हैंహైHaindavamஹிહિં
📍
Font Size:
ಛಿನ್ನಮಸ್ತಾ ಕವಚಂ
ದೇವ್ಯುವಾಚ ।
ಕಥಿತಾಶ್ಛಿನ್ನಮಸ್ತಾಯಾ ಯಾ ಯಾ ವಿದ್ಯಾಃ ಸುಗೋಪಿತಾಃ ।
ತ್ವಯಾ ನಾಥೇನ ಜೀವೇಶ ಶ್ರುತಾಶ್ಚಾಧಿಗತಾ ಮಯಾ ॥ 1 ॥
ಇದಾನೀಂ ಶ್ರೋತುಮಿಚ್ಛಾಮಿ ಕವಚಂ ಪೂರ್ವಸೂಚಿತಂ ।
ತ್ರೈಲೋಕ್ಯವಿಜಯಂ ನಾಮ ಕೃಪಯಾ ಕಥ್ಯತಾಂ ಪ್ರಭೋ ॥ 2 ॥
ಭೈರವ ಉವಾಚ ।
ಶೃಣು ವಕ್ಷ್ಯಾಮಿ ದೇವೇಶಿ ಸರ್ವದೇವನಮಸ್ಕೃತೇ ।
ತ್ರೈಲೋಕ್ಯವಿಜಯಂ ನಾಮ ಕವಚಂ ಸರ್ವಮೋಹನಂ ॥ 3 ॥
ಸರ್ವವಿದ್ಯಾಮಯಂ ಸಾಕ್ಷಾತ್ಸುರಾತ್ಸುರಜಯಪ್ರದಂ ।
ಧಾರಣಾತ್ಪಠನಾದೀಶಸ್ತ್ರೈಲೋಕ್ಯವಿಜಯೀ ವಿಭುಃ ॥ 4 ॥
ಬ್ರಹ್ಮಾ ನಾರಾಯಣೋ ರುದ್ರೋ ಧಾರಣಾತ್ಪಠನಾದ್ಯತಃ ।
ಕರ್ತಾ ಪಾತಾ ಚ ಸಂಹರ್ತಾ ಭುವನಾನಾಂ ಸುರೇಶ್ವರಿ ॥ 5 ॥
ನ ದೇಯಂ ಪರಶಿಷ್ಯೇಭ್ಯೋಽಭಕ್ತೇಭ್ಯೋಽಪಿ ವಿಶೇಷತಃ ।
ದೇಯಂ ಶಿಷ್ಯಾಯ ಭಕ್ತಾಯ ಪ್ರಾಣೇಭ್ಯೋಽಪ್ಯಧಿಕಾಯ ಚ ॥ 6 ॥
ದೇವ್ಯಾಶ್ಚ ಚ್ಛಿನ್ನಮಸ್ತಾಯಾಃ ಕವಚಸ್ಯ ಚ ಭೈರವಃ ।
ಋಷಿಸ್ತು ಸ್ಯಾದ್ವಿರಾಟ್ ಛಂದೋ ದೇವತಾ ಚ್ಛಿನ್ನಮಸ್ತಕಾ ॥ 7 ॥
ತ್ರೈಲೋಕ್ಯವಿಜಯೇ ಮುಕ್ತೌ ವಿನಿಯೋಗಃ ಪ್ರಕೀರ್ತಿತಃ ।
ಹುಂಕಾರೋ ಮೇ ಶಿರಃ ಪಾತು ಛಿನ್ನಮಸ್ತಾ ಬಲಪ್ರದಾ ॥ 8 ॥
ಹ್ರಾಂ ಹ್ರೂಂ ಐಂ ತ್ರ್ಯಕ್ಷರೀ ಪಾತು ಭಾಲಂ ವಕ್ತ್ರಂ ದಿಗಂಬರಾ ।
ಶ್ರೀಂ ಹ್ರೀಂ ಹ್ರೂಂ ಐಂ ದೃಶೌ ಪಾತು ಮುಂಡಂ ಕರ್ತ್ರಿಧರಾಪಿ ಸಾ ॥ 9 ॥
ಸಾ ವಿದ್ಯಾ ಪ್ರಣವಾದ್ಯಂತಾ ಶ್ರುತಿಯುಗ್ಮಂ ಸದಾಽವತು ।
ವಜ್ರವೈರೋಚನೀಯೇ ಹುಂ ಫಟ್ ಸ್ವಾಹಾ ಚ ಧ್ರುವಾದಿಕಾ ॥ 10 ॥
ಘ್ರಾಣಂ ಪಾತು ಚ್ಛಿನ್ನಮಸ್ತಾ ಮುಂಡಕರ್ತ್ರಿವಿಧಾರಿಣೀ ।
ಶ್ರೀಮಾಯಾಕೂರ್ಚವಾಗ್ಬೀಜೈರ್ವಜ್ರವೈರೋಚನೀಯ ಹೂಂ ॥ 11 ॥
ಹೂಂ ಫಟ್ ಸ್ವಾಹಾ ಮಹಾವಿದ್ಯಾ ಷೋಡಶೀ ಬ್ರಹ್ಮರೂಪಿಣೀ ।
ಸ್ವಪಾರ್ಶ್ವೇ ವರ್ಣಿನೀ ಚಾಸೃಗ್ಧಾರಾಂ ಪಾಯಯತೀ ಮುದಾ ॥ 12 ॥
ವದನಂ ಸರ್ವದಾ ಪಾತು ಚ್ಛಿನ್ನಮಸ್ತಾ ಸ್ವಶಕ್ತಿಕಾ ।
ಮುಂಡಕರ್ತ್ರಿಧರಾ ರಕ್ತಾ ಸಾಧಕಾಭೀಷ್ಟದಾಯಿನೀ ॥ 13 ॥
ವರ್ಣಿನೀ ಡಾಕಿನೀಯುಕ್ತಾ ಸಾಪಿ ಮಾಮಭಿತೋಽವತು ।
ರಾಮಾದ್ಯಾ ಪಾತು ಜಿಹ್ವಾಂ ಚ ಲಜ್ಜಾದ್ಯಾ ಪಾತು ಕಂಠಕಂ ॥ 14 ॥
ಕೂರ್ಚಾದ್ಯಾ ಹೃದಯಂ ಪಾತು ವಾಗಾದ್ಯಾ ಸ್ತನಯುಗ್ಮಕಂ ।
ರಮಯಾ ಪುಟಿತಾ ವಿದ್ಯಾ ಪಾರ್ಶ್ವೌ ಪಾತು ಸುರೇಶ್ವರೀ ॥ 15 ॥
ಮಾಯಯಾ ಪುಟಿತಾ ಪಾತು ನಾಭಿದೇಶೇ ದಿಗಂಬರಾ ।
ಕೂರ್ಚೇಣ ಪುಟಿತಾ ದೇವೀ ಪೃಷ್ಠದೇಶೇ ಸದಾಽವತು ॥ 16 ॥
ವಾಗ್ಬೀಜಪುಟಿತಾ ಚೈಷಾ ಮಧ್ಯಂ ಪಾತು ಸಶಕ್ತಿಕಾ ।
ಈಶ್ವರೀ ಕೂರ್ಚವಾಗ್ಬೀಜೈರ್ವಜ್ರವೈರೋಚನೀಯ ಹೂಂ ॥ 17 ॥
ಹೂಂ ಫಟ್ ಸ್ವಾಹಾ ಮಹಾವಿದ್ಯಾ ಕೋಟಿಸೂರ್ಯಸಮಪ್ರಭಾ ।
ಛಿನ್ನಮಸ್ತಾ ಸದಾ ಪಾಯಾದೂರುಯುಗ್ಮಂ ಸಶಕ್ತಿಕಾ ॥ 18 ॥
ಹ್ರೀಂ ಹ್ರೂಂ ವರ್ಣಿನೀ ಜಾನುಂ ಶ್ರೀಂ ಹ್ರೀಂ ಚ ಡಾಕಿನೀ ಪದಂ ।
ಸರ್ವವಿದ್ಯಾಸ್ಥಿತಾ ನಿತ್ಯಾ ಸರ್ವಾಂಗಂ ಮೇ ಸದಾಽವತು ॥ 19 ॥
ಪ್ರಾಚ್ಯಾಂ ಪಾಯಾದೇಕಲಿಂಗಾ ಯೋಗಿನೀ ಪಾವಕೇಽವತು ।
ಡಾಕಿನೀ ದಕ್ಷಿಣೇ ಪಾತು ಶ್ರೀಮಹಾಭೈರವೀ ಚ ಮಾಂ ॥ 20 ॥
ನೈರೃತ್ಯಾಂ ಸತತಂ ಪಾತು ಭೈರವೀ ಪಶ್ಚಿಮೇಽವತು ।
ಇಂದ್ರಾಕ್ಷೀ ಪಾತು ವಾಯವ್ಯೇಽಸಿತಾಂಗೀ ಪಾತು ಚೋತ್ತರೇ ॥ 21 ॥
ಸಂಹಾರಿಣೀ ಸದಾ ಪಾತು ಶಿವಕೋಣೇ ಸಕರ್ತ್ರಿಕಾ ।
ಇತ್ಯಷ್ಟಶಕ್ತಯಃ ಪಾಂತು ದಿಗ್ವಿದಿಕ್ಷು ಸಕರ್ತ್ರಿಕಾಃ ॥ 22 ॥
ಕ್ರೀಂ ಕ್ರೀಂ ಕ್ರೀಂ ಪಾತು ಸಾ ಪೂರ್ವಂ ಹ್ರೀಂ ಹ್ರೀಂ ಮಾಂ ಪಾತು ಪಾವಕೇ ।
ಹ್ರೂಂ ಹ್ರೂಂ ಮಾಂ ದಕ್ಷಿಣೇ ಪಾತು ದಕ್ಷಿಣೇ ಕಾಲಿಕಾವತು ॥ 23 ॥
ಕ್ರೀಂ ಕ್ರೀಂ ಕ್ರೀಂ ಚೈವ ನೈರೃತ್ಯಾಂ ಹ್ರೀಂ ಹ್ರೀಂ ಚ ಪಶ್ಚಿಮೇಽವತು ।
ಹೂಂ ಹೂಂ ಪಾತು ಮರುತ್ಕೋಣೇ ಸ್ವಾಹಾ ಪಾತು ಸದೋತ್ತರೇ ॥ 24 ॥
ಮಹಾಕಾಲೀ ಖಡ್ಗಹಸ್ತಾ ರಕ್ಷಃಕೋಣೇ ಸದಾವತು ।
ತಾರೋ ಮಾಯಾ ವಧೂಃ ಕೂರ್ಚಂ ಫಟ್ ಕಾರೋಽಯಂ ಮಹಾಮನುಃ ॥ 25 ॥
ಖಡ್ಗಕರ್ತ್ರಿಧರಾ ತಾರಾ ಚೋರ್ಧ್ವದೇಶಂ ಸದಾಽವತು ।
ಹ್ರೀಂ ಸ್ತ್ರೀಂ ಹೂಂ ಫಟ್ ಚ ಪಾತಾಲೇ ಮಾಂ ಪಾತು ಚೈಕಜಟಾ ಸತೀ ।
ತಾರಾ ತು ಸಹಿತಾ ಖೇಽವ್ಯಾನ್ಮಹಾನೀಲಸರಸ್ವತೀ ॥ 26 ॥
ಇತಿ ತೇ ಕಥಿತಂ ದೇವ್ಯಾಃ ಕವಚಂ ಮಂತ್ರವಿಗ್ರಹಂ ।
ಯದ್ಧೃತ್ವಾ ಪಠನಾದ್ಭೀಮಃ ಕ್ರೋಧಾಖ್ಯೋ ಭೈರವಃ ಸ್ಮೃತಃ ॥ 27 ॥
ಸುರಾಸುರ ಮುನೀಂದ್ರಾಣಾಂ ಕರ್ತಾ ಹರ್ತಾ ಭವೇತ್ಸ್ವಯಂ ।
ಯಸ್ಯಾಜ್ಞಯಾ ಮಧುಮತೀ ಯಾತಿ ಸಾ ಸಾಧಕಾಲಯಂ ॥ 28 ॥
ಭೂತಿನ್ಯಾದ್ಯಾಶ್ಚ ಡಾಕಿನ್ಯೋ ಯಕ್ಷಿಣ್ಯಾದ್ಯಾಶ್ಚ ಖೇಚರಾಃ ।
ಆಜ್ಞಾಂ ಗೃಹ್ಣಂತಿ ತಾಸ್ತಸ್ಯ ಕವಚಸ್ಯ ಪ್ರಸಾದತಃ ॥ 29 ॥
ಏತದೇವ ಪರಂ ಬ್ರಹ್ಮ ಕವಚಂ ಮನ್ಮುಖೋದಿತಂ ।
ದೇವೀಮಭ್ಯರ್ಚ ಗಂಧಾದ್ಯೈರ್ಮೂಲೇ ನೈವ ಪಠೇತ್ಸಕೃತ್ ॥ 30 ॥
ಸಂವತ್ಸರಕೃತಾಯಾಸ್ತು ಪೂಜಾಯಾಃ ಫಲಮಾಪ್ನುಯಾತ್ ।
ಭೂರ್ಜೇ ವಿಲಿಖಿತಂ ಚೈತದ್ಗುಟಿಕಾಂ ಕಾಂಚನಸ್ಥಿತಾಂ ॥ 31 ॥
ಧಾರಯೇದ್ದಕ್ಷಿಣೇ ಬಾಹೌ ಕಂಠೇ ವಾ ಯದಿ ವಾನ್ಯತಃ ।
ಸರ್ವೈಶ್ವರ್ಯಯುತೋ ಭೂತ್ವಾ ತ್ರೈಲೋಕ್ಯಂ ವಶಮಾನಯೇತ್ ॥ 32 ॥
ತಸ್ಯ ಗೇಹೇ ವಸೇಲ್ಲಕ್ಷ್ಮೀರ್ವಾಣೀ ಚ ವದನಾಂಬುಜೇ ।
ಬ್ರಹ್ಮಾಸ್ತ್ರಾದೀನಿ ಶಸ್ತ್ರಾಣಿ ತದ್ಗಾತ್ರೇ ಯಾಂತಿ ಸೌಮ್ಯತಾಂ ॥ 33 ॥
ಇದಂ ಕವಚಮಜ್ಞಾತ್ವಾ ಯೋ ಭಜೇಚ್ಛಿನ್ನಮಸ್ತಕಾಂ ।
ಸೋಽಪಿ ಶಸ್ತ್ರಪ್ರಹಾರೇಣ ಮೃತ್ಯುಮಾಪ್ನೋತಿ ಸತ್ವರಂ ॥ 34 ॥
ಇತಿ ಶ್ರೀ ಭೈರವತಂತ್ರೇ ಭೈರವಭೈರವೀಸಂವಾದೇ ತ್ರೈಲೋಕ್ಯವಿಜಯಂ ನಾಮ ಛಿನ್ನಮಸ್ತಾಕವಚಂ ಸಂಪೂರ್ಣಂ ।
Recite with devotion and pure heart
Regular practice brings spiritual benefits