സ്മരാമി ദേവദേവേശം വക്രതുംഡം മഹാബലമ് । ഷഡക്ഷരം കൃപാസിംധും നമാമി ഋണമുക്തയേ ॥ 1 ॥ ഏകാക്ഷരം ഹ്യേകദംതം ഏകം ബ്രഹ്മ സനാതനമ് । ഏകമേവാദ്വിതീയം ച നമാമി ഋണമുക്തയേ ॥ 2 ॥ മഹാഗണപതിം ദേവം മഹാസത്ത്വം മഹാബലമ് । മഹാവിഘ്നഹരം ശംഭോഃ നമാമി ഋണമുക്തയേ ॥ 3 ॥ കൃഷ്ണാംബരം കൃഷ്ണവര്ണം കൃഷ്ണഗംധാനുലേപനമ് । കൃഷ്ണസര്പോപവീതം ച നമാമി ഋണമുക്തയേ ॥ 4 ॥ രക്താംബരം രക്തവര്ണം രക്തഗംധാനുലേപനമ് । രക്തപുഷ്പപ്രിയം ദേവം നമാമി ഋണമുക്തയേ ॥ 5 ॥ പീതാംബരം പീതവര്ണം പീതഗംധാനുലേപനമ് । പീതപുഷ്പപ്രിയം ദേവം നമാമി ഋണമുക്തയേ ॥ 6 ॥ ധൂമ്രാംബരം ധൂമ്രവര്ണം ധൂമ്രഗംധാനുലേപനമ് । ഹോമധൂമപ്രിയം ദേവം നമാമി ഋണമുക്തയേ ॥ 7 ॥ ഫാലനേത്രം ഫാലചംദ്രം പാശാംകുശധരം വിഭുമ് । ചാമരാലംകൃതം ദേവം നമാമി ഋണമുക്തയേ ॥ 8 ॥ ഇദം ത്വൃണഹരം സ്തോത്രം സംധ്യായാം യഃ പഠേന്നരഃ । ഷണ്മാസാഭ്യംതരേണൈവ ഋണമുക്തോ ഭവിഷ്യതി ॥ 9 ॥ ഇതി ഋണവിമോചന മഹാഗണപതി സ്തോത്രമ് ।