ஶ்ரீவித்³யே ஶிவவாமபா⁴க³நிலயே ஶ்ரீராஜராஜார்சிதே ஶ்ரீநாதா²தி³கு³ருஸ்வரூபவிப⁴வே சிந்தாமணீபீடி²கே । ஶ்ரீவாணீகி³ரிஜானுதாங்க்⁴ரிகமலே ஶ்ரீஶாம்ப⁴வி ஶ்ரீஶிவே மத்⁴யாஹ்னே மலயத்⁴வஜாதி⁴பஸுதே மாம்ʼ பாஹி மீனாம்பி³கே ॥ 1 ॥ சக்ரஸ்தே²(அ)சபலே சராசரஜக³ந்நாதே² ஜக³த்பூஜிதே ஆர்தாலீவரதே³ நதாப⁴யகரே வக்ஷோஜபா⁴ரான்விதே । வித்³யே வேத³கலாபமௌலிவிதி³தே வித்³யுல்லதாவிக்³ரஹே மாத꞉ பூர்ணஸுதா⁴ரஸார்த்³ரஹ்ருʼத³யே மாம்ʼ பாஹி மீனாம்பி³கே ॥ 2 ॥ கோடீராங்க³த³ரத்னகுண்ட³லத⁴ரே கோத³ண்ட³பா³ணாஞ்சிதே கோகாகாரகுசத்³வயோபரிலஸத்ப்ராலம்ப³ஹாராஞ்சிதே । ஶிஞ்ஜந்நூபுரபாத³ஸாரஸமணீஶ்ரீபாது³காலங்க்ருʼதே மத்³தா³ரித்³ர்யபு⁴ஜங்க³கா³ருட³க²கே³ மாம்ʼ பாஹி மீனாம்பி³கே ॥ 3 ॥ ப்³ரஹ்மேஶாச்யுதகீ³யமானசரிதே ப்ரேதாஸனாந்தஸ்தி²தே பாஶோத³ங்குஶசாபபா³ணகலிதே பா³லேந்து³சூடா³ஞ்சிதே । பா³லே பா³லகுரங்க³லோலநயனே பா³லார்ககோட்யுஜ்ஜ்வலே முத்³ராராதி⁴ததை³வதே முநிஸுதே மாம்ʼ பாஹி மீனாம்பி³கே ॥ 4 ॥ க³ந்த⁴ர்வாமரயக்ஷபன்னக³னுதே க³ங்கா³த⁴ராலிங்கி³தே கா³யத்ரீக³ருடா³ஸனே கமலஜே ஸுஶ்யாமலே ஸுஸ்தி²தே । கா²தீதே க²லதா³ருபாவகஶிகே² க²த்³யோதகோட்யுஜ்ஜ்வலே மந்த்ராராதி⁴ததை³வதே முநிஸுதே மாம்ʼ பாஹீ மீனாம்பி³கே ॥ 5 ॥ நாதே³ நாரத³தும்பு³ராத்³யவினுதே நாதா³ந்தநாதா³த்மிகே நித்யே நீலலதாத்மிகே நிருபமே நீவாரஶூகோபமே । காந்தே காமகலே கத³ம்ப³நிலயே காமேஶ்வராங்கஸ்தி²தே மத்³வித்³யே மத³பீ⁴ஷ்டகல்பலதிகே மாம்ʼ பாஹி மீனாம்பி³கே ॥ 6 ॥ வீணாநாத³னிமீலிதார்த⁴நயனே விஸ்ரஸ்தசூலீப⁴ரே தாம்பூ³லாருணபல்லவாத⁴ரயுதே தாடங்கஹாரான்விதே । ஶ்யாமே சந்த்³ரகலாவதம்ʼஸகலிதே கஸ்தூரிகாபா²லிகே பூர்ணே பூர்ணகலாபி⁴ராமவத³னே மாம்ʼ பாஹி மீனாம்பி³கே ॥ 7 ॥ ஶப்³த³ப்³ரஹ்மமயீ சராசரமயீ ஜ்யோதிர்மயீ வாங்மயீ நித்யானந்த³மயீ நிரஞ்ஜனமயீ தத்த்வம்மயீ சின்மயீ । தத்த்வாதீதமயீ பராத்பரமயீ மாயாமயீ ஶ்ரீமயீ ஸர்வைஶ்வர்யமயீ ஸதா³ஶிவமயீ மாம்ʼ பாஹி மீனாம்பி³கே ॥ 8 ॥ இதி ஶ்ரீ மீனாக்ஷீ ஸ்தோத்ரம் ।