ஆயீ ஆனந்த³வல்லீ அம்ருʼதகரதலீ ஆதி³ஶக்தி꞉ பராயீ மாயா மாயாத்மரூபீ ஸ்ப²டிகமணிமயீ மாமதங்கீ³ ஷட³ங்கீ³ । ஜ்ஞானீ ஜ்ஞானாத்மரூபீ நலினபரிமலீ நாத³ ஓங்காரமூர்தி꞉ யோகீ³ யோகா³ஸனஸ்தா² பு⁴வனவஶகரீ ஸுந்த³ரீ ஐம்ʼ நமஸ்தே ॥ 1 ॥ பா³லாமந்த்ரே கடாக்ஷீ மம ஹ்ருʼத³யஸகீ² மத்தபா⁴வ ப்ரசண்டீ³ வ்யாலீ யஜ்ஞோபவீதீ விகடகடிதடீ வீரஶக்தி꞉ ப்ரஸன்னா । பா³லா பா³லேந்து³மௌலிர்மத³க³ஜக³மனா ஸாக்ஷிகா ஸ்வஸ்திமந்த்ரீ காலீ கங்காலரூபீ கடிகடிகஹ்ரீம்ʼ காரிணீ க்லீம்ʼ நமஸ்தே ॥ 2 ॥ மூலாதா⁴ரா மஹாத்மா ஹுதவஹநயனீ மூலமந்த்ரா த்ரிநேத்ரா ஹாரா கேயூரவல்லீ அகி²லத்ரிபத³கா³ அம்பி³காயை ப்ரியாயை । வேதா³ வேதா³ங்க³நாதா³ வினதக⁴னமுகீ² வீரதந்த்ரீப்ரசாரீ ஸாரீ ஸம்ʼஸாரவாஸீ ஸகலது³ரிதஹா ஸர்வதோ ஹ்ரீம்ʼ நமஸ்தே ॥ 3 ॥ ஐம்ʼ க்லீம்ʼ ஹ்ரீம்ʼ மந்த்ரரூபா ஶகலஶஶித⁴ரா ஸம்ப்ரதா³யப்ரதா⁴னா க்லீம்ʼ ஹ்ரீம்ʼ ஶ்ரீம்ʼ பீ³ஜமுக்²யை꞉ ஹிமகரதி³னக்ருʼஜ்ஜ்யோதிரூபா ஸரூபா । ஸௌ꞉ க்லீம்ʼ ஐம்ʼ ஶக்திரூபா ப்ரணவஹரிஸதே பி³ந்து³நாதா³த்மகோடி꞉ க்ஷாம்ʼ க்ஷீம்ʼ க்ஷூங்காரநாதே³ ஸகலகு³ணமயீ ஸுந்த³ரீ ஐம்ʼ நமஸ்தே ॥ 4 ॥ அத்⁴யானாத்⁴யானரூபா அஸுரப⁴யகரீ ஆத்மஶக்திஸ்வரூபா ப்ரத்யக்ஷா பீட²ரூபீ ப்ரலயயுக³த⁴ரா ப்³ரஹ்மவிஷ்ணுத்ரிரூபீ । ஶுத்³தா⁴த்மா ஸித்³த⁴ரூபா ஹிமகிரணனிபா⁴ ஸ்தோத்ரஸங்க்ஷோப⁴ஶக்தி꞉ ஸ்ருʼஷ்டிஸ்தி²த்யந்தமூர்தீ த்ரிபுரஹரஜயீ ஸுந்த³ரீ ஐம்ʼ நமஸ்தே ॥ 5 ॥ இதி ஶ்ரீ பா³லா பஞ்சரத்ன ஸ்தோத்ரம் ।