हैंహైHaindavamஹிહિં
📍
Font Size:
ತ್ರಿಪುರ ಭೈರವೀ ಹೃದಯಂ
ಮೇರೌ ಗಿರಿವರೇಗೌರೀ ಶಿವಧ್ಯಾನಪರಾಯಣಾ ।
ಪಾರ್ವತೀ ಪರಿಪಪ್ರಚ್ಛ ಪರಾನುಗ್ರಹವಾಂಛಯಾ ॥ 1 ॥
ಶ್ರೀಪಾರ್ವತ್ಯುವಾಚ-
ಭಗವಂಸ್ತ್ವನ್ಮುಖಾಂಭೋಜಾಚ್ಛ್ರುತಾ ಧರ್ಮಾ ಅನೇಕಶಃ ।
ಪುನಶ್ಶ್ರೋತುಂ ಸಮಿಚ್ಛಾಮಿ ಭೈರವೀಸ್ತೋತ್ರಮುತ್ತಮಂ ॥ 2 ॥
ಶ್ರೀಶಂಕರ ಉವಾಚ-
ಶೃಣು ದೇವಿ ಪ್ರವಕ್ಷ್ಯಾಮಿ ಭೈರವೀ ಹೃದಯಾಹ್ವಯಂ ।
ಸ್ತೋತ್ರಂ ತು ಪರಮಂ ಪುಣ್ಯಂ ಸರ್ವಕಲ್ಯ಼ಾಣಕಾರಕಂ ॥ 3 ॥
ಯಸ್ಯ ಶ್ರವಣಮಾತ್ರೇಣ ಸರ್ವಾಭೀಷ್ಟಂ ಭವೇದ್ಧ್ರುವಂ ।
ವಿನಾ ಧ್ಯಾನಾದಿನಾ ವಾಽಪಿ ಭೈರವೀ ಪರಿತುಷ್ಯತಿ ॥ 4 ॥
ಓಂ ಅಸ್ಯ ಶ್ರೀಭೈರವೀಹೃದಯಮಂತ್ರಸ್ಯ ದಕ್ಷಿಣಾಮೂರ್ತಿಃ ಋಷಿಃ ಪಂಂಕ್ತಿಶ್ಛಂದಃ – ಭಯವಿಧ್ವಂಸಿನೀ ಭೈರವೀದೇವತಾ – ಹಕಾರೋ ಬೀಜಂ – ರೀಂ ಶಕ್ತಿಃ – ರೈಃ ಕೀಲಕಂ ಸರ್ವಭಯವಿಧ್ವಂಸನಾರ್ಥೇ ಜಪೇ ವಿನಿಯೋಗಃ ॥
ಅಥ ಕರನ್ಯಾಸಃ ।
ಓಂ ಹ್ರೀಂ ಅಂಗುಷ್ಠಾಭ್ಯಾಂ ನಮಃ ।
ಓಂ ಶ್ರೀಂ ತರ್ಜನೀಭ್ಯಾಂ ನಮಃ ।
ಓಂ ಐಂ ಮಧ್ಯಮಾಭ್ಯಾಂ ನಮಃ ।
ಓಂ ಹ್ರೀಂ ಅನಾಮಿಕಾಭ್ಯಾಂ ನಮಃ ।
ಓಂ ಶ್ರೀಂ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಐಂ ಕರತಲಕರಪೃಷ್ಠಾಭ್ಯಾಂ ನಮಃ ॥
ಅಥಾಂಗನ್ಯಾಸಃ ।
ಓಂ ಹ್ರೀಂ ಹೃದಯಾಯ ನಮಃ ।
ಓಂ ಶ್ರೀಂ ಶಿರಸೇ ಸ್ವಾಹಾ ।
ಓಂ ಐಂ ಶಿಖಾಯೈ ವಷಟ್ ।
ಓಂ ಹ್ರೀಂ ಕವಚಾಯ ಹುಂ ।
ಓಂ ಶ್ರೀಂ ನೇತ್ರತ್ರಯಾಯ ವೌಷಟ್ ।
ಓಂ ಐಂ ಅಸ್ತ್ರಾಯ ಫಟ್ ।
ಧ್ಯಾನಂ ।
ದೇವೈರ್ಧ್ಯೇಯಾಂ ತ್ರಿನೇತ್ರಾಮಸುರಭಟಘನಾರಣ್ಯಘೋರಾಗ್ನಿ ರೂಪಾಂ
ರೌದ್ರೀಂ ರಕ್ತಾಂಬರಾಢ್ಯಾಂ ರತಿ ಘಟಘಟಿತೋ ರೋಜಯುಗ್ಮೋಗ್ರರೂಪಾಂ ।
ಚಂದ್ರಾರ್ಧಭ್ರಾಜಿ ಭವ್ಯಾಭರಣ ಕರಲಸದ್ಬಾಲಬಿಂಬಾಂ ಭವಾನೀಂ
ಸಿಂದೂರಾಪೂರಿತಾಂಗೀಂ ತ್ರಿಭುವನಜನನೀಂ ಭೈರವೀಂ ಭಾವಯಾಮಿ ॥ 1 ॥
ಪಂಚಚಾಮರವೃತ್ತಂ –
ಭವಭ್ರಮತ್ಸಮಸ್ತಭೂತ ವೇದಮಾರ್ಗದಾಯಿನೀಂ
ದುರಂತದುಃಖದಾರಿಣೀಂ ಸುರದ್ರುಹಾಂ
ಭವಪ್ರದಾಂ ಭವಾಂಧಕಾರಭೇದನ ಪ್ರಭಾಕರಾಂ
ಮಿತಪ್ರಭಾಂ ಭವಚ್ಛಿದಾಂ ಭಜಾಮಿ ಭೈರವೀಂ ಸದಾ ॥ 2 ॥
ಉರಃ ಪ್ರಲಂಬಿತಾಹಿಮಾಲ್ಯಚಂದ್ರಬಾಲಭೂಷಣಾಂ
ನವಾಂಬುದಪ್ರಭಾಂ ಸರೋಜಚಾರುಲೋಚನತ್ರಯಾಂ
ಸುಪರ್ವಬೃಂದವಂದಿತಾಂ ಸುರಾಪದಂತಕಾರಕಾಂ
ಭವಾನುಭಾವಭಾವಿನೀಂ ಭಜಾಮಿ ಭೈರವೀಂ ಸದಾ ॥ 3 ॥
ಅಖಂಡಭೂಮಿ ಮಂಡಲೈಕ ಭಾರಧೀರಧಾರಿಣೀಂ
ಸುಭಕ್ತಿಭಾವಿತಾತ್ಮನಾಂ ವಿಭೂತಿಭವ್ಯದಾಯಿನೀಂ
ಭವಪ್ರಪಂಚಕಾರಿಣೀಂ ವಿಹಾರಿಣೀಂ ಭವಾಂಬುಧೌ
ಭವಸ್ಯಹೃದಯಭಾವಿನೀಂ ಭಜಾಮಿ ಬೈರವೀಂ ಸದಾ ॥ 4 ॥
ಶರಚ್ಚಮತ್ಕೃತಾರ್ಧ ಚಂದ್ರಚಂದ್ರಿಕಾವಿರೋಧಿಕ
ಪ್ರಭಾವತೀ ಮುಖಾಬ್ಜ ಮಂಜುಮಾಧುರೀ ಮಿಲದ್ಗಿರಾಂ
ಭುಜಂಗಮಾಲಯಾ ನೃಮುಂಡಮಾಲಯಾ ಚ ಮಂಡಿತಾಂ
ಸುಭಕ್ತಿಮುಕ್ತಿಭೂತಿದಾಂ ಭಜಾಮಿ ಭೈರವೀಂ ಸದಾ ॥ 5 ॥
ಸುಧಾಮ್ಶುಸೂರ್ಯವಹ್ನಿ ಲೋಚನತ್ರಯಾನ್ವಿತಾನನಾಂ
ನರಾಂತಕಾಂತಕ ಪ್ರಭೂತಿ ಸರ್ವದತ್ತದಕ್ಷಿಣಾಂ
ಸಮುಂಡಚಂಡಖಂಡನ ಪ್ರಚಂಡಚಂದ್ರಹಾಸಿನೀಂ
ತಮೋಮತಿಪ್ರಕಾಶಿನೀಂ ಭಜಾಮಿ ಭೈರವೀಂ ಸದಾ ॥ 6 ॥
ತ್ರಿಶೂಲಿನೀಂ ತ್ರಿಪುಂಡ್ರಿನೀಂ ತ್ರಿಖಂಡಿನೀಂ ತ್ರಿದಂಡಿನೀಂ
ಗುಣತ್ರಯಾತಿರಿಕ್ತಮಪ್ಯಚಿಂತ್ಯಚಿತ್ಸ್ವರೂಪಿಣೀಂ
ಸವಾಸವಾಽದಿತೇಯವೈರಿ ಬೃಂದವಮ್ಶಭೇದಿನೀಂ
ಭವಪ್ರಭಾವಭಾವಿನೀಂ ಭಜಾಮಿ ಭೈರವೀಂ ಸದಾ ॥ 7 ॥
ಸುದೀಪ್ತಕೋಟಿಬಾಲಭಾನುಮಂಡಲಪ್ರಭಾಂಗಭಾಂ
ದಿಗಂತದಾರಿತಾಂಧಕಾರ ಭೂರಿಪುಂಜಪದ್ಧತಿಂ
ದ್ವಿಜನ್ಮನಿತ್ಯಧರ್ಮನೀತಿವೃದ್ಧಿಲಗ್ನಮಾನಸಾಂ
ಸರೋಜರೋಚಿರಾನನಾಂ ಭಜಾಮಿ ಭೈರವೀಂ ಸದಾ ॥ 8 ॥
ಚಲತ್ಸುವರ್ಣಕುಂಡಲ ಪ್ರಭೋಲ್ಲಸತ್ಕಪೋಲರುಕ್
ಸಮಾಕುಲಾನನಾಂಬುಜಸ್ಥಶುಭ್ರಕೀರ ನಾಸಿಕಾಂ
ಸಚಂದ್ರಭಾಲಭೈರವಾಸ್ಯ ದರ್ಶನ ಸ್ಪೃಹಚ್ಚಕೋರ-
ನೀಲಕಂಜದರ್ಶನಾಂ ಭಜಾಮಿ ಭೈರವೀಂ ಸದಾ ॥ 9 ॥
ಇದಂಹೃದಾಖ್ಯಸಂಗತಸ್ತವಂ ಪಠಂತಿಯೇಽನಿಶಂ
ಪಠಂತಿ ತೇ ಕದಾಪಿನಾಂಧಕೂಪರೂಪವದ್ಭವೇ
ಭವಂತಿ ಚ ಪ್ರಭೂತಭಕ್ತಿ ಮುಕ್ತಿರೂಪ ಉಜ್ಜ್ವಲಾಃ
ಸ್ತುತಾ ಪ್ರಸೀದತಿ ಪ್ರಮೋದಮಾನಸಾ ಚ ಭೈರವೀ ॥ 10 ॥
ಯಶೋಜಗತ್ಯಜಸ್ರಮುಜ್ಜ್ವಲಂಜಯತ್ಯಲಂಸಮೋ
ನ ತಸ್ಯ ಜಾಯತೇ ಪರಾಜಯೋಽಞ್ಜಸಾ ಜಗತ್ತ್ರಯೇ
ಸದಾ ಸ್ತುತಿಂ ಶುಭಾಮಿಮಾಂ ಪಠತ್ಯನನ್ಯಮಾನಸೋ
ಭವಂತಿ ತಸ್ಯ ಸಂಪದೋಽಪಿ ಸಂತತಂ ಸುಖಪ್ರದಾಃ ॥ 11 ॥
ಜಪಪೂಜಾದಿಕಾಸ್ಸರ್ವಾಃ ಸ್ತೋತ್ರಪಾಠಾದಿಕಾಶ್ಚ ಯಾಃ
ಭೈರವೀಹೃದಯಸ್ಯಾಸ್ಯ ಕಲಾನ್ನಾರ್ಹಂತಿ ಷೋಡಶೀಂ ॥ 12 ॥
ಕಿಮತ್ರ ಬಹಿನೋಕ್ತೇನ ಶೃಣು ದೇವಿ ಮಹೇಶ್ವರಿ
ನಾತಃ ಪರತರಂ ಕಿಂಚಿತ್ ಪುಣ್ಯಮಸ್ತಿ ಜಗತ್ತ್ರಯೇ ॥ 13 ॥
ಇತಿ ಶ್ರೀ ಭೈರವಕುಲಸರ್ವಸ್ವೇ ಶ್ರೀಭೈರವೀಹೃದಯಸ್ತೋತ್ರಂ ॥
Recite with devotion and pure heart
Regular practice brings spiritual benefits