கோ⁴ரே ஸம்ʼஸாரவஹ்னௌ ப்ரலயமுபக³தே யா ஹி க்ருʼத்வா ஶ்மஶானே ந்ருʼத்யத்யந்யூனஶக்திர்ஜக³தி³த³மகி²லம்ʼ முண்ட³மாலாபி⁴ராமா । பி⁴த்³யத்³ப்³ரஹ்மாண்ட³பா⁴ண்ட³ம்ʼ படுதரனினதை³ரட்டஹாஸைருதா³ரை꞉ ஸாஸ்மாகம்ʼ வைரிவர்க³ம்ʼ ஶமயது தரஸா ப⁴த்³ரதா³ ப⁴த்³ரகாலீ ॥ 1 ॥ மக்³னே லோகே(அ)ம்பு³ராஶௌ நலினப⁴வனுதா விஷ்ணுனா காரயித்வா சக்ரோத்க்ருʼத்தோருகண்ட²ம்ʼ மது⁴மபி ப⁴யத³ம்ʼ கைடப⁴ம்ʼ சாதிபீ⁴மம் । பத்³மோத்பத்தே꞉ ப்ரபூ⁴தம்ʼ ப⁴யமுத ரிபுதோயாஹரத்ஸானுகம்பா ஸாஸ்மாகம்ʼ வைரிவர்க³ம்ʼ ஶமயது தரஸா ப⁴த்³ரதா³ ப⁴த்³ரகாலீ ॥ 2 ॥ விஶ்வத்ராணம்ʼ விதா⁴தும்ʼ மஹிஷமத² ராணே யா(அ)ஸுரம்ʼ பீ⁴மரூபம்ʼ ஶூலேனாஹத்ய வக்ஷஸ்யமரபதினுதா பாதயந்தீ ச பூ⁴மௌ । தஸ்யாஸ்ருʼக்³வாஹினீபி⁴ர்ஜலநிதி⁴மகி²லம்ʼ ஶோணிதாப⁴ம்ʼ ச சக்ரே ஸாஸ்மாகம்ʼ வைரிவர்க³ம்ʼ ஶமயது தரஸா ப⁴த்³ரதா³ ப⁴த்³ரகாலீ ॥ 3 ॥ யா தே³வீ சண்ட³முண்டௌ³ த்ரிபு⁴வனநலினீவாரணௌ தே³வஶத்ரூ த்³ருʼஷ்ட்வா யுத்³தோ⁴த்ஸவே தௌ த்³ருததரமபி⁴யாதாஸினா க்ருʼத்தகண்டௌ² । க்ருʼத்வா தத்³ரக்தபானோத்³ப⁴வமத³முதி³தா ஸாட்டஹாஸாதிபீ⁴மா ஸாஸ்மாகம்ʼ வைரிவர்க³ம்ʼ ஶமயது தரஸா ப⁴த்³ரதா³ ப⁴த்³ரகாலீ ॥ 4 ॥ ஸத்³யஸ்தம்ʼ ரக்தபீ³ஜம்ʼ ஸமரபு⁴வி நதா கோ⁴ரரூபானஸங்க்²யான் ராக்தோத்³பூ⁴தைரஸங்க்²யைர்க³ஜதுரக³ரதை²꞉ ஸார்த²மன்யாம்ʼஶ்ச தை³த்யான் । வக்த்ரே நிக்ஷிப்ய த்³ருʼஷ்ட்வா கு³ருதரத³ஶனைராபபௌ ஶோணிதௌக⁴ம்ʼ ஸாஸ்மாகம்ʼ வைரிவர்க³ம்ʼ ஶமயது தரஸா ப⁴த்³ரதா³ ப⁴த்³ரகாலீ ॥ 5 ॥ ஸ்தா²நாத்³ப்⁴ரஷ்டைஶ்ச தே³வைஸ்துஹினகி³ரிதடே ஸங்க³தை꞉ ஸம்ʼஸ்துதா யா ஸங்க்²யாஹீனை꞉ ஸமேதம்ʼ த்ரித³ஶரிபுக³ணை꞉ ஸ்யந்த³னேபா⁴ஶ்வயுக்தை꞉ । யுத்³தே⁴ ஶும்ப⁴ம்ʼ நிஶும்ப⁴ம்ʼ த்ரிபு⁴வனவிபத³ம்ʼ நாஶயந்தீ ச ஜக்⁴னே ஸாஸ்மாகம்ʼ வைரிவர்க³ம்ʼ ஶமயது தரஸா ப⁴த்³ரதா³ ப⁴த்³ரகாலீ ॥ 6 ॥ ஶம்போ⁴ர்நேத்ரானலே யா ஜனனமபி ஜக³த்த்ராணஹேதோரயாஸீத் பூ⁴யஸ்தீக்ஷ்ணாதிதா⁴ராவித³லிதத³னுஜா தா³ருகம்ʼ சாபி ஹத்வா । தஸ்யாஸ்ருʼக்பானதுஷ்டா முஹுரபி க்ருʼதவத்யட்டஹாஸம்ʼ கடோ²ரம்ʼ ஸாஸ்மாகம்ʼ வைரிவர்க³ம்ʼ ஶமயது தரஸா ப⁴த்³ரதா³ ப⁴த்³ரகாலீ ॥ 7 ॥ யா தே³வீ காலராத்ரீ துஹினகி³ரஸுதா லோகமாதா த⁴ரித்ரீ வாணீ நித்³ரா ச மாயா மனஸிஜத³யிதா கோ⁴ரரூபாதிஸௌம்யா । சாமுண்டா³ க²ட்³க³ஹஸ்தா ரிபுஹனனபரா ஶோணிதாஸ்வாத³காமா ஸா ஹன்யாத்³விஶ்வவந்த்³யா மம ரிபுனிவஹா ப⁴த்³ரதா³ ப⁴த்³ரகாலீ ॥ 8 ॥ ப⁴த்³ரகால்யஷ்டகம்ʼ ஜப்யம்ʼ ஶத்ருஸங்க்ஷயகாங்க்ஷிணா । ஸ்வர்கா³பவர்க³த³ம்ʼ புண்யம்ʼ து³ஷ்டக்³ரஹநிவாரணம் ॥ 9 ॥ இதி ஶ்ரீ ப⁴த்³ரகால்யஷ்டகம் ।