అచ్యుతం కేశవం రామనారాయణం కృష్ణదామోదరం వాసుదేవం హరిం । శ్రీధరం మాధవం గోపికా వల్లభం జానకీనాయకం రామచంద్రం భజే ॥ 1 ॥ అచ్యుతం కేశవం సత్యభామాధవం మాధవం శ్రీధరం రాధికా రాధితం । ఇందిరామందిరం చేతసా సుందరం దేవకీనందనం నందజం సందధే ॥ 2 ॥ విష్ణవే జిష్ణవే శంకనే చక్రిణే రుక్మిణీ రాగిణే జానకీ జానయే । వల్లవీ వల్లభాయార్చితా యాత్మనే కంస విధ్వంసినే వంశినే తే నమః ॥ 3 ॥ కృష్ణ గోవింద హే రామ నారాయణ శ్రీపతే వాసుదేవాజిత శ్రీనిధే । అచ్యుతానంత హే మాధవాధోక్షజ ద్వారకానాయక ద్రౌపదీరక్షక ॥ 4 ॥ రాక్షస క్షోభితః సీతయా శోభితో దండకారణ్యభూ పుణ్యతాకారణః । లక్ష్మణోనాన్వితో వానరైః సేవితో అగస్త్య సంపూజితో రాఘవః పాతు మాం ॥ 5 ॥ ధేనుకారిష్టకోఽనిష్టకృద్ద్వేషిణాం కేశిహా కంసహృద్వణ్శికావాదకః । పూతనాకోపకః సూరజాఖేలనో బాలగోపాలకః పాతు మాం సర్వదా ॥ 6 ॥ విద్యుదుద్యోతవత్ప్రస్ఫురద్వాససం ప్రావృడంభోదవత్ప్రోల్లసద్విగ్రహం । వన్యయా మాలయా శోభితోరఃస్థలం లోహితాంఘ్రిద్వయం వారిజాక్షం భజే ॥ 7॥ కుంచితైః కుంతలై భ్రాజమానాననం రత్నమౌలిం లసత్-కుండలం గండయోః । హారకేయూరకం కంకణ ప్రోజ్జ్వలం కింకిణీ మంజులం శ్యామలం తం భజే ॥ 8 ॥ అచ్యుతస్యాష్టకం యః పఠేదిష్టదం ప్రేమతః ప్రత్యహం పూరుషః సస్పృహం । వృత్తతః సుందరం కర్తృ విశ్వంభరః తస్య వశ్యో హరి ర్జాయతే సత్వరం ॥ అచ్యుతం కేశవం రామనారాయణం కృష్ణదామోదరం వాసుదేవం హరిం । శ్రీధరం మాధవం గోపికా వల్లభం జానకీనాయకం రామచంద్రం భజే ॥ 1 । ॥ ఇతి శ్రీశంకరాచార్యవిరచితమచ్యుతాష్టకం సంపూర్ణం ॥