ஶ்ரீ க³ணேஶாய நம: ஶ்ரீ ஸரஸ்வத்யை நம: த³த்தாத்ரேயம் மஹாத்மானம் வரத³ம் ப⁴க்தவத்ஸலம் । ப்ரபன்னார்திஹரம் வந்தே³ ஸ்மர்த்ருகா³மி ஸனோவது ॥ 1 ॥ தீ³னப³ந்து⁴ம் க்ருபாஸிந்து⁴ம் ஸர்வகாரணகாரணம் । ஸர்வரக்ஷாகரம் வந்தே³ ஸ்மர்த்ருகா³மி ஸனோவது ॥ 2 ॥ ஶரணாக³ததீ³னார்த பரித்ராணபராயணம் । நாராயணம் விபு⁴ம் வந்தே³ ஸ்மர்த்ருகா³மி ஸனோவது ॥ 3 ॥ ஸர்வானர்த²ஹரம் தே³வம் ஸர்வமங்கள³ மங்கள³ம் । ஸர்வக்லேஶஹரம் வந்தே³ ஸ்மர்த்ருகா³மி ஸனோவது ॥ 4 ॥ ப்³ரஹ்மண்யம் த⁴ர்மதத்த்வஜ்ஞம் ப⁴க்தகீர்திவிவர்த⁴னம் । ப⁴க்தாபீ⁴ஷ்டப்ரத³ம் வந்தே³ ஸ்மர்த்ருகா³மி ஸனோவது ॥ 5 ॥ ஶோஷணம் பாபபங்கஸ்ய தீ³பனம் ஜ்ஞானதேஜஸ: । தாபப்ரஶமனம் வந்தே³ ஸ்மர்த்ருகா³மி ஸனோவது ॥ 6 ॥ ஸர்வரோக³ப்ரஶமனம் ஸர்வபீடா³னிவாரணம் । விபது³த்³த⁴ரணம் வந்தே³ ஸ்மர்த்ருகா³மி ஸனோவது ॥ 7 ॥ ஜன்மஸம்ஸாரப³ந்த⁴க்⁴னம் ஸ்வரூபானந்த³தா³யகம் । நிஶ்ஶ்ரேயஸபத³ம் வந்தே³ ஸ்மர்த்ருகா³மி ஸனோவது ॥ 8 ॥ ஜய லாப⁴ யஶ: காம தா³துர்த³த்தஸ்ய ய: ஸ்தவம் । போ⁴க³மோக்ஷப்ரத³ஸ்யேமம் ப்ரபடே²த் ஸுக்ருதீ ப⁴வேத் ॥ 9 ॥ இதி ஶ்ரீ த³த்தஸ்தவம் ॥