அஜானந்தோ யாந்தி க்ஷயமவஶமன்யோன்யகலஹைரமீ மாயாக்³ரந்தௌ² தவ பரிலுட²ந்த꞉ ஸமயின꞉ । ஜக³ன்மாதர்ஜன்மஜ்வரப⁴யதம꞉ கௌமுதி³ வயம்ʼ நமஸ்தே குர்வாணா꞉ ஶரணமுபயாமோ ப⁴க³வதீம் ॥ 1 ॥ வசஸ்தர்காக³ம்யஸ்வரஸபரமானந்த³விப⁴வ- -ப்ரபோ³தா⁴காராய த்³யுதிதுலிதநீலோத்பலருசே । ஶிவாத்³யாராத்⁴யாய ஸ்தனப⁴ரவினம்ராய ஸததம்ʼ நமஸ்தஸ்மை கஸ்மைசன ப⁴வது முக்³தா⁴ய மஹஸே ॥ 2 ॥ அநாத்³யந்தாபே⁴த³ப்ரணயரஸிகாபி ப்ரணயினீ ஶிவஸ்யாஸீர்யத்த்வம்ʼ பரிணயவிதௌ⁴ தே³வி க்³ருʼஹிணீ । ஸவித்ரீ பூ⁴தாநாமபி யது³த³பூ⁴꞉ ஶைலதனயா ததே³தத்ஸம்ʼஸாரப்ரணயனமஹாநாடகமுக²ம் ॥ 3 ॥ ப்³ருவந்த்யேகே தத்த்வம்ʼ ப⁴க³வதி ஸத³ன்யே விது³ரஸ- -த்பரே மாத꞉ ப்ராஹுஸ்தவ ஸத³ஸத³ன்யே ஸுகவய꞉ । பரே நைதத்ஸர்வம்ʼ ஸமபி⁴த³த⁴தே தே³வி ஸுதி⁴ய- -ஸ்ததே³தத்த்வன்மாயாவிலஸிதமஶேஷம்ʼ நனு ஶிவே ॥ 4 ॥ லுட²த்³கு³ஞ்ஜாஹாரஸ்தனப⁴ரனமன்மத்⁴யலதிகா- -முத³ஞ்சத்³த⁴ர்மாம்ப⁴꞉ கணகு³ணிதவக்த்ராம்பு³ஜருசம் । ஶிவம்ʼ பார்த²த்ராணப்ரவணம்ருʼக³யாகாரகு³ணிதம்ʼ ஶிவாமன்வக்³யாந்தீம்ʼ ஶரணமஹமன்வேமி ஶப³ரீம் ॥ 5 ॥ மித²꞉ கேஶாகேஶிப்ரத²னநித⁴னாஸ்தர்கக⁴டனா꞉ ப³ஹுஶ்ரத்³தா⁴ப⁴க்திப்ரணதிவிஷயா꞉ ஶாஸ்த்ரவித⁴ய꞉ । ப்ரஸீத³ ப்ரத்யக்ஷீப⁴வ கி³ரிஸுதே தே³ஹி ஶரணம்ʼ நிராலம்ப³ம்ʼ சேத꞉ பரிலுட²தி பாரிப்லவமித³ம் ॥ 6 ॥ ஶுனாம்ʼ வா வஹ்னேர்வா க²க³பரிஷதோ³ வா யத³ஶனம்ʼ கதா³ கேன க்வேதி க்வசித³பி ந கஶ்சித்கலயதி । அமுஷ்மின்விஶ்வாஸம்ʼ விஜஹிஹி மமாஹ்னாய வபுஷி ப்ரபத்³யேதா²ஶ்சேத꞉ ஸகலஜனனீமேவ ஶரணம் ॥ 7 ॥ தடித்கோடிஜ்யோதிர்த்³யுதித³லிதஷட்³க்³ரந்தி²க³ஹனம்ʼ ப்ரவிஷ்டம்ʼ ஸ்வாதா⁴ரம்ʼ புனரபி ஸுதா⁴வ்ருʼஷ்டிவபுஷா । கிமப்யஷ்டாவிம்ʼஶத்கிரணஸகலீபூ⁴தமநிஶம்ʼ ப⁴ஜே தா⁴ம ஶ்யாமம்ʼ குசப⁴ரனதம்ʼ ப³ர்ப³ரகசம் ॥ 8 ॥ சதுஷ்பத்ராந்த꞉ ஷட்³த³லபுடப⁴கா³ந்தஸ்த்ரிவலய- -ஸ்பு²ரத்³வித்³யுத்³வஹ்னித்³யுமணினியுதாப⁴த்³யுதிலதே । ஷட³ஶ்ரம்ʼ பி⁴த்த்வாதௌ³ த³ஶத³லமத² த்³வாத³ஶத³லம்ʼ கலாஶ்ரம்ʼ ச த்³வ்யஶ்ரம்ʼ க³தவதி நமஸ்தே கி³ரிஸுதே ॥ 9 ॥ குலம்ʼ கேசித்ப்ராஹுர்வபுரகுலமன்யே தவ பு³தா⁴꞉ பரே தத்ஸம்பே⁴த³ம்ʼ ஸமபி⁴த³த⁴தே கௌலமபரே । சதுர்ணாமப்யேஷாமுபரி கிமபி ப்ராஹுரபரே மஹாமாயே தத்த்வம்ʼ தவ கத²மமீ நிஶ்சினுமஹே ॥ 10 ॥ ஷட³த்⁴வாரண்யானீம்ʼ ப்ரலயரவிகோடிப்ரதிருசா ருசா ப⁴ஸ்மீக்ருʼத்ய ஸ்வபத³கமலப்ரஹ்வஶிரஸாம் । விதன்வான꞉ ஶைவம்ʼ கிமபி வபுரிந்தீ³வரருசி꞉ குசாப்⁴யாமானம்ரஸ்தவ புருஷகாரோ விஜயதே ॥ 11 ॥ ப்ரகாஶானந்தா³ப்⁴யாமவிதி³தசரீம்ʼ மத்⁴யபத³வீம்ʼ ப்ரவிஶ்யைதத்³த்³வந்த்³வம்ʼ ரவிஶஶிஸமாக்²யம்ʼ கப³லயன் । ப்ரபத்³யோர்த்⁴வம்ʼ நாத³ம்ʼ லயத³ஹனப⁴ஸ்மீக்ருʼதகுல꞉ ப்ரஸாதா³த்தே ஜந்து꞉ ஶிவமகுலமம்ப³ ப்ரவிஶதி ॥ 12 ॥ மனுஷ்யாஸ்திர்யஞ்சோ மருத இதி லோகத்ரயமித³ம்ʼ ப⁴வாம்போ⁴தௌ⁴ மக்³னம்ʼ த்ரிகு³ணலஹரீகோடிலுடி²தம் । கடாக்ஷஶ்சேத்³யத்ர க்வசன தவ மாத꞉ கருணயா ஶரீரீ ஸத்³யோ(அ)யம்ʼ வ்ரஜதி பரமானந்த³தனுதாம் ॥ 13 ॥ ப்ரியங்கு³ஶ்யாமாங்கீ³மருணதரவாஸம்ʼ கிஸலயாம்ʼ ஸமுன்மீலன்முக்தாப²லவஹலனேபத்²யஸுப⁴கா³ம் । ஸ்தனத்³வந்த்³வஸ்பா²ரஸ்தப³கனமிதாம்ʼ கல்பலதிகாம்ʼ ஸக்ருʼத்³த்⁴யாயந்தஸ்த்வாம்ʼ த³த⁴தி ஶிவசிந்தாமணிபத³ம் ॥ 14 ॥ ஷடா³தா⁴ராவர்தைரபரிமிதமந்த்ரோர்மிபடலை꞉ லஸன்முத்³ராபே²னைர்ப³ஹுவித⁴லஸத்³தை³வதஜ²ஷை꞉ । க்ரமஸ்ரோதோபி⁴ஸ்த்வம்ʼ வஹஸி பரநாதா³ம்ருʼதநதீ³ ப⁴வானி ப்ரத்யக்³ரா ஶிவசித³ம்ருʼதாப்³தி⁴ப்ரணயினீ ॥ 15 ॥ மஹீபாதோ²வஹ்நிஶ்வஸனவியதா³த்மேந்து³ரவிபி⁴- -ர்வபுர்பி⁴க்³ரஸ்தாஶைரபி தவ கியானம்ப³ மஹிமா । அமூன்யாலோக்யந்தே ப⁴க³வதி ந குத்ராப்யணுதமா- -மவஸ்தா²ம்ʼ ப்ராப்தானி த்வயி து பரமவ்யோமவபுஷி ॥ 16 ॥ கலாமாஜ்ஞாம்ʼ ப்ரஜ்ஞாம்ʼ ஸமயமனுபூ⁴திம்ʼ ஸமரஸம்ʼ கு³ரும்ʼ பாரம்பர்யம்ʼ வினயமுபதே³ஶம்ʼ ஶிவபத³ம் । ப்ரமாணம்ʼ நிர்வாணம்ʼ ப்ரக்ருʼதிமபி⁴பூ⁴திம்ʼ பரகு³ஹாம்ʼ விதி⁴ம்ʼ வித்³யாமாஹு꞉ ஸகலஜனனீமேவ முனய꞉ ॥ 17 ॥ ப்ரலீனே ஶப்³தௌ³கே⁴ தத³னு விரதே பி³ந்து³விப⁴வே ததஸ்தத்த்வே சாஷ்டத்⁴வனிபி⁴ரனபாயின்யதி⁴க³தே । ஶ்ரிதே ஶாக்தே பர்வண்யனுகலிதசின்மாத்ர க³ஹனாம்ʼ ஸ்வஸம்ʼவித்திம்ʼ யோகீ³ ரஸயதி ஶிவாக்²யாம்ʼ ப⁴க³வதீம் ॥ 18 ॥ பரானந்தா³காராம்ʼ நிரவதி⁴ஶிவைஶ்வர்யவபுஷம்ʼ நிராகாராம்ʼ ஜ்ஞானப்ரக்ருʼதிமபரிச்சி²ன்னகருணாம் । ஸவித்ரீம்ʼ லோகானாம்ʼ நிரதிஶயதா⁴மாஸ்பத³பதா³ம்ʼ ப⁴வோ வா மோக்ஷோ வா ப⁴வது ப⁴வதீமேவ ப⁴ஜதாம் ॥ 19 ॥ ஜக³த்காயே க்ருʼத்வா தத³பி ஹ்ருʼத³யே தச்ச புருஷே புமாம்ʼஸம்ʼ பி³ந்து³ஸ்த²ம்ʼ தத³பி வியதா³க்²யே ச க³ஹனே । ததே³தத்³ஜ்ஞானாக்²யே தத³பி பரமானந்த³க³ஹனே மஹாவ்யோமாகாரே த்வத³னுப⁴வஶீலோ விஜயதே ॥ 20 ॥ விதே⁴ வேத்³யே வித்³யே விவித⁴ஸமயே வேத³கு³லிகே விசித்ரே விஶ்வாத்³யே வினயஸுலபே⁴ வேத³ஜனனி । ஶிவஜ்ஞே ஶூலஸ்தே² ஶிவபத³வதா³ன்யே ஶிவநிதே⁴ ஶிவே மாதர்மஹ்யம்ʼ த்வயி விதர ப⁴க்திம்ʼ நிருபமாம் ॥ 21 ॥ விதே⁴ர்முண்ட³ம்ʼ ஹ்ருʼத்வா யத³குருத பாத்ரம்ʼ கரதலே ஹரிம்ʼ ஶூலப்ரோதம்ʼ யத³க³மயத³ம்ʼஸாப⁴ரணதாம் । அலஞ்சக்ரே கண்ட²ம்ʼ யத³பி க³ரலேனாம்ப³ கி³ரிஶ꞉ ஶிவஸ்தா²யா꞉ ஶக்தேஸ்ததி³த³மகி²லம்ʼ தே விலஸிதம் ॥ 22 ॥ விரிஞ்ச்யாக்²யா மாத꞉ ஸ்ருʼஜஸி ஹரிஸஞ்ஜ்ஞா த்வமவஸி த்ரிலோகீம்ʼ ருத்³ராக்²யா ஹரஸி வித³தா⁴ஸீஶ்வரத³ஶாம் । ப⁴வந்தீ நாதா³க்²யா விஹரஸி ச பாஶௌக⁴த³லனீ த்வமேவைகா(அ)னேகா ப⁴வஸி க்ருʼதிபே⁴தை³ர்கி³ரிஸுதே ॥ 23 ॥ முனீனாம்ʼ சேதோபி⁴꞉ ப்ரம்ருʼதி³தகஷாயைரபி மனா- -க³ஶக்யம்ʼ ஸம்ʼஸ்ப்ரஷ்டும்ʼ சகிதசகிதைரம்ப³ ஸததம் । ஶ்ருதீனாம்ʼ மூர்தா⁴ன꞉ ப்ரக்ருʼதிகடி²னா꞉ கோமலதரே கத²ம்ʼ தே விந்த³ந்தே பத³கிஸலயே பார்வதி பத³ம் ॥ 24 ॥ தடித்³வல்லீம்ʼ நித்யாமம்ருʼதஸரிதம்ʼ பாரரஹிதாம்ʼ மலோத்தீர்ணாம்ʼ ஜ்யோத்ஸ்னாம்ʼ ப்ரக்ருʼதிமகு³ணக்³ரந்தி²க³ஹனாம் । கி³ராம்ʼ தூ³ராம்ʼ வித்³யாமவினதகுசாம்ʼ விஶ்வஜனனீ- -மபர்யந்தாம்ʼ லக்ஷ்மீமபி⁴த³த⁴தி ஸந்தோ ப⁴க³வதீம் ॥ 25 ॥ ஶரீரம்ʼ க்ஷித்யம்ப⁴꞉ ப்ரப்⁴ருʼதிரசிதம்ʼ கேவலமசித் ஸுக²ம்ʼ து³꞉க²ம்ʼ சாயம்ʼ கலயதி புமாம்ʼஶ்சேதன இதி । ஸ்பு²டம்ʼ ஜானானோ(அ)பி ப்ரப⁴வதி ந தே³ஹீ ரஹயிதும்ʼ ஶரீராஹங்காரம்ʼ தவ ஸமயபா³ஹ்யோ கி³ரிஸுதே ॥ 26 ॥ பிதா மாதா ப்⁴ராதா ஸுஹ்ருʼத³னுசர꞉ ஸத்³ம க்³ருʼஹிணீ வபு꞉ க்ஷேத்ரம்ʼ மித்ரம்ʼ த⁴னமபி யதா³ மாம்ʼ விஜஹதி । ததா³ மே பி⁴ந்தா³னா ஸபதி³ ப⁴யமோஹாந்த⁴தமஸம்ʼ மஹாஜ்யோத்ஸ்னே மாதர்ப⁴வ கருணயா ஸந்நிதி⁴கரீ ॥ 27 ॥ ஸுதா த³க்ஷஸ்யாதௌ³ கில ஸகலமாதஸ்த்வமுத³பூ⁴꞉ ஸதோ³ஷம்ʼ தம்ʼ ஹித்வா தத³னு கி³ரிராஜஸ்ய து³ஹிதா । அநாத்³யந்தா ஶம்போ⁴ரப்ருʼத²க³பி ஶக்திர்ப⁴க³வதீ விவாஹாஜ்ஜாயாஸீத்யஹஹ சரிதம்ʼ வேத்தி தவ க꞉ ॥ 28 ॥ கணாஸ்த்வத்³தீ³ப்தீனாம்ʼ ரவிஶஶிக்ருʼஶானுப்ரப்⁴ருʼதய꞉ பரம்ʼ ப்³ரஹ்ம க்ஷுத்³ரம்ʼ தவ நியதமானந்த³கணிகா । ஶிவாதி³ க்ஷித்யந்தம்ʼ த்ரிவலயதனோ꞉ ஸர்வமுத³ரே தவாஸ்தே ப⁴க்தஸ்ய ஸ்பு²ரஸி ஹ்ருʼதி³ சித்ரம்ʼ ப⁴க³வதி ॥ 29 ॥ புர꞉ பஶ்சாத³ந்தர்ப³ஹிரபரிமேயம்ʼ பரிமிதம்ʼ பரம்ʼ ஸ்தூ²லம்ʼ ஸூக்ஷ்மம்ʼ ஸகலமகுலம்ʼ கு³ஹ்யமகு³ஹம் । த³வீயோ நேதீ³ய꞉ ஸத³ஸதி³தி விஶ்வம்ʼ ப⁴க³வதீ ஸதா³ பஶ்யந்த்யாக்²யாம்ʼ வஹஸி பு⁴வனக்ஷோப⁴ஜனனீம் ॥ 30 ॥ ப்ரவிஶ்ய த்வன்மார்க³ம்ʼ ஸஹஜத³யயா தே³ஶிகத்³ருʼஶா ஷட³த்⁴வத்⁴வாந்தௌக⁴ச்சி²து³ரக³ணனாதீதகருணாம் । பராமாஜ்ஞாகாராம்ʼ ஸபதி³ ஶிவயந்தீம்ʼ ஶிவதனும்ʼ ஸ்வமாத்மானம்ʼ த⁴ன்யாஶ்சிரமுபலப⁴ந்தே ப⁴க³வதீம் ॥ 31 ॥ மயூகா²꞉ பூஷ்ணீவ ஜ்வலன இவ தத்³தீ³ப்திகணிகா꞉ பயோதௌ⁴ கல்லோலா꞉ ப்ரதிஹதமஹிம்னீவ ப்ருʼஷத꞉ । உதே³த்யோதே³த்யாம்ப³ த்வயி ஸஹ நிஜை꞉ ஸாத்த்விககு³ணை- -ர்ப⁴ஜந்தே தத்த்வௌகா⁴꞉ ப்ரஶமமனுகல்பம்ʼ பரவஶா꞉ ॥ 32 ॥ விது⁴ர்விஷ்ணுர்ப்³ரஹ்மா ப்ரக்ருʼதிரணுராத்மா தி³னகர꞉ ஸ்வபா⁴வோ ஜைனேந்த்³ர꞉ ஸுக³தமுநிராகாஶமலின꞉ । ஶிவ꞉ ஶக்திஶ்சேதி ஶ்ருதிவிஷயதாம்ʼ தாமுபக³தாம்ʼ விகல்பைரேபி⁴ஸ்த்வாமபி⁴த³த⁴தி ஸந்தோ ப⁴க³வதீம் ॥ 33 ॥ ஶிவஸ்த்வம்ʼ ஶக்திஸ்த்வம்ʼ த்வமஸி ஸமயா த்வம்ʼ ஸமயினீ த்வமாத்மா த்வம்ʼ தீ³க்ஷா த்வமயமணிமாதி³ர்கு³ணக³ண꞉ । அவித்³யா த்வம்ʼ வித்³யா த்வமஸி நிகி²லம்ʼ த்வம்ʼ கிமபரம்ʼ ப்ருʼத²க்தத்த்வம்ʼ த்வத்தோ ப⁴க³வதி ந வீக்ஷாமஹ இமே ॥ 34 ॥ த்வயாஸௌ ஜானீதே ரசயதி ப⁴வத்யைவ ஸததம்ʼ த்வயைவேச்ச²த்யம்ப³ த்வமஸி நிகி²லா யஸ்ய தனவ꞉ । ஜக³த்ஸாம்யம்ʼ ஶம்போ⁴ர்வஹஸி பரமவ்யோமவபுஷ꞉ ததா²ப்யர்த⁴ம்ʼ பூ⁴த்வா விஹரஸி ஶிவஸ்யேதி கிமித³ம் ॥ 35 ॥ அஸங்க்²யை꞉ ப்ராசீனைர்ஜனனி ஜனனை꞉ கர்மவிலயா- -த்ஸக்ருʼஜ்ஜன்மன்யந்தே கு³ருவபுஷமாஸாத்³ய கி³ரிஶம் । அவாப்யாஜ்ஞாம்ʼ ஶைவீம்ʼ ஶிவதனுமபி த்வாம்ʼ விதி³தவா- -ந்னயேயம்ʼ த்வத்பூஜாஸ்துதிவிரசனேனைவ தி³வஸான் ॥ 36 ॥ யத்ஷட்பத்ரம்ʼ கமலமுதி³தம்ʼ தஸ்ய யா கர்ணிகாக்²யா யோநிஸ்தஸ்யா꞉ ப்ரதி²தமுத³ரே யத்ததோ³ங்காரபீட²ம் । தஸ்யாப்யந்த꞉ குசப⁴ரனதாம்ʼ குண்ட³லீதி ப்ரஸித்³தா⁴ம்ʼ ஶ்யாமாகாராம்ʼ ஸகலஜனனீம்ʼ ஸந்ததம்ʼ பா⁴வயாமி ॥ 37 ॥ பு⁴வி பயஸி க்ருʼஶானௌ மாருதே கே² ஶஶாங்கே ஸவிதரி யஜமானே(அ)ப்யஷ்டதா⁴ ஶக்திரேகா । வஹஸி குசப⁴ராப்⁴யாம்ʼ யாவனம்ராபி விஶ்வம்ʼ ஸகலஜனனி ஸா த்வம்ʼ பாஹி மாமித்யவாச்யம் ॥ 38 ॥ இதி ஶ்ரீகாலிதா³ஸ விரசித பஞ்சஸ்தவ்யாம்ʼ பஞ்சம꞉ ஸகலஜனனீஸ்தவ꞉ ।