ശ്യാമലാ പഞ്ചാശത്സ്വര വർണമാലികാ സ്തോത്രം

വന്ദേഽഹം വനജേക്ഷണാം വസുമതീം വാഗ്ദേവി താം വൈഷ്ണവീം

ശബ്ദബ്രഹ്മമയീം ശശാങ്കവദനാം ശാതോദരീം ശാങ്കരീം ।

ഷഡ്ബീജാം സശിവാം സമഞ്ചിതപദാമാധാരചക്രേസ്ഥിതാം

ചിദ്രൂപാം സകലേപ്സിതാർഥവരദാം ബാലാം ഭജേ ശ്യാമലാം ॥ 1 ॥

ബാലാം ഭാസ്കരഭാസമപ്രഭയുതാം ഭീമേശ്വരീം ഭാരതീം

മാണിക്യാഞ്ചിതഹാരിണീമഭയദാം യോനിസ്ഥിതേയം പദാം ।

ഹ്രാം ഹ്രാം ഹ്രീം കമയീം രജസ്തമഹരീം ലംബീജമോങ്കാരിണീം

ചിദ്രൂപാം സകലേപ്സിതാർഥവരദാം ബാലാം ഭജേ ശ്യാമലാം ॥ 2 ॥

ഡം ഢം ണം ത ഥമക്ഷരീം തവ കലാന്താദ്യാകൃതീതുര്യഗാം

ദം ധം നം നവകോടിമൂർതിസഹിതാം നാദം സബിന്ദൂകലാം ।

പം ഫം മന്ത്രഫലപ്രദാം പ്രതിപദാം നാഭൗ സചക്രേസ്ഥിതാം

ചിദ്രൂപാം സകലേപ്സിതാർഥവരദാം ബാലാം ഭജേ ശ്യാമലാം ॥ 3 ॥

കം ഖം ഗം ഘ മയീം ഗജാസ്യജനനീം ഗാനപ്രിയാമാഗമീം

ചം ഛം ജം ഝം ഝണ ക്വണി ഘണു ഘിണൂ ഝങ്കാരപാദാം രമാം ।

ഞം ടം ഠം ഹൃദയേ സ്ഥിതാം കിണികിണീ നാദൗ കരൗ കങ്കണാം

ചിദ്രൂപാം സകലേപ്സിതാർഥവരദാം ബാലാം ഭജേ ശ്യാമലാം ॥ 4 ॥

അം ആം ഇം ഇമയീം ഇഹൈവ സുഖദാമീകാര ഉ ഊപമാം

ഋം ൠം ലും സഹവർണപീഠനിലയേ ലൂങ്കാര ഏം ഐം സദാ ।

ഓം ഔം അന്നമയേ അഃ സ്തവനുതാമാനന്ദമാനന്ദിനീം

ചിദ്രൂപാം സകലേപ്സിതാർഥവരദാം ബാലാം ഭജേ ശ്യാമലാം ॥ 5 ॥

ഹം ക്ഷം ബ്രഹ്മമയീം ദ്വിപത്രകമലാം ഭ്രൂമധ്യപീഠേസ്ഥിതാം

ഇഡാപിംഗലമധ്യദേശഗമനാമിഷ്ടാർഥസന്ദായിനീം ।

ആരോഹപ്രതിരോഹയന്ത്രഭരിതാം സാക്ഷാത്സുഷുമ്നാ കലാം

ചിദ്രൂപാം സകലേപ്സിതാർഥവരദാം ബാലാം ഭജേ ശ്യാമലാം ॥ 6 ॥

ബ്രഹ്മേശാദി സമസ്ത മൗനിഋഷിഭിർദേവൈഃ സദാ ധ്യായിനീം

ബ്രഹ്മസ്ഥാനനിവേശിനീം തവ കലാം താരം സഹസ്രാംശകേ ।

ഖവ്യം ഖവ്യമയീം ഖഗേശവിനുതാം ഖം രൂപിമോങ്കാരിണീം

ചിദ്രൂപാം സകലേപ്സിതാർഥവരദാം ബാലാം ഭജേ ശ്യാമലാം ॥ 7 ॥

ചക്രാണ്യേ സതു സപ്തമന്തരഗതേ വർണാത്മികേ താം ശ്രിയം

നാദം ബിന്ദുകലാമയീംശ്ചരഹിതേ നിഃശബ്ദ നിർവ്യാപകേ ।

നിർവ്യക്താം ച നിരഞ്ജനീം നിരവയാം ശ്രീയന്ത്രമാത്രാം പരാം

ചിദ്രൂപാം സകലേപ്സിതാർഥവരദാം ബാലാം ഭജേ ശ്യാമലാം ॥ 8 ॥

ബാലാമാലമനോഹരാം പ്രതിദിനം വാഞ്ഛന്തി വാച്യം പഠേത്

വേദേ ശാസ്ത്ര വിവാദകാലസമയേ സ്ഥിത്വാ സഭാമധ്യമേ ।

പഞ്ചാശത്സ്വരവർണമാലികമിയാം ജിഹ്വാഗ്ര സംസ്ഥാ പഠേ-

-ദ്ധർമാർഥാഖിലകാമവിക്ഷിതകൃപാഃ സിധ്യന്തി മോക്ഷം തഥാ ॥ 9 ॥

ഇതി ശ്രീ ശ്യാമലാ പഞ്ചാശത്സ്വര വർണ മാലികാ സ്തോത്രം ।

Recite with devotion and pure heart

Regular practice brings spiritual benefits