ஓம்ʼ அஸ்ய ஶ்ரீ ஆபது³த்³தா⁴ரக ஹனுமத் ஸ்தோத்ர மஹாமந்த்ர கவசஸ்ய, விபீ⁴ஷண ருʼஷி꞉, ஹனுமான் தே³வதா, ஸர்வாபது³த்³தா⁴ரக ஶ்ரீஹனுமத்ப்ரஸாதே³ன மம ஸர்வாபந்நிவ்ருʼத்த்யர்தே², ஸர்வகார்யானுகூல்ய ஸித்³த்⁴யர்தே² ஜபே விநியோக³꞉ । த்⁴யானம் – வாமே கரே வைரிபி⁴த³ம்ʼ வஹந்தம்ʼ ஶைலம்ʼ பரே ஶ்ருʼங்க²லஹாரிடங்கம் । த³தா⁴னமச்ச²ச்ச²வியஜ்ஞஸூத்ரம்ʼ ப⁴ஜே ஜ்வலத்குண்ட³லமாஞ்ஜனேயம் ॥ 1 ॥ ஸம்ʼவீதகௌபீன முத³ஞ்சிதாங்கு³லிம்ʼ ஸமுஜ்ஜ்வலன்மௌஞ்ஜிமதோ²பவீதினம் । ஸகுண்ட³லம்ʼ லம்பி³ஶிகா²ஸமாவ்ருʼதம்ʼ தமாஞ்ஜனேயம்ʼ ஶரணம்ʼ ப்ரபத்³யே ॥ 2 ॥ ஆபன்னாகி²லலோகார்திஹாரிணே ஶ்ரீஹனூமதே । அகஸ்மாதா³க³தோத்பாத நாஶனாய நமோ நம꞉ ॥ 3 ॥ ஸீதாவியுக்தஶ்ரீராமஶோகது³꞉க²ப⁴யாபஹ । தாபத்ரிதயஸம்ʼஹாரின் ஆஞ்ஜனேய நமோ(அ)ஸ்து தே ॥ 4 ॥ ஆதி⁴வ்யாதி⁴ மஹாமாரீ க்³ரஹபீடா³பஹாரிணே । ப்ராணாபஹர்த்ரேதை³த்யானாம்ʼ ராமப்ராணாத்மனே நம꞉ ॥ 5 ॥ ஸம்ʼஸாரஸாக³ராவர்த கர்தவ்யப்⁴ராந்தசேதஸாம் । ஶரணாக³தமர்த்யானாம்ʼ ஶரண்யாய நமோ(அ)ஸ்து தே ॥ 6 ॥ வஜ்ரதே³ஹாய காலாக்³நிருத்³ராயா(அ)மிததேஜஸே । ப்³ரஹ்மாஸ்த்ரஸ்தம்ப⁴னாயாஸ்மை நம꞉ ஶ்ரீருத்³ரமூர்தயே ॥ 7 ॥ ராமேஷ்டம்ʼ கருணாபூர்ணம்ʼ ஹனூமந்தம்ʼ ப⁴யாபஹம் । ஶத்ருநாஶகரம்ʼ பீ⁴மம்ʼ ஸர்வாபீ⁴ஷ்டப்ரதா³யகம் ॥ 8 ॥ காராக்³ருʼஹே ப்ரயாணே வா ஸங்க்³ராமே ஶத்ருஸங்கடே । ஜலே ஸ்த²லே ததா²(ஆ)காஶே வாஹனேஷு சதுஷ்பதே² ॥ 9 ॥ க³ஜஸிம்ʼஹ மஹாவ்யாக்⁴ர சோர பீ⁴ஷண கானனே । யே ஸ்மரந்தி ஹனூமந்தம்ʼ தேஷாம்ʼ நாஸ்தி விபத் க்வசித் ॥ 10 ॥ ஸர்வவானரமுக்²யானாம்ʼ ப்ராணபூ⁴தாத்மனே நம꞉ । ஶரண்யாய வரேண்யாய வாயுபுத்ராய தே நம꞉ ॥ 11 ॥ ப்ரதோ³ஷே வா ப்ரபா⁴தே வா யே ஸ்மரந்த்யஞ்ஜனாஸுதம் । அர்த²ஸித்³தி⁴ம்ʼ ஜயம்ʼ கீர்திம்ʼ ப்ராப்னுவந்தி ந ஸம்ʼஶய꞉ ॥ 12 ॥ ஜப்த்வா ஸ்தோத்ரமித³ம்ʼ மந்த்ரம்ʼ ப்ரதிவாரம்ʼ படே²ன்னர꞉ । ராஜஸ்தா²னே ஸபா⁴ஸ்தா²னே ப்ராப்தே வாதே³ லபே⁴ஜ்ஜயம் ॥ 13 ॥ விபீ⁴ஷணக்ருʼதம்ʼ ஸ்தோத்ரம்ʼ ய꞉ படே²த் ப்ரயதோ நர꞉ । ஸர்வாபத்³ப்⁴யோ விமுச்யேத நா(அ)த்ர கார்யா விசாரணா ॥ 14 ॥ மந்த்ர꞉ – மர்கடேஶ மஹோத்ஸாஹ ஸர்வஶோகநிவாரக । ஶத்ரூன் ஸம்ʼஹர மாம்ʼ ரக்ஷ ஶ்ரியம்ʼ தா³பய போ⁴ ஹரே ॥ 15 இதி விபீ⁴ஷணக்ருʼதம்ʼ ஸர்வாபது³த்³தா⁴ரக ஶ்ரீஹனுமத் ஸ்தோத்ரம் ॥