हैंహైHaindavamஹிહિં
📍
Font Size:
த³த்தாத்ரேய வஜ்ர கவசம்
ருʼஷய ஊசு꞉ ।
கத²ம்ʼ ஸங்கல்பஸித்³தி⁴꞉ ஸ்யாத்³வேத³வ்யாஸ கலௌயுகே³ ।
த⁴ர்மார்த²காமமோக்ஷாணாம்ʼ ஸாத⁴னம்ʼ கிமுதா³ஹ்ருʼதம் ॥ 1 ॥
வ்யாஸ உவாச ।
ஶ்ருʼண்வந்து ருʼஷயஸ்ஸர்வே ஶீக்⁴ரம்ʼ ஸங்கல்பஸாத⁴னம் ।
ஸக்ருʼது³ச்சாரமாத்ரேண போ⁴க³மோக்ஷப்ரதா³யகம் ॥ 2 ॥
கௌ³ரீஶ்ருʼங்கே³ ஹிமவத꞉ கல்பவ்ருʼக்ஷோபஶோபி⁴தம் ।
தீ³ப்தே தி³வ்யமஹாரத்ன ஹேமமண்ட³பமத்⁴யக³ம் ॥ 3 ॥
ரத்னஸிம்ʼஹாஸனாஸீனம்ʼ ப்ரஸன்னம்ʼ பரமேஶ்வரம் ।
மந்த³ஸ்மிதமுகா²ம்போ⁴ஜம்ʼ ஶங்கரம்ʼ ப்ராஹ பார்வதீ ॥ 4 ॥
ஶ்ரீதே³வீ உவாச ।
தே³வதே³வ மஹாதே³வ லோகஶங்கர ஶங்கர ।
மந்த்ரஜாலானி ஸர்வாணி யந்த்ரஜாலானி க்ருʼத்ஸ்னஶ꞉ ॥ 5 ॥
தந்த்ரஜாலான்யனேகானி மயா த்வத்த꞉ ஶ்ருதானி வை ।
இதா³னீம்ʼ த்³ரஷ்டுமிச்சா²மி விஶேஷேண மஹீதலம் ॥ 6 ॥
இத்யுதீ³ரிதமாகர்ண்ய பார்வத்யா பரமேஶ்வர꞉ ।
கரேணாம்ருʼஜ்ய ஸந்தோஷாத் பார்வதீம்ʼ ப்ரத்யபா⁴ஷத ॥ 7 ॥
மயேதா³னீம்ʼ த்வயா ஸார்த⁴ம்ʼ வ்ருʼஷமாருஹ்ய க³ம்யதே ।
இத்யுக்த்வா வ்ருʼஷமாருஹ்ய பார்வத்யா ஸஹ ஶங்கர꞉ ॥ 8 ॥
யயௌ பூ⁴மண்ட³லம்ʼ த்³ரஷ்டும்ʼ கௌ³ர்யாஶ்சித்ராணி த³ர்ஶயன் ।
க்வசித் விந்த்⁴யாசலப்ராந்தே மஹாரண்யே ஸுது³ர்க³மே ॥ 9 ॥
தத்ர வ்யாஹர்துமாயாந்தம்ʼ பி⁴ல்லம்ʼ பரஶுதா⁴ரிணம் ।
வத்⁴யமானம்ʼ மஹாவ்யாக்⁴ரம்ʼ நக²த³ம்ʼஷ்ட்ராபி⁴ராவ்ருʼதம் ॥ 10 ॥
அதீவ சித்ரசாரித்ர்யம்ʼ வஜ்ரகாயஸமாயுதம் ।
அப்ரயத்னமனாயாஸமகி²ன்னம்ʼ ஸுக²மாஸ்தி²தம் ॥ 11 ॥
பலாயந்தம்ʼ ம்ருʼக³ம்ʼ பஶ்சாத்³வ்யாக்⁴ரோ பீ⁴த்யா பலாயத꞉ ।
ஏததா³ஶ்சர்யமாலோக்ய பார்வதீ ப்ராஹ ஶங்கரம் ॥ 12 ॥
ஶ்ரீ பார்வத்யுவாச ।
கிமாஶ்சர்யம்ʼ கிமாஶ்சர்யமக்³ரே ஶம்போ⁴ நிரீக்ஷ்யதாம் ।
இத்யுக்த꞉ ஸ தத꞉ ஶம்பு⁴ர்த்³ருʼஷ்ட்வா ப்ராஹ புராணவித் ॥ 13 ॥
ஶ்ரீ ஶங்கர உவாச ।
கௌ³ரி வக்ஷ்யாமி தே சித்ரமவாங்மானஸகோ³சரம் ।
அத்³ருʼஷ்டபூர்வமஸ்மாபி⁴ர்னாஸ்தி கிஞ்சின்ன குத்ரசித் ॥ 14 ॥
மயா ஸம்யக் ஸமாஸேன வக்ஷ்யதே ஶ்ருʼணு பார்வதி ।
அயம்ʼ தூ³ரஶ்ரவா நாம பி⁴ல்ல꞉ பரமதா⁴ர்மிக꞉ ॥ 15 ॥
ஸமித்குஶப்ரஸூனானி கந்த³மூலப²லாதி³கம் ।
ப்ரத்யஹம்ʼ விபினம்ʼ க³த்வா ஸமாதா³ய ப்ரயாஸத꞉ ॥ 16 ॥
ப்ரியே பூர்வம்ʼ முனீந்த்³ரேப்⁴ய꞉ ப்ரயச்ச²தி ந வாஞ்ச²தி ।
தே(அ)பி தஸ்மின்னபி த³யாம்ʼ குர்வதே ஸர்வமௌனின꞉ ॥ 17 ॥
த³லாத³னோ மஹாயோகீ³ வஸன்னேவ நிஜாஶ்ரமே ।
கதா³சித³ஸ்மரத் ஸித்³த⁴ம்ʼ த³த்தாத்ரேயம்ʼ தி³க³ம்ப³ரம் ॥ 18 ॥
த³த்தாத்ரேய꞉ ஸ்மர்த்ருʼகா³மீ சேதிஹாஸம்ʼ பரீக்ஷிதும் ।
தத்க்ஷணாத் ஸோ(அ)பி யோகீ³ந்த்³ரோ த³த்தாத்ரேய꞉ ஸமுத்தி²த꞉ ॥ 19 ॥
தம்ʼ த்³ருʼஷ்ட்வாஶ்சர்யதோஷாப்⁴யாம்ʼ த³லாத³னமஹாமுனி꞉ ।
ஸம்பூஜ்யாக்³ரே விஷீத³ந்தம்ʼ த³த்தாத்ரேயமுவாச தம் ॥ 20 ॥
மயோபஹூத꞉ ஸம்ப்ராப்தோ த³த்தாத்ரேய மஹாமுனே ।
ஸ்மர்த்ருʼகா³மீ த்வமித்யேதத் கிம்ʼ வத³ந்தீ பரீக்ஷிதும் ॥ 21 ॥
மயாத்³ய ஸம்ʼஸ்ம்ருʼதோ(அ)ஸி த்வமபராத⁴ம்ʼ க்ஷமஸ்வ மே ।
த³த்தாத்ரேயோ முனிம்ʼ ப்ராஹ மம ப்ரக்ருʼதிரீத்³ருʼஶீ ॥ 22 ॥
அப⁴க்த்யா வா ஸுப⁴க்த்யா வா ய꞉ ஸ்மரேந்நாமனன்யதீ⁴꞉ ।
ததா³னீம்ʼ தமுபாக³ம்ய த³தா³மி தத³பீ⁴ப்ஸிதம் ॥ 23 ॥
த³த்தாத்ரேயோ முனிம்ʼ ப்ராஹ த³லாத³னமுனீஶ்வரம் ।
யதி³ஷ்டம்ʼ தத்³வ்ருʼணீஷ்வ த்வம்ʼ யத் ப்ராப்தோ(அ)ஹம்ʼ த்வயா ஸ்ம்ருʼத꞉ ॥ 24 ॥
த³த்தாத்ரேயம்ʼ முனிம்ʼ ப்ராஹ மயா கிமபி நோச்யதே ।
த்வச்சித்தே யத் ஸ்தி²தம்ʼ தன்மே ப்ரயச்ச² முனிபுங்க³வ ॥ 25 ॥
ஶ்ரீ த³த்தாத்ரேய உவாச ।
மமாஸ்தி வஜ்ரகவசம்ʼ க்³ருʼஹாணேத்யவத³ன்முனிம் ।
ததே²த்யங்கீ³க்ருʼதவதே த³லாத³முனயே முனி꞉ ॥ 26 ॥
ஸ்வவஜ்ரகவசம்ʼ ப்ராஹ ருʼஷிச்ச²ந்த³꞉ புரஸ்ஸரம் ।
ந்யாஸம்ʼ த்⁴யானம்ʼ ப²லம்ʼ தத்ர ப்ரயோஜனமஶேஷத꞉ ॥ 27 ॥
அஸ்ய ஶ்ரீத³த்தாத்ரேய வஜ்ரகவச ஸ்தோத்ரமந்த்ரஸ்ய, கிராதரூபீ மஹாருத்³ர்ருʼஷி꞉, அனுஷ்டுப் ச²ந்த³꞉, ஶ்ரீத³த்தாத்ரேயோ தே³வதா, த்³ராம்ʼ பீ³ஜம், ஆம்ʼ ஶக்தி꞉, க்ரௌம்ʼ கீலகம்.
ஓம்ʼ ஆத்மனே நம꞉
ஓம்ʼ த்³ரீம்ʼ மனஸே நம꞉
ஓம்ʼ ஆம்ʼ த்³ரீம்ʼ ஶ்ரீம்ʼ ஸௌ꞉
ஓம்ʼ க்லாம்ʼ க்லீம்ʼ க்லூம்ʼ க்லைம்ʼ க்லௌம்ʼ க்ல꞉
ஶ்ரீ த³த்தாத்ரேய ப்ரஸாத³ ஸித்³த்⁴யர்தே² ஜபே விநியோக³꞉
கரந்யாஸ꞉ ।
ஓம்ʼ த்³ராம்ʼ அங்கு³ஷ்டா²ப்⁴யாம்ʼ நம꞉ ।
ஓம்ʼ த்³ரீம்ʼ தர்ஜனீப்⁴யாம்ʼ நம꞉ ।
ஓம்ʼ த்³ரூம்ʼ மத்⁴யமாப்⁴யாம்ʼ நம꞉ ।
ஓம்ʼ த்³ரைம்ʼ அநாமிகாப்⁴யாம்ʼ நம꞉ ।
ஓம்ʼ த்³ரௌம்ʼ கநிஷ்டி²காப்⁴யாம்ʼ நம꞉ ।
ஓம்ʼ த்³ர꞉ கரதலகரப்ருʼஷ்டா²ப்⁴யாம்ʼ நம꞉ ।
ஹ்ருʼத³யாதி³ந்யாஸ꞉ ।
ஓம்ʼ த்³ராம்ʼ ஹ்ருʼத³யாய நம꞉ ।
ஓம்ʼ த்³ரீம்ʼ ஶிரஸே ஸ்வாஹா ।
ஓம்ʼ த்³ரூம்ʼ ஶிகா²யை வஷட் ।
ஓம்ʼ த்³ரைம்ʼ கவசாய ஹும் ।
ஓம்ʼ த்³ரௌம்ʼ நேத்ரத்ரயாய வௌஷட் ।
ஓம்ʼ த்³ர꞉ அஸ்த்ராய ப²ட் ।
ஓம்ʼ பூ⁴ர்பு⁴வஸ்ஸுவரோமிதி தி³க்³ப³ந்த⁴꞉ ।
த்⁴யானம் ।
ஜக³த³ங்குரகந்தா³ய ஸச்சிதா³னந்த³மூர்தயே ।
த³த்தாத்ரேயாய யோகீ³ந்த்³ரசந்த்³ராய பரமாத்மனே ॥ 1 ॥
கதா³ யோகீ³ கதா³ போ⁴கீ³ கதா³ நக்³ன꞉ பிஶாசவத் ।
த³த்தாத்ரேயோ ஹரி꞉ ஸாக்ஷாத் பு⁴க்திமுக்திப்ரதா³யக꞉ ॥ 2 ॥
வாராணஸீபுரஸ்னாயீ கொல்ஹாபுரஜபாத³ர꞉ ।
மாஹுரீபுரபீ⁴க்ஷாஶீ ஸஹ்யஶாயீ தி³க³ம்ப³ர꞉ ॥ 3 ॥
இந்த்³ரநீல ஸமாகார꞉ சந்த்³ரகாந்திஸமத்³யுதி꞉ ।
வைடூ⁴ர்ய ஸத்³ருʼஶஸ்பூ²ர்தி꞉ சலத்கிஞ்சிஜ்ஜடாத⁴ர꞉ ॥ 4 ॥
ஸ்னிக்³த⁴தா⁴வல்ய யுக்தாக்ஷோ(அ)த்யந்தநீல கனீனிக꞉ ।
ப்⁴ரூவக்ஷ꞉ஶ்மஶ்ருநீலாங்க꞉ ஶஶாங்கஸத்³ருʼஶானன꞉ ॥ 5 ॥
ஹாஸநிர்ஜித நிஹார꞉ கண்ட²நிர்ஜித கம்பு³க꞉ ।
மாம்ʼஸலாம்ʼஸோ தீ³ர்க⁴பா³ஹு꞉ பாணிநிர்ஜிதபல்லவ꞉ ॥ 6 ॥
விஶாலபீனவக்ஷாஶ்ச தாம்ரபாணிர்த³லோத³ர꞉ ।
ப்ருʼது²லஶ்ரோணிலலிதோ விஶாலஜக⁴னஸ்த²ல꞉ ॥ 7 ॥
ரம்பா⁴ஸ்தம்போ⁴பமானோரு꞉ ஜானுபூர்வைகஜங்க⁴க꞉ ।
கூ³ட⁴கு³ல்ப²꞉ கூர்மப்ருʼஷ்டோ² லஸத்வாதோ³பரிஸ்த²ல꞉ ॥ 8 ॥
ரக்தாரவிந்த³ஸத்³ருʼஶ ரமணீய பதா³த⁴ர꞉ ।
சர்மாம்ப³ரத⁴ரோ யோகீ³ ஸ்மர்த்ருʼகா³மீ க்ஷணேக்ஷணே ॥ 9 ॥
ஜ்ஞானோபதே³ஶநிரதோ விபத்³த⁴ரணதீ³க்ஷித꞉ ।
ஸித்³தா⁴ஸனஸமாஸீன ருʼஜுகாயோ ஹஸன்முக²꞉ ॥ 10 ॥
வாமஹஸ்தேன வரதோ³ த³க்ஷிணேநாப⁴யங்கர꞉ ।
பா³லோன்மத்த பிஶாசீபி⁴꞉ க்வசித்³ யுக்த꞉ பரீக்ஷித꞉ ॥ 11 ॥
த்யாகீ³ போ⁴கீ³ மஹாயோகீ³ நித்யானந்தோ³ நிரஞ்ஜன꞉ ।
ஸர்வரூபீ ஸர்வதா³தா ஸர்வக³꞉ ஸர்வகாமத³꞉ ॥ 12 ॥
ப⁴ஸ்மோத்³தூ⁴லித ஸர்வாங்கோ³ மஹாபாதகநாஶன꞉ ।
பு⁴க்திப்ரதோ³ முக்திதா³தா ஜீவன்முக்தோ ந ஸம்ʼஶய꞉ ॥ 13 ॥
ஏவம்ʼ த்⁴யாத்வா(அ)னன்யசித்தோ மத்³வஜ்ரகவசம்ʼ படே²த் ।
மாமேவ பஶ்யன்ஸர்வத்ர ஸ மயா ஸஹ ஸஞ்சரேத் ॥ 14 ॥
தி³க³ம்ப³ரம்ʼ ப⁴ஸ்மஸுக³ந்த⁴ லேபனம்ʼ
சக்ரம்ʼ த்ரிஶூலம்ʼ ட⁴மரும்ʼ க³தா³யுத⁴ம் ।
பத்³மாஸனம்ʼ யோகி³முனீந்த்³ரவந்தி³தம்ʼ
த³த்தேதிநாமஸ்மரணேன நித்யம் ॥ 15 ॥
பஞ்சோபசாரபூஜா ।
ஓம்ʼ லம்ʼ ப்ருʼதி²வீதத்த்வாத்மனே ஶ்ரீத³த்தாத்ரேயாய நம꞉ ।
க³ந்த⁴ம்ʼ பரிகல்பயாமி।
ஓம்ʼ ஹம்ʼ ஆகாஶதத்த்வாத்மனே ஶ்ரீத³த்தாத்ரேயாய நம꞉ ।
புஷ்பம்ʼ பரிகல்பயாமி ।
ஓம்ʼ யம்ʼ வாயுதத்த்வாத்மனே ஶ்ரீத³த்தாத்ரேயாய நம꞉ ।
தூ⁴பம்ʼ பரிகல்பயாமி ।
ஓம்ʼ ரம்ʼ வஹ்னிதத்த்வாத்மனே ஶ்ரீத³த்தாத்ரேயாய நம꞉ ।
தீ³பம்ʼ பரிகல்பயாமி ।
ஓம்ʼ வம்ʼ அம்ருʼத தத்த்வாத்மனே ஶ்ரீத³த்தாத்ரேயாய நம꞉ ।
அம்ருʼதநைவேத்³யம்ʼ பரிகல்பயாமி ।
ஓம்ʼ ஸம்ʼ ஸர்வதத்த்வாத்மனே ஶ்ரீத³த்தாத்ரேயாய நம꞉ ।
தாம்பூ³லாதி³ஸர்வோபசாரான் பரிகல்பயாமி ।
(அனந்தரம்ʼ ‘ஓம்ʼ த்³ராம்ʼ…’ இதி மூலமந்த்ரம்ʼ அஷ்டோத்தரஶதவாரம்ʼ (108) ஜபேத்)
அத² வஜ்ரகவசம் ।
ஓம்ʼ த³த்தாத்ரேயாய ஶிர꞉பாது ஸஹஸ்ராப்³ஜேஷு ஸம்ʼஸ்தி²த꞉ ।
பா²லம்ʼ பாத்வானஸூயேய꞉ சந்த்³ரமண்ட³லமத்⁴யக³꞉ ॥ 1 ॥
கூர்சம்ʼ மனோமய꞉ பாது ஹம்ʼ க்ஷம்ʼ த்³வித³லபத்³மபூ⁴꞉ ।
ஜ்யோதிரூபோ(அ)க்ஷிணீபாது பாது ஶப்³தா³த்மக꞉ ஶ்ருதீ ॥ 2 ॥
நாஸிகாம்ʼ பாது க³ந்தா⁴த்மா முக²ம்ʼ பாது ரஸாத்மக꞉ ।
ஜிஹ்வாம்ʼ வேதா³த்மக꞉ பாது த³ந்தோஷ்டௌ² பாது தா⁴ர்மிக꞉ ॥ 3 ॥
கபோலாவத்ரிபூ⁴꞉ பாது பாத்வஶேஷம்ʼ மமாத்மவித் ।
ஸர்வாத்மா ஷோட³ஶாராப்³ஜஸ்தி²த꞉ ஸ்வாத்மா(அ)வதாத்³ க³லம் ॥ 4 ॥
ஸ்கந்தௌ⁴ சந்த்³ரானுஜ꞉ பாது பு⁴ஜௌ பாது க்ருʼதாதி³பூ⁴꞉ ।
ஜத்ருணீ ஶத்ருஜித் பாது பாது வக்ஷஸ்த²லம்ʼ ஹரி꞉ ॥ 5 ॥
காதி³டா²ந்தத்³வாத³ஶாரபத்³மகோ³ மருதா³த்மக꞉ ।
யோகீ³ஶ்வரேஶ்வர꞉ பாது ஹ்ருʼத³யம்ʼ ஹ்ருʼத³யஸ்தி²த꞉ ॥ 6 ॥
பார்ஶ்வே ஹரி꞉ பார்ஶ்வவர்தீ பாது பார்ஶ்வஸ்தி²த꞉ ஸ்ம்ருʼத꞉ ।
ஹட²யோகா³தி³யோக³ஜ்ஞ꞉ குக்ஷிம்ʼ பாது க்ருʼபாநிதி⁴꞉ ॥ 7 ॥
ட³காராதி³ ப²காராந்த த³ஶாரஸரஸீருஹே ।
நாபி⁴ஸ்த²லே வர்தமானோ நாபி⁴ம்ʼ வஹ்ன்யாத்மகோ(அ)வது ॥ 8 ॥
வஹ்னிதத்த்வமயோ யோகீ³ ரக்ஷதான்மணிபூரகம் ।
கடிம்ʼ கடிஸ்த²ப்³ரஹ்மாண்ட³வாஸுதே³வாத்மகோ(அ)வது ॥ 9 ॥
வகாராதி³ லகாராந்த ஷட்பத்ராம்பு³ஜபோ³த⁴க꞉ ।
ஜலதத்த்வமயோ யோகீ³ ஸ்வாதி⁴ஷ்டா²னம்ʼ மமாவது ॥ 10 ॥
ஸித்³தா⁴ஸன ஸமாஸீன ஊரூ ஸித்³தே⁴ஶ்வரோ(அ)வது ।
வாதி³ஸாந்த சதுஷ்பத்ரஸரோருஹ நிபோ³த⁴க꞉ ॥ 11 ॥
மூலாதா⁴ரம்ʼ மஹீரூபோ ரக்ஷதாத்³ வீர்யநிக்³ரஹீ ।
ப்ருʼஷ்ட²ம்ʼ ச ஸர்வத꞉ பாது ஜானுன்யஸ்தகராம்பு³ஜ꞉ ॥ 12 ॥
ஜங்கே⁴ பாத்வவதூ⁴தேந்த்³ர꞉ பாத்வங்க்⁴ரீ தீர்த²பாவன꞉ ।
ஸர்வாங்க³ம்ʼ பாது ஸர்வாத்மா ரோமாண்யவது கேஶவ꞉ ॥ 13 ॥
சர்ம சர்மாம்ப³ர꞉ பாது ரக்தம்ʼ ப⁴க்திப்ரியோ(அ)வது ।
மாம்ʼஸம்ʼ மாம்ʼஸகர꞉ பாது மஜ்ஜாம்ʼ மஜ்ஜாத்மகோ(அ)வது ॥ 14 ॥
அஸ்தீ²னி ஸ்தி²ரதீ⁴꞉ பாயான்மேதா⁴ம்ʼ வேதா⁴꞉ ப்ரபாலயேத் ।
ஶுக்ரம்ʼ ஸுக²கர꞉ பாது சித்தம்ʼ பாது த்³ருʼடா⁴க்ருʼதி꞉ ॥ 15 ॥
மனோபு³த்³தி⁴மஹங்காரம்ʼ ஹ்ருʼஷீகேஶாத்மகோ(அ)வது ।
கர்மேந்த்³ரியாணி பாத்வீஶ꞉ பாது ஜ்ஞானேந்த்³ரியாண்யஜ꞉ ॥ 16 ॥
ப³ந்தூ⁴ன் ப³ந்தூ⁴த்தம꞉ பாயாச்ச²த்ருப்⁴ய꞉ பாது ஶத்ருஜித் ।
க்³ருʼஹாராமத⁴னக்ஷேத்ரபுத்ராதீ³ன் ஶங்கரோ(அ)வது ॥ 17 ॥
பா⁴ர்யாம்ʼ ப்ரக்ருʼதிவித் பாது பஶ்வாதீ³ன் பாது ஶார்ங்க³ப்⁴ருʼத் ।
ப்ராணான் பாது ப்ரதா⁴னஜ்ஞோ ப⁴க்ஷ்யாதீ³ன் பாது பா⁴ஸ்கர꞉ ॥ 18 ॥
ஸுக²ம்ʼ சந்த்³ராத்மக꞉ பாது து³꞉கா²த் பாது புராந்தக꞉ ।
பஶூன் பஶுபதி꞉ பாது பூ⁴திம்ʼ பூ⁴தேஶ்வரோ மம ॥ 19 ॥
ப்ராச்யாம்ʼ விஷஹர꞉ பாது பாத்வாக்³னேய்யாம்ʼ மகா²த்மக꞉ ।
யாம்யாம்ʼ த⁴ர்மாத்மக꞉ பாது நைர்ருʼத்யாம்ʼ ஸர்வவைரிஹ்ருʼத் ॥ 20 ॥
வராஹ꞉ பாது வாருண்யாம்ʼ வாயவ்யாம்ʼ ப்ராணதோ³(அ)வது ।
கௌபே³ர்யாம்ʼ த⁴னத³꞉ பாது பாத்வைஶான்யாம்ʼ மஹாகு³ரு꞉ ॥ 21 ॥
ஊர்த்⁴வம்ʼ பாது மஹாஸித்³த⁴꞉ பாத்வத⁴ஸ்தாஜ்ஜடாத⁴ர꞉ ।
ரக்ஷாஹீனம்ʼ து யத் ஸ்தா²னம்ʼ ரக்ஷத்வாதி³முனீஶ்வர꞉ ॥ 22 ॥
கரந்யாஸ꞉ ।
ஓம்ʼ த்³ராம்ʼ அங்கு³ஷ்டா²ப்⁴யாம்ʼ நம꞉ ।
ஓம்ʼ த்³ரீம்ʼ தர்ஜனீப்⁴யாம்ʼ நம꞉ ।
ஓம்ʼ த்³ரூம்ʼ மத்⁴யமாப்⁴யாம்ʼ நம꞉ ।
ஓம்ʼ த்³ரைம்ʼ அநாமிகாப்⁴யாம்ʼ நம꞉ ।
ஓம்ʼ த்³ரௌம்ʼ கநிஷ்டி²காப்⁴யாம்ʼ நம꞉ ।
ஓம்ʼ த்³ர꞉ கரதலகரப்ருʼஷ்டா²ப்⁴யாம்ʼ நம꞉ ।
ஹ்ருʼத³யாதி³ந்யாஸ꞉ ।
ஓம்ʼ த்³ராம்ʼ ஹ்ருʼத³யாய நம꞉ ।
ஓம்ʼ த்³ரீம்ʼ ஶிரஸே ஸ்வாஹா ।
ஓம்ʼ த்³ரூம்ʼ ஶிகா²யை வஷட் ।
ஓம்ʼ த்³ரைம்ʼ கவசாய ஹும் ।
ஓம்ʼ த்³ரௌம்ʼ நேத்ரத்ரயாய வௌஷட் ।
ஓம்ʼ த்³ர꞉ அஸ்த்ராய ப²ட் ।
ஓம்ʼ பூ⁴ர்பு⁴வஸ்ஸுவரோமிதி தி³க்³விமோக꞉ ।
ப²லஶ்ருʼதி ॥
ஏதன்மே வஜ்ரகவசம்ʼ ய꞉ படே²த் ஶ்ருʼணுயாத³பி ।
வஜ்ரகாயஶ்சிரஞ்ஜீவீ த³த்தாத்ரேயோ(அ)ஹமப்³ருவம் ॥ 23 ॥
த்யாகீ³ போ⁴கீ³ மஹாயோகீ³ ஸுக²து³꞉க²விவர்ஜித꞉ ।
ஸர்வத்ர ஸித்³த⁴ஸங்கல்போ ஜீவன்முக்தோ(அ)த்³யவர்ததே ॥ 24 ॥
இத்யுக்த்வாந்தர்த³தே⁴ யோகீ³ த³த்தாத்ரேயோ தி³க³ம்ப³ர꞉ ।
த³லாத³னோ(அ)பி தஜ்ஜப்த்வா ஜீவன்முக்த꞉ ஸ வர்ததே ॥ 25 ॥
பி⁴ல்லோ தூ³ரஶ்ரவா நாம ததா³னீம்ʼ ஶ்ருதவானித³ம் ।
ஸக்ருʼச்ச்²ரவணமாத்ரேண வஜ்ராங்கோ³(அ)ப⁴வத³ப்யஸௌ ॥ 26 ॥
இத்யேதத்³ வஜ்ரகவசம்ʼ த³த்தாத்ரேயஸ்ய யோகி³ன꞉ ।
ஶ்ருத்வா ஶேஷம்ʼ ஶம்பு⁴முகா²த் புனரப்யாஹ பார்வதீ ॥ 27 ॥
ஶ்ரீ பார்வத்யுவாச ।
ஏதத் கவச மாஹாத்ம்யம்ʼ வத³ விஸ்தரதோ மம ।
குத்ர கேன கதா³ ஜாப்யம்ʼ கியஜ்ஜாப்யம்ʼ கத²ம்ʼ கத²ம் ॥ 28 ॥
உவாச ஶம்பு⁴ஸ்தத் ஸர்வம்ʼ பார்வத்யா வினயோதி³தம் ।
ஶ்ரீபரமேஶ்வர உவாச ।
ஶ்ருʼணு பார்வதி வக்ஷ்யாமி ஸமாஹிதமனாவிலம் ॥ 29 ॥
த⁴ர்மார்த²காமமோக்ஷாணாமித³மேவ பராயணம் ।
ஹஸ்த்யஶ்வரத²பாதா³தி ஸர்வைஶ்வர்ய ப்ரதா³யகம் ॥ 30 ॥
புத்ரமித்ரகலத்ராதி³ ஸர்வஸந்தோஷஸாத⁴னம் ।
வேத³ஶாஸ்த்ராதி³வித்³யானாம்ʼ விதா⁴னம்ʼ பரமம்ʼ ஹி தத் ॥ 31 ॥
ஸங்கீ³த ஶாஸ்த்ர ஸாஹித்ய ஸத்கவித்வ விதா⁴யகம் ।
பு³த்³தி⁴ வித்³யா ஸ்ம்ருʼதி ப்ரஜ்ஞா மதி ப்ரௌடி⁴ப்ரதா³யகம் ॥ 32 ॥
ஸர்வஸந்தோஷகரணம்ʼ ஸர்வது³꞉க²நிவாரணம் ।
ஶத்ருஸம்ʼஹாரகம்ʼ ஶீக்⁴ரம்ʼ யஶ꞉கீர்திவிவர்த⁴னம் ॥ 33 ॥
அஷ்டஸங்க்²யா மஹாரோகா³꞉ ஸன்னிபாதாஸ்த்ரயோத³ஶ ।
ஷண்ணவத்யக்ஷிரோகா³ஶ்ச விம்ʼஶதிர்மேஹரோக³கா꞉ ॥ 34 ॥
அஷ்டாத³ஶது குஷ்டா²னி கு³ல்மான்யஷ்டவிதா⁴ன்யபி ।
அஶீதிர்வாதரோகா³ஶ்ச சத்வாரிம்ʼஶத்து பைத்திகா꞉ ॥ 35 ॥
விம்ʼஶதி꞉ ஶ்லேஷ்மரோகா³ஶ்ச க்ஷயசாதுர்தி²காத³ய꞉ ।
மந்த்ரயந்த்ரகுயோகா³த்³யா꞉ கல்பதந்த்ராதி³நிர்மிதா꞉ ॥ 36 ॥
ப்³ரஹ்மராக்ஷஸ வேதாலகூஷ்மாண்டா³தி³ க்³ரஹோத்³ப⁴வா꞉ ।
ஸங்க³ஜா தே³ஶகாலஸ்தா²ஸ்தாபத்ரயஸமுத்தி²தா꞉ ॥ 37 ॥
நவக்³ரஹஸமுத்³பூ⁴தா மஹாபாதக ஸம்ப⁴வா꞉ ।
ஸர்வே ரோகா³꞉ ப்ரணஶ்யந்தி ஸஹஸ்ராவர்தநாத்³ த்⁴ருவம் ॥ 38 ॥
அயுதாவ்ருʼத்திமாத்ரேண வந்த்⁴யா புத்ரவதீ ப⁴வேத் ।
அயுதத்³விதயாவ்ருʼத்த்யா ஹ்யபம்ருʼத்யுஜயோ ப⁴வேத் ॥ 39 ॥
அயுதத்ரிதயாச்சைவ கே²சரத்வம்ʼ ப்ரஜாயதே ।
ஸஹஸ்ராயுதத³ர்வாக் ஸர்வகார்யாணி ஸாத⁴யேத் ॥ 40 ॥
லக்ஷாவ்ருʼத்த்யா ஸர்வஸித்³தி⁴ர்ப⁴வத்யேவ ந ஸம்ʼஶய꞉ ॥ 41 ॥
விஷவ்ருʼக்ஷஸ்ய மூலேஷு திஷ்ட²ன் வை த³க்ஷிணாமுக²꞉ ।
குருதே மாஸமாத்ரேண வைரிணம்ʼ விகலேந்த்³ரியம் ॥ 42 ॥
ஔது³ம்ப³ரதரோர்மூலே வ்ருʼத்³தி⁴காமேன ஜாப்யதே ।
ஶ்ரீவ்ருʼக்ஷமூலே ஶ்ரீகாமீ திந்த்ரிணீ ஶாந்திகர்மணி ॥ 43 ॥
ஓஜஸ்காமோ(அ)ஶ்வத்த²மூலே ஸ்த்ரீகாமை꞉ ஸஹகாரகே ।
ஜ்ஞானார்தீ² துலஸீமூலே க³ர்ப⁴கே³ஹே ஸுதார்தி²பி⁴꞉ ॥ 44 ॥
த⁴னார்தி²பி⁴ஸ்து ஸுக்ஷேத்ரே பஶுகாமைஸ்து கோ³ஷ்ட²கே ।
தே³வாலயே ஸர்வகாமைஸ்தத்காலே ஸர்வத³ர்ஶிதம் ॥ 45 ॥
நாபி⁴மாத்ரஜலே ஸ்தி²த்வா பா⁴னுமாலோக்ய யோ ஜபேத் ।
யுத்³தே⁴ வா ஶாஸ்த்ரவாதே³ வா ஸஹஸ்ரேண ஜயோ ப⁴வேத் ॥ 46 ॥
கண்ட²மாத்ரே ஜலே ஸ்தி²த்வா யோ ராத்ரௌ கவசம்ʼ படே²த் ।
ஜ்வராபஸ்மாரகுஷ்டா²தி³ தாபஜ்வரநிவாரணம் ॥ 47 ॥
யத்ர யத் ஸ்யாத் ஸ்தி²ரம்ʼ யத்³யத் ப்ரஸக்தம்ʼ தந்நிவர்ததே ।
தேன தத்ர ஹி ஜப்தவ்யம்ʼ தத꞉ ஸித்³தி⁴ர்ப⁴வேத்³த்⁴ருவம் ॥ 48 ॥
இத்யுக்தவான் ஶிவோ கௌ³ர்வை ரஹஸ்யம்ʼ பரமம்ʼ ஶுப⁴ம் ।
ய꞉ படே²த் வஜ்ரகவசம்ʼ த³த்தாத்ரேய ஸமோ ப⁴வேத் ॥ 49 ॥
ஏவம்ʼ ஶிவேன கதி²தம்ʼ ஹிமவத்ஸுதாயை
ப்ரோக்தம்ʼ த³லாத³முனயே(அ)த்ரிஸுதேன பூர்வம் ।
ய꞉ கோ(அ)பி வஜ்ரகவசம்ʼ பட²தீஹ லோகே
த³த்தோபமஶ்சரதி யோகி³வரஶ்சிராயு꞉ ॥ 50 ॥
இதி ஶ்ரீ த³த்தாத்ரேய வஜ்ரகவசஸ்தோத்ரம்ʼ ஸம்பூர்ணம் ॥
Recite with devotion and pure heart
Regular practice brings spiritual benefits