हैंహైHaindavamஹிહિં
📍
Font Size:
ഗണേശ ഹൃദയ കവചം
നമസ്തസ്മൈ ഗണേശായ സർവവിഘ്നവിനാശിനേ ।
കാര്യാരംഭേഷു സർവേഷു പൂജിതോ യഃ സുരൈരപി ॥ 1 ॥
പാർവത്യുവാച –
ഭഗവൻ ദേവദേവേശ ലോകാനുഗ്രഹകാരകഃ ।
ഇദാനീം ശ്രോതൃമിച്ഛാമി കവചം യത്പ്രകാശിതം ॥ 2 ॥
ഏകാക്ഷരസ്യ മന്ത്രസ്യ ത്വയാ പ്രീതേന ചേതസാ ।
വദൈതദ്വിധിവദ്ദേവ യദി തേ വല്ലഭാസ്മ്യഹം ॥ 3 ॥
ഈശ്വര ഉവാച –
ശൃണു ദേവി പ്രവക്ഷ്യാമി നാഖ്യേയമപി തേ ധ്രുവം ।
ഏകാക്ഷരസ്യ മന്ത്രസ്യ കവചം സർവകാമദം ॥ 4 ॥
യസ്യ സ്മരണമാത്രേണ ന വിഘ്നാഃ പ്രഭവന്തി ഹി ।
ത്രികാലമേകകാലം വാ യേ പഠന്തി സദാ നരാഃ ॥ 5 ॥
തേഷാം ക്വാപി ഭയം നാസ്തി സംഗ്രാമേ സങ്കടേ ഗിരൗ ।
ഭൂതവേതാലരക്ഷോഭിർഗ്രഹൈശ്ചാപി ന ബാധ്യതേ ॥ 6 ॥
ഇദം കവചമജ്ഞാത്വാ യോ ജപേദ്ഗണനായകം ।
ന ച സിദ്ധിമവാപ്നോതി മൂഢോ വർഷശതൈരപി ॥ 7 ॥
അഘോരോ മേ യഥാ മന്ത്രോ മന്ത്രാണാമുത്തമോത്തമഃ ।
തഥേദം കവചം ദേവി ദുർലഭം ഭുവി മാനവൈഃ ॥ 8 ॥
ഗോപനീയം പ്രയത്നേന നാജ്യേയം യസ്യ കസ്യചിത് ।
തവ പ്രീത്യാ മഹേശാനി കവചം കഥ്യതേഽദ്ഭുതം ॥ 9 ॥
ഏകാക്ഷരസ്യ മന്ത്രസ്യ ഗണകശ്ചർഷിരീരിതഃ ।
ത്രിഷ്ടുപ് ഛന്ദസ്തു വിഘ്നേശോ ദേവതാ പരികീർതിതാ ॥ 10 ॥
ഗം ബീജം ശക്തിരോങ്കാരഃ സർവകാമാർഥസിദ്ധയേ ।
സർവവിഘ്നവിനാശായ വിനിയോഗസ്തു കീർതിതഃ ॥ 11 ॥
ധ്യാനം –
രക്താംഭോജസ്വരൂപം ലസദരുണസരോജാധിരൂഢം ത്രിനേത്രം
പാശം ചൈവാങ്കുശം വാ വരദമഭയദം ബാഹുഭിർധാരയന്തം ।
ശക്ത്യാ യുക്തം ഗജാസ്യം പൃഥുതരജഠരം നാഗയജ്ഞോപവീതം
ദേവം ചന്ദ്രാർധചൂഡം സകലഭയഹരം വിഘ്നരാജം നമാമി ॥ 12 ॥
കവചം –
ഗണേശോ മേ ശിരഃ പാതു ഫാലം പാതു ഗജാനനഃ ।
നേത്രേ ഗണപതിഃ പാതു ഗജകർണഃ ശ്രുതീ മമ ॥ 13 ॥
കപോലൗ ഗണനാഥസ്തു ഘ്രാണം ഗന്ധർവപൂജിതഃ ।
മുഖം മേ സുമുഖഃ പാതു ചിബുകം ഗിരിജാസുതഃ ॥ 14 ॥
ജിഹ്വാം പാതു ഗണക്രീഡോ ദന്താൻ രക്ഷതു ദുർമുഖഃ ।
വാചം വിനായകഃ പാതു കണ്ഠം പാതു മദോത്കടഃ ॥ 15 ॥
സ്കന്ധൗ പാതു ഗജസ്കന്ധോ ബാഹൂ മേ വിഘ്നനാശനഃ ।
ഹസ്തൗ രക്ഷതു ഹേരംബോ വക്ഷഃ പാതു മഹാബലഃ ॥ 16 ॥
ഹൃദയം മേ ഗണപതിരുദരം മേ മഹോദരഃ ।
നാഭിം ഗംഭീരഹൃദയോ പൃഷ്ഠം പാതു സുരപ്രിയഃ ॥ 17 ॥
കടിം മേ വികടഃ പാതു ഗുഹ്യം മേ ഗുഹപൂജിതഃ ।
ഊരൂ മേ പാതു കൗമാരം ജാനുനീ ച ഗണാധിപഃ ॥ 18 ॥
ജംഘേ ജയപ്രദഃ പാതു ഗുൽഫൗ മേ ധൂർജടിപ്രിയഃ ।
ചരണൗ ദുർജയഃ പാതു സാംഗം മേ ഗണനായകഃ ॥ 19 ॥
ആമോദോ മേഽഗ്രതഃ പാതു പ്രമോദഃ പാതു പൃഷ്ഠതഃ ।
ദക്ഷിണേ പാതു സിദ്ധീശോ വാമേ വിദ്യാധരാർചിതഃ ॥ 20 ॥
പ്രാച്യാം രക്ഷതു മാം നിത്യം ചിന്താമണിവിനായകഃ ।
ആഗ്നേയ്യാം വക്രതുണ്ഡോ മേ ദക്ഷിണസ്യാമുമാസുതഃ ॥ 21 ॥
നൈരൃത്യാം സർവവിഘ്നേശോ പാതു നിത്യം ഗണേശ്വരഃ ।
പ്രതീച്യാം സിദ്ധിദഃ പാതു വായവ്യാം ഗജകർണകഃ ॥ 22 ॥
കൗബേര്യാം സർവസിദ്ധീശോ ഈശാന്യാമീശനന്ദനഃ ।
ഊർധ്വം വിനായകഃ പാതു അധോ മൂഷകവാഹനഃ ॥ 23 ॥
ദിവാ ഗോക്ഷീരധവലഃ പാതു നിത്യം ഗജാനനഃ ।
രാത്രൗ പാതു ഗണക്രീഡോ സന്ധ്യയോ സുരവന്ദിതഃ ॥ 24 ॥
പാശാങ്കുശാഭയകരഃ സർവതഃ പാതു മാം സദാ ।
ഗ്രഹഭൂതപിശാചേഭ്യോ പാതു നിത്യം ഗണേശ്വരഃ ॥ 25 ॥
സത്ത്വം രജസ്തമോ വാചം ബുദ്ധിം ജ്ഞാനം സ്മൃതിം ദയാം ।
ധർമം ചതുർവിധം ലക്ഷ്മീം ലജ്ജാം കീർതിം കുലം വപുഃ ॥ 26 ॥
ധനധാന്യഗൃഹാന്ദാരാൻ പുത്രാൻപൗത്രാൻ സഖീംസ്തഥാ ।
ഏകദന്തോഽവതു ശ്രീമാൻ സർവതഃ ശങ്കരാത്മജഃ ॥ 27 ॥
സിദ്ധിദം കീർതിദം ദേവി പ്രപഠേന്നിയതഃ ശുചിഃ ।
ഏകകാലം ദ്വികാലം വാ ത്രികാലം വാപി ഭക്തിതഃ ॥ 28 ॥
ന തസ്യ ദുർലഭം കിഞ്ചിത് ത്രിഷു ലോകേഷു വിദ്യതേ ।
സർവപാപവിനിർമുക്തോ ജായതേ ഭുവി മാനവഃ ॥ 29 ॥
യം യം കാമയതേ മർത്യഃ സുദുർലഭമനോരഥം ।
തം തം പ്രാപ്നോതി സകലം ഷണ്മാസാന്നാത്ര സംശയഃ ॥ 30 ॥
മോഹനസ്തംഭനാകർഷമാരണോച്ചാടനം വശം ।
സ്മരണാദേവ ജായന്തേ നാത്ര കാര്യാ വിചാരണാ ॥ 31 ॥
സർവവിഘ്നഹരേദ്ദേവീം ഗ്രഹപീഡാനിവാരണം ।
സർവശത്രുക്ഷയകരം സർവാപത്തിനിവാരണം ॥ 32 ॥
ധൃത്വേദം കവചം ദേവി യോ ജപേന്മന്ത്രമുത്തമം ।
ന വാച്യതേ സ വിഘ്നൗഘൈഃ കദാചിദപി കുത്രചിത് ॥ 33 ॥
ഭൂർജേ ലിഖിത്വാ വിധിവദ്ധാരയേദ്യോ നരഃ ശുചിഃ ।
ഏകബാഹോ ശിരഃ കണ്ഠേ പൂജയിത്വാ ഗണാധിപം ॥ 34 ॥
ഏകാക്ഷരസ്യ മന്ത്രസ്യ കവചം ദേവി ദുർലഭം ।
യോ ധാരയേന്മഹേശാനി ന വിഘ്നൈരഭിഭൂയതേ ॥ 35 ॥
ഗണേശഹൃദയം നാമ കവചം സർവസിദ്ധിദം ।
പഠേദ്വാ പാഠയേദ്വാപി തസ്യ സിദ്ധിഃ കരേ സ്ഥിതാ ॥ 36 ॥
ന പ്രകാശ്യം മഹേശാനി കവചം യത്ര കുത്രചിത് ।
ദാതവ്യം ഭക്തിയുക്തായ ഗുരുദേവപരായ ച ॥ 37 ॥
ഇതി ശ്രീരുദ്രയാമലേ പാർവതീപരമേശ്വര സംവാദേ ശ്രീ ഗണേശ ഹൃദയ കവചം സമ്പൂർണം ।
Recite with devotion and pure heart
Regular practice brings spiritual benefits