ஶ்ரீ பை⁴ரவ உவாச- ப்³ரஹ்மாத³யஸ்ஸ்துதி ஶதைரபி ஸூக்ஷ்மரூபம்ʼ ஜானந்தினைவ ஜக³தா³தி³மநாதி³மூர்திம் । தஸ்மாத³மூம்ʼ குசனதாம்ʼ நவகுங்குமாஸ்யாம்ʼ ஸ்தூ²லாம்ʼ ஸ்துவே ஸகலவாங்மயமாத்ருʼபூ⁴தாம் ॥ 1 ॥ ஸத்³யஸ்ஸமுத்³யத ஸஹஸ்ர தி³வாகராபா⁴ம்ʼ வித்³யாக்ஷஸூத்ரவரதா³ப⁴யசிஹ்னஹஸ்தாம்ʼ । நேத்ரோத்பலைஸ்த்ரிபி⁴ரலங்க்ருʼதவக்த்ரபத்³மாம்ʼ த்வாம்ʼ தாரஹாரருசிராம்ʼ த்ரிபுராம்ʼ ப⁴ஜாம꞉ ॥ 2 ॥ ஸிந்தூ³ரபூரருசிராம்ʼ குசபா⁴ரனம்ராம்ʼ ஜன்மாந்தரேஷு க்ருʼதபுண்ய ப²லைகக³ம்யாம்ʼ । அன்யோன்ய பே⁴த³கலஹாகுலமானபே⁴தை³- -ர்ஜானந்திகிஞ்ஜட³தி⁴ய ஸ்தவரூபமன்யே ॥ 3 ॥ ஸ்தூ²லாம்ʼ வத³ந்தி முனய꞉ ஶ்ருதயோ க்³ருʼணந்தி ஸூக்ஷ்மாம்ʼ வத³ந்தி வசஸாமதி⁴வாஸமன்யே । த்வாம்ʼமூலமாஹுரபரே ஜக³தாம்ப⁴வானி மன்யாமஹே வயமபாரக்ருʼபாம்பு³ராஶிம் ॥ 4 ॥ சந்த்³ராவதம்ʼஸ கலிதாம்ʼ ஶரதி³ந்து³ஶுப்⁴ராம்ʼ பஞ்சாஶத³க்ஷரமயீம்ʼ ஹ்ருʼதி³பா⁴வயந்தீ । த்வாம்ʼ புஸ்தகஞ்ஜபபடீமம்ருʼதாட்⁴ய கும்பா⁴ம்ʼ வ்யாக்²யாஞ்ச ஹஸ்தகமலைர்த³த⁴தீம்ʼ த்ரிநேத்ராம் ॥ 5 ॥ ஶம்பு⁴ஸ்த்வமத்³ரிதனயா கலிதார்த⁴பா⁴கோ³ விஷ்ணுஸ்த்வமம்ப³ கமலாபரிணத்³த⁴தே³ஹ꞉ । பத்³மோத்³ப⁴வஸ்த்வமஸி வாக³தி⁴வாஸபூ⁴மி- ரேஷாம்ʼ க்ரியாஶ்ச ஜக³தி த்ரிபுரேத்வமேவ ॥ 6 ॥ ஆஶ்ரித்யவாக்³ப⁴வ ப⁴வாம்ஶ்சதுர꞉ பராதீ³ன்- பா⁴வான்பதா³த்து விஹிதான்ஸமுதா³ரயந்தீம்ʼ । காலாதி³பி⁴ஶ்ச கரணை꞉ பரதே³வதாம்ʼ த்வாம்ʼ ஸம்ʼவின்மயீம்ʼஹ்ருʼதி³கதா³பி நவிஸ்மராமி ॥ 7 ॥ ஆகுஞ்ச்ய வாயுமபி⁴ஜித்யச வைரிஷட்கம்ʼ ஆலோக்யநிஶ்சலதி⁴யா நிஜநாஸிகாக்³ராம்ʼ । த்⁴யாயந்தி மூர்த்⁴னி கலிதேந்து³கலாவதம்ʼஸம்ʼ த்வத்³ரூபமம்ப³ க்ருʼதினஸ்தருணார்கமித்ரம் ॥ 8 ॥ த்வம்ʼ ப்ராப்யமன்மத²ரிபோர்வபுரர்த⁴பா⁴க³ம்ʼ ஸ்ருʼஷ்டிங்கரோஷி ஜக³தாமிதி வேத³வாத³꞉ । ஸத்யந்தத³த்³ரிதனயே ஜக³தே³கமாத꞉ நோசேத³ ஶேஷஜக³த꞉ ஸ்தி²திரேவனஸ்யாத் ॥ 9 ॥ பூஜாம்ʼவிதா⁴யகுஸுமை꞉ ஸுரபாத³பானாம்ʼ பீடே²தவாம்ப³ கனகாசல கந்த³ரேஷு । கா³யந்திஸித்³த⁴வனிதாஸ்ஸஹகின்னரீபி⁴- ராஸ்வாதி³தாம்ருʼதரஸாருணபத்³மநேத்ரா꞉ ॥ 10 ॥ வித்³யுத்³விலாஸ வபுஷ꞉ ஶ்ரியமாவஹந்தீம்ʼ யாந்தீமுமாம்ʼஸ்வப⁴வனாச்சி²வராஜதா⁴னீம்ʼ । ஸௌந்த³ர்யமார்க³கமலானிசகா ஸயந்தீம்ʼ தே³வீம்ப⁴ஜேத பரமாம்ருʼத ஸிக்தகா³த்ராம் ॥ 11 ॥ ஆனந்த³ஜன்மப⁴வனம்ʼ ப⁴வனம்ʼ ஶ்ருதீனாம்ʼ சைதன்யமாத்ர தனுமம்ப³தவாஶ்ரயாமி । ப்³ரஹ்மேஶவிஷ்ணுபி⁴ருபாஸிதபாத³பத்³மம்ʼ ஸௌபா⁴க்³யஜன்மவஸதிம்ʼ த்ரிபுரேயதா²வத் ॥ 12 ॥ ஸர்வார்த²பா⁴விபு⁴வனம்ʼ ஸ்ருʼஜதீந்து³ரூபா யாதத்³பி³ப⁴ர்தி புனரர்க தனுஸ்ஸ்வஶக்த்யா । ப்³ரஹ்மாத்மிகாஹரதிதம்ʼ ஸகலம்யுகா³ந்தே தாம்ʼ ஶாரதா³ம்ʼ மனஸி ஜாது ந விஸ்மராமி ॥ 13 ॥ நாராயணீதி நரகார்ணவதாரிணீதி கௌ³ரீதி கே²த³ஶமநீதி ஸரஸ்வதீதி । ஜ்ஞானப்ரதே³தி நயனத்ரயபூ⁴ஷிதேதி த்வாமத்³ரிராஜதனயே விபு³தா⁴ பத³ந்தி ॥ 14 ॥ யேஸ்துவந்திஜக³ன்மாத꞉ ஶ்லோகைர்த்³வாத³ஶபி⁴꞉க்ரமாத் । த்வாமனு பாப்ர்யவாக்ஸித்³தி⁴ம்ʼ ப்ராப்னுயுஸ்தே பராம்ஶ்ரியம் ॥ 15 ॥ இதிதே கதி²தம்ʼ தே³வி பஞ்சாங்க³ம்ʼ பை⁴ரவீமயம்ʼ । கு³ஹ்யாத்³கோ³ப்யதமங்கோ³ப்யம்ʼ கோ³பனீயம்ʼ ஸ்வயோனிவத் ॥ 16 ॥ இதி ஶ்ரீ ருத்³ரயாமலே உமாமஹேஶ்வர ஸம்ʼவாதே³ பஞ்சாங்க³க²ண்ட³ நிரூபணே ஶ்ரீபை⁴ரவீஸ்தோத்ரம் ।