதபிண்டோ³
க்³ருʼஹே யஶோதா³ விசிகித்ஸயந்தீ ।
உவாச ஸத்யம்ʼ வத³ ஹே முராரே
கோ³விந்த³ தா³மோத³ர மாத⁴வேதி ॥ 17 ॥
அப்⁴யர்ச்ய கே³ஹம்ʼ யுவதி꞉ ப்ரவ்ருʼத்³த⁴-
ப்ரேமப்ரவாஹா த³தி⁴ நிர்மமந்த² ।
கா³யந்தி கோ³ப்யோ(அ)த² ஸகீ²ஸமேதா
கோ³விந்த³ தா³மோத³ர மாத⁴வேதி ॥ 18 ॥
க்வசித் ப்ரபா⁴தே த³தி⁴பூர்ணபாத்ரே
நிக்ஷிப்ய மந்த²ம்ʼ யுவதீ முகுந்த³ம் ।
ஆலோக்ய கா³னம்ʼ விவித⁴ம்ʼ கரோதி
கோ³விந்த³ தா³மோத³ர மாத⁴வேதி ॥ 19 ॥
க்ரீடா³பரம்ʼ போ⁴ஜனமஜ்ஜனார்த²ம்ʼ
ஹிதைஷிணீ ஸ்த்ரீ தனுஜம்ʼ யஶோதா³ ।
ஆஜூஹவத் ப்ரேமபரிப்லுதாக்ஷீ
கோ³விந்த³ தா³மோத³ர மாத⁴வேதி ॥ 20 ॥
ஸுக²ம்ʼ ஶயானம்ʼ நிலயே ச விஷ்ணும்ʼ
தே³வர்ஷிமுக்²யா முனய꞉ ப்ரபன்னா꞉ ।
தேனாச்யுதே தன்மயதாம்ʼ வ்ரஜந்தி
கோ³விந்த³ தா³மோத³ர மாத⁴வேதி ॥ 21 ॥
விஹாய நித்³ராமருணோத³யே ச
விதா⁴ய க்ருʼத்யானி ச விப்ரமுக்²யா꞉ ।
வேதா³வஸானே ப்ரபட²ந்தி நித்யம்ʼ
கோ³விந்த³ தா³மோத³ர மாத⁴வேதி ॥ 22 ॥
வ்ருʼந்தா³வனே கோ³பக³ணாஶ்ச கோ³ப்யோ
விலோக்ய கோ³விந்த³வியோக³கி²ன்னாம் ।
ராதா⁴ம்ʼ ஜகு³꞉ ஸாஶ்ருவிலோசநாப்⁴யாம்ʼ
கோ³விந்த³ தா³மோத³ர மாத⁴வேதி ॥ 23 ॥
ப்ரபா⁴தஸஞ்சாரக³தா நு கா³வஸ்-
தத்³ரக்ஷணார்த²ம்ʼ தனயம்ʼ யஶோதா³ ।
ப்ராபோ³த⁴யத் பாணிதலேன மந்த³ம்ʼ
கோ³விந்த³ தா³மோத³ர மாத⁴வேதி ॥ 24 ॥
ப்ரவாலஶோபா⁴ இவ தீ³ர்க⁴கேஶா
வாதாம்பு³பர்ணாஶனபூததே³ஹா꞉ ।
மூலே தரூணாம்ʼ முனய꞉ பட²ந்தி
கோ³விந்த³ தா³மோத³ர மாத⁴வேதி ॥ 25 ॥
ஏவம்ʼ ப்³ருவாணா விரஹாதுரா ப்⁴ருʼஶம்ʼ
வ்ரஜஸ்த்ரிய꞉ க்ருʼஷ்ணவிஷக்தமானஸா꞉ ।
விஸ்ருʼஜ்ய லஜ்ஜாம்ʼ ருருது³꞉ ஸ்ம ஸுஸ்வரம்ʼ
கோ³விந்த³ தா³மோத³ர மாத⁴வேதி ॥ 26 ॥
கோ³பீ கதா³சின்மணிபஞ்ஜரஸ்த²ம்ʼ
ஶுகம்ʼ வசோ வாசயிதும்ʼ ப்ரவ்ருʼத்தா ।
ஆனந்த³கந்த³ வ்ரஜசந்த்³ர க்ருʼஷ்ண
கோ³விந்த³ தா³மோத³ர மாத⁴வேதி ॥ 27 ॥
கோ³வத்ஸபா³லை꞉ ஶிஶுகாகபக்ஷம்ʼ
ப³த்⁴னந்தமம்போ⁴ஜத³லாயதாக்ஷம் ।
உவாச மாதா சிபு³கம்ʼ க்³ருʼஹீத்வா
கோ³விந்த³ தா³மோத³ர மாத⁴வேதி ॥ 28 ॥
ப்ரபா⁴தகாலே வரவல்லவௌகா⁴
கோ³ரக்ஷணார்த²ம்ʼ த்⁴ருʼதவேத்ரத³ண்டா³꞉ ।
ஆகாரயாமாஸுரனந்தமாத்³யம்ʼ
கோ³விந்த³ தா³மோத³ர மாத⁴வேதி ॥ 29 ॥
ஜலாஶயே காலியமர்த³னாய
யதா³ கத³ம்பா³த³பதன்முராரி꞉ ।
கோ³பாங்க³நாஶ்சுக்ருஶுரேத்ய கோ³பா
கோ³விந்த³ தா³மோத³ர மாத⁴வேதி ॥ 30 ॥
அக்ரூரமாஸாத்³ய யதா³ முகுந்த³ஶ்-
சாபோத்ஸவார்த²ம்ʼ மது²ராம்ʼ ப்ரவிஷ்ட꞉ ।
ததா³ ஸ பௌரைர்ஜயஸீத்யபா⁴ஷி
கோ³விந்த³ தா³மோத³ர மாத⁴வேதி ॥ 31 ॥
கம்ʼஸஸ்ய தூ³தேன யதை³வ நீதௌ
வ்ருʼந்தா³வனாந்தாத்³ வஸுதே³வஸூனூ ।
ருரோத³ கோ³பீ ப⁴வனஸ்ய மத்⁴யே
கோ³விந்த³ தா³மோத³ர மாத⁴வேதி ॥ 32 ॥
ஸரோவரே காலியநாக³ப³த்³த⁴ம்ʼ
ஶிஶும்ʼ யஶோதா³தனயம்ʼ நிஶம்ய ।
சக்ருர்லுட²ந்த்ய꞉ பதி² கோ³பபா³லா
கோ³விந்த³ தா³மோத³ர மாத⁴வேதி ॥ 33 ॥
அக்ரூரயானே யது³வம்ʼஶநாத²ம்ʼ
ஸங்க³ச்ச²மானம்ʼ மது²ராம்ʼ நிரீக்ஷ்ய ।
ஊசுர்வியோக³த் கில கோ³பபா³லா
கோ³விந்த³ தா³மோத³ர மாத⁴வேதி ॥ 34 ॥
சக்ரந்த³ கோ³பீ நலினீவனாந்தே
க்ருʼஷ்ணேன ஹீனா குஸுமே ஶயானா ।
ப்ரபு²ல்லநீலோத்பலலோசநாப்⁴யாம்ʼ
கோ³விந்த³ தா³மோத³ர மாத⁴வேதி ॥ 35 ॥
மாதாபித்ருʼப்⁴யாம்ʼ பரிவார்யமாணா
கே³ஹம்ʼ ப்ரவிஷ்டா விலலாப கோ³பீ ।
ஆக³த்ய மாம்ʼ பாலய விஶ்வநாத²
கோ³விந்த³ தா³மோத³ர மாத⁴வேதி ॥ 36 ॥
வ்ருʼந்தா³வனஸ்த²ம்ʼ ஹரிமாஶு பு³த்³த்⁴வா
கோ³பீ க³தா காபி வனம்ʼ நிஶாயாம் ।
தத்ராப்யத்³ருʼஷ்ட்வா(அ)திப⁴யாத³வோசத்³
கோ³விந்த³ தா³மோத³ர மாத⁴வேதி ॥ 37 ॥
ஸுக²ம்ʼ ஶயானா நிலயே நிஜே(அ)பி
நாமானி விஷ்ணோ꞉ ப்ரவத³ந்தி மர்த்யா꞉ ।
தே நிஶ்சிதம்ʼ தன்மயதாம்ʼ வ்ரஜந்தி
கோ³விந்த³ தா³மோத³ர மாத⁴வேதி ॥ 38 ॥
ஸா நீரஜாக்ஷீமவலோக்ய ராதா⁴ம்ʼ
ருரோத³ கோ³விந்த³வியோக³கி²ன்னாம் ।
ஸகீ² ப்ரபு²ல்லோத்பலலோசநாப்⁴யாம்ʼ
கோ³விந்த³ தா³மோத³ர மாத⁴வேதி ॥ 39 ॥
ஜிஹ்வே ரஸஜ்ஞே மது⁴ரப்ரியா த்வம்ʼ
ஸத்யம்ʼ ஹிதம்ʼ த்வாம்ʼ பரமம்ʼ வதா³மி ।
ஆவர்ணயேதா² மது⁴ராக்ஷராணி
கோ³விந்த³ தா³மோத³ர மாத⁴வேதி ॥ 40 ॥
ஆத்யந்திகவ்யாதி⁴ஹரம்ʼ ஜனானாம்ʼ
சிகித்ஸகம்ʼ வேத³விதோ³ வத³ந்தி ।
ஸம்ʼஸாரதாபத்ரயநாஶபீ³ஜம்ʼ
கோ³விந்த³ தா³மோத³ர மாத⁴வேதி ॥ 41 ॥
தாதாஜ்ஞயா க³ச்ச²தி ராமசந்த்³ரே
ஸலக்ஷ்மணே(அ)ரண்யசயே ஸஸீதே ।
சக்ரந்த³ ராமஸ்ய நிஜா ஜனித்ரீ
கோ³விந்த³ தா³மோத³ர மாத⁴வேதி ॥ 42 ॥
ஏகாகினீ த³ண்ட³ககானனாந்தாத்
ஸா நீயமானா த³ஶகந்த⁴ரேண ।
ஸீதா ததா³க்ரந்த³த³னன்யநாதா²
கோ³விந்த³ தா³மோத³ர மாத⁴வேதி ॥ 43 ॥
ராமாத்³வியுக்தா ஜனகாத்மஜா ஸா
விசிந்தயந்தீ ஹ்ருʼதி³ ராமரூபம் ।
ருரோத³ ஸீதா ரகு⁴நாத² பாஹி
கோ³விந்த³ தா³மோத³ர மாத⁴வேதி ॥ 44 ॥
ப்ரஸீத³ விஷ்ணோ ரகு⁴வம்ʼஶநாத²
ஸுராஸுராணாம்ʼ ஸுக²து³꞉க²ஹேதோ ।
ருரோத³ ஸீதா து ஸமுத்³ரமத்⁴யே
கோ³விந்த³ தா³மோத³ர மாத⁴வேதி ॥ 45 ॥
அந்தர்ஜலே க்³ராஹக்³ருʼஹீதபாதோ³
விஸ்ருʼஷ்டவிக்லிஷ்டஸமஸ்தப³ந்து⁴꞉ ।
ததா³ க³ஜேந்த்³ரோ நிதராம்ʼ ஜகா³த³
கோ³விந்த³ தா³மோத³ர மாத⁴வேதி ॥ 46 ॥
ஹம்ʼஸத்⁴வஜ꞉ ஶங்க²யுதோ த³த³ர்ஶ
புத்ரம்ʼ கடாஹே ப்ரதபந்தமேனம் ।
புண்யானி நாமானி ஹரேர்ஜபந்தம்ʼ
கோ³விந்த³ தா³மோத³ர மாத⁴வேதி ॥ 47 ॥
து³ர்வாஸஸோ வாக்யமுபேத்ய க்ருʼஷ்ணா
ஸா சாப்³ரவீத் கானனவாஸினீஶம் ।
அந்த꞉ ப்ரவிஷ்டம்ʼ மனஸா ஜுஹாவ
கோ³விந்த³ தா³மோத³ர மாத⁴வேதி ॥ 48 ॥
த்⁴யேய꞉ ஸதா³ யோகி³பி⁴ரப்ரமேய꞉
சிந்தாஹரஶ்சிந்திதபாரிஜாத꞉ ।
கஸ்தூரிகாகல்பிதநீலவர்ணோ
கோ³விந்த³ தா³மோத³ர மாத⁴வேதி ॥ 49 ॥
ஸம்ʼஸாரகூபே பதிதோ(அ)த்யகா³தே⁴
மோஹாந்த⁴பூர்ணே விஷயாபி⁴தப்தே ।
கராவலம்ப³ம்ʼ மம தே³ஹி விஷ்ணோ
கோ³விந்த³ தா³மோத³ர மாத⁴வேதி ॥ 50 ॥
ப⁴ஜஸ்வ மந்த்ரம்ʼ ப⁴வப³ந்த⁴முக்த்யை
ஜிஹ்வே ரஸஜ்ஞே ஸுலப⁴ம்ʼ மனோஜ்ஞம் ।
த்³வைபாயநாத்³யைர்முனிபி⁴꞉ ப்ரஜப்தம்ʼ
கோ³விந்த³ தா³மோத³ர மாத⁴வேதி ॥ 51 ॥
த்வாமேவ யாசே மம தே³ஹி ஜிஹ்வே
ஸமாக³தே த³ண்ட³த⁴ரே க்ருʼதாந்தே ।
வக்தவ்யமேவம்ʼ மது⁴ரம்ʼ ஸுப⁴க்த்யா
கோ³விந்த³ தா³மோத³ர மாத⁴வேதி ॥ 52 ॥
கோ³பால வம்ʼஶீத⁴ர ரூபஸிந்தோ⁴
லோகேஶ நாராயண தீ³னப³ந்தோ⁴ ।
உச்சஸ்வரைஸ்த்வம்ʼ வத³ ஸர்வதை³வ
கோ³விந்த³ தா³மோத³ர மாத⁴வேதி ॥ 53 ॥
ஜிஹ்வே ஸதை³வம்ʼ ப⁴ஜ ஸுந்த³ராணி
நாமானி க்ருʼஷ்ணஸ்ய மனோஹராணி ।
ஸமஸ்தப⁴க்தார்திவிநாஶனானி
கோ³விந்த³ தா³மோத³ர மாத⁴வேதி ॥ 54 ॥
கோ³விந்த³ கோ³விந்த³ ஹரே முராரே
கோ³விந்த³ கோ³விந்த³ முகுந்த³ க்ருʼஷ்ண ।
கோ³விந்த³ கோ³விந்த³ ரதா²ங்க³பாணே
கோ³விந்த³ தா³மோத³ர மாத⁴வேதி ॥ 55 ॥
ஸுகா²வஸானே த்வித³மேவ ஸாரம்ʼ
து³꞉கா²வஸானே த்வித³மேவ கே³யம் ।
தே³ஹாவஸானே த்வித³மேவ ஜாப்யம்ʼ
கோ³விந்த³ தா³மோத³ர மாத⁴வேதி ॥ 56 ॥
து³ர்வாரவாக்யம்ʼ பரிக்³ருʼஹ்ய க்ருʼஷ்ணா
ம்ருʼகீ³வ பீ⁴தா து கத²ம்ʼ கத²ஞ்சித் ।
ஸபா⁴ம்ʼ ப்ரவிஷ்டா மனஸா ஜுஹாவ
கோ³விந்த³ தா³மோத³ர மாத⁴வேதி ॥ 57 ॥
ஶ்ரீக்ருʼஷ்ண ராதா⁴வர கோ³குலேஶ
கோ³பால கோ³வர்த⁴ன நாத² விஷ்ணோ ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 58 ॥
ஶ்ரீநாத² விஶ்வேஶ்வர விஶ்வமூர்தே
ஶ்ரீதே³வகீநந்த³ன தை³த்யஶத்ரோ ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 59 ॥
கோ³பீபதே கம்ʼஸரிபோ முகுந்த³
லக்ஷ்மீபதே கேஶவ வாஸுதே³வ ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 60 ॥
கோ³பீஜனாஹ்லாத³கர வ்ரஜேஶ
கோ³சாரணாரண்யக்ருʼதப்ரவேஶ ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 61 ॥
ப்ராணேஶ விஶ்வம்ப⁴ர கைடபா⁴ரே
வைகுண்ட² நாராயண சக்ரபாணே ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 62 ॥
ஹரே முராரே மது⁴ஸூத³நாத்³ய
ஶ்ரீராம ஸீதாவர ராவணாரே ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 63 ॥
ஶ்ரீயாத³வேந்த்³ராத்³ரித⁴ராம்பு³ஜாக்ஷ
கோ³கோ³பகோ³பீஸுக²தா³னத³க்ஷ ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 64 ॥
த⁴ராப⁴ரோத்தாரணகோ³பவேஷ
விஹாரலீலாக்ருʼதப³ந்து⁴ஶேஷ ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 65 ॥
ப³கீப³காகா⁴ஸுரதே⁴னுகாரே
கேஶீத்ருʼணாவர்தவிகா⁴தத³க்ஷ ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 66 ॥
ஶ்ரீஜானகீஜீவன ராமசந்த்³ர
நிஶாசராரே ப⁴ரதாக்³ரஜேஶ ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 67 ॥
நாராயணானந்த ஹரே ந்ருʼஸிம்ʼஹ
ப்ரஹ்லாத³பா³தா⁴ஹர ஹே க்ருʼபாலோ ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 68 ॥
லீலாமனுஷ்யாக்ருʼதிராமரூப
ப்ரதாபதா³ஸீக்ருʼதஸர்வபூ⁴ப ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 69 ॥
ஶ்ரீக்ருʼஷ்ண கோ³விந்த³ ஹரே முராரே
ஹே நாத² நாராயண வாஸுதே³வ ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 70 ॥
வக்தும்ʼ ஸமர்தோ²(அ)பி ந வக்தி கஶ்சித்³-
அஹோ ஜனானாம்ʼ வ்யஸநாபி⁴முக்²யம் ।
ஜிஹ்வே பிப³ஸ்வாம்ருʼதமேததே³வ
கோ³விந்த³ தா³மோத³ர மாத⁴வேதி ॥ 71 ॥
இதி ஶ்ரீகோ³விந்த³தா³மோத³ரஸ்தோத்ரம்ʼ ஸம்பூர்ணம் ।
Recite with devotion and pure heart
Regular practice brings spiritual benefits