निश्चय प्रेम प्रतीति तॆ, बिनय करै सनमान । तेहि के कारज सकल सुभ, सिद्ध करै हनुमान ॥ चौपाई – जय हनुमन्त सन्त हितकारी । सुन लीजै प्रभु अरज हमारी ॥ जन के काज बिलम्ब न कीजै । आतुर दौरि महा सुख दीजै ॥ जैसे कूदि सिन्धु महिपारा । सुरसा बदन पैठि बिस्तारा ॥ आगे जाय लङ्किनी रोका । मारेहु लात गी सुरलोका ॥ जाय बिभीषन को सुख दीन्हा । सीता निरखि परमपद लीन्हा ॥ बाग उजारि सिन्धु महं बोरा । अति आतुर जमकातर तोरा ॥ अक्षय कुमार मारि संहारा । लूम लपेटि लङ्क को जारा ॥ लाह समान लङ्क जरि गी । जय जय धुनि सुरपुर नभ भी ॥ अब बिलम्ब केहि कारन स्वामी । कृपा करहु उर अन्तरयामी ॥ जय जय लखन प्रान के दाता । आतुर ह्वै दुख करहु निपाता ॥ जै हनुमान जयति बल-सागर । सुर-समूह-समरथ भट-नागर ॥ ओं हनु हनु हनु हनुमन्त हठीले । बैरिहि मारु बज्र की कीले ॥ ओं ह्नीं ह्नीं ह्नीं हनुमन्त कपीसा । ओं हुं हुं हुं हनु अरि उर सीसा ॥ जय अञ्जनि कुमार बलवन्ता । शङ्करसुवन बीर हनुमन्ता ॥ बदन कराल काल-कुल-घालक । राम सहाय सदा प्रतिपालक ॥ भूत, प्रेत, पिसाच निसाचर । अगिन बेताल काल मारी मर ॥ इन्हें मारु, तोहि सपथ राम की । राखु नाथ मरजाद नाम की ॥ सत्य होहु हरि सपथ पाइ कै । राम दूत धरु मारु धाइ कै ॥ जय जय जय हनुमन्त अगाधा । दुख पावत जन केहि अपराधा ॥ पूजा जप तप नेम अचारा । नहिं जानत कछु दास तुम्हारा ॥ बन उपबन मग गिरि गृह माहीम् । तुम्हरे बल हौं डरपत नाहीम् ॥ जनकसुता हरि दास कहावौ । ताकी सपथ बिलम्ब न लावौ ॥ जै जै जै धुनि होत अकासा । सुमिरत होय दुसह दुख नासा ॥ चरन पकरि, कर जोरि मनावौम् । यहि औसर अब केहि गोहरावौम् ॥ उठु, उठु, चलु, तोहि राम दुहाई । पायं परौं, कर जोरि मनाई ॥ ओं चं चं चं चं चपल चलन्ता । ओं हनु हनु हनु हनु हनुमन्ता ॥ ओं हं हं हाङ्क देत कपि चञ्चल । ओं सं सं सहमि पराने खल-दल ॥ अपने जन को तुरत उबारौ । सुमिरत होय आनन्द हमारौ ॥ यह बजरङ्ग-बाण जेहि मारै । ताहि कहौ फिरि कवन उबारै ॥ पाठ करै बजरङ्ग-बाण की । हनुमत रक्षा करै प्रान की ॥ यह बजरङ्ग बाण जो जापैम् । तासों भूत-प्रेत सब कापैम् ॥ धूप देय जो जपै हमेसा । ताके तन नहिं रहै कलेसा ॥ दोहा – उर प्रतीति दृढ़, सरन ह्वै, पाठ करै धरि ध्यान । बाधा सब हर, करैं सब काम सफल हनुमान ॥