దక్షిణామూర్తి పంచరత్న స్తవం

మత్తరోగశిరోపరిస్థితనృత్యమానపదాంబుజం

భక్తచింతితసిద్ధికాలవిచక్షణం కమలేక్షణమ్ ।

భుక్తిముక్తిఫలప్రదం భువి పద్మజాచ్యుతపూజితం

దక్షిణాముఖమాశ్రయే మమ సర్వసిద్ధిదమీశ్వరమ్ ॥ 1 ॥

విత్తదప్రియమర్చితం కృతకృశా తీవ్రతపోవ్రతైః

ముక్తికామిభిరాశ్రితైః ముహుర్మునిభిర్దృఢమానసైః ।

ముక్తిదం నిజపాదపంకజసక్తమానసయోగినాం

దక్షిణాముఖమాశ్రయే మమ సర్వసిద్ధిదమీశ్వరమ్ ॥ 2 ॥

కృత్తదక్షమఖాధిపం వరవీరభద్రగణేన వై

యక్షరాక్షసమర్త్యకిన్నరదేవపన్నగవందితమ్ ।

రత్నభుగ్గణనాథభృద్భ్రమరార్చితాంఘ్రిసరోరుహం

దక్షిణాముఖమాశ్రయే మమ సర్వసిద్ధిదమీశ్వరమ్ ॥ 3 ॥

నక్తనాదకళాధరం నగజాపయోధరమండలం

లిప్తచందనపంకకుంకుమముద్రితామలవిగ్రహమ్ ।

శక్తిమంతమశేషసృష్టివిధానకే సకలం ప్రభుం

దక్షిణాముఖమాశ్రయే మమ సర్వసిద్ధిదమీశ్వరమ్ ॥ 4 ॥

రక్తనీరజతుల్యపాదపయోజ సన్మణి నూపురం

బంధనత్రయభేద పేశల పంకజాక్ష శిలీముఖమ్ ।

హేమశైలశరాసనం పృథు శింజినీకృత దక్షకం

దక్షిణాముఖమాశ్రయే మమ సర్వసిద్ధిదమీశ్వరమ్ ॥ 5 ॥

యః పఠేచ్చ దినే దినే స్తవపంచరత్నముమాపతేః

పురాతలే మయాకృతం నిఖిలాగమమూలమహానలమ్ ।

తస్య పుత్రకలత్రమిత్రధనాని సంతు కృపాబలాత్

తే మహేశ్వర శంకరాఖిలవిశ్వనాయక శాశ్వత ॥ 6 ॥

ఇతి అగస్త్య కృత శ్రీ దక్షిణామూర్తి పంచరత్న స్తవమ్ ।

Recite with devotion and pure heart

Regular practice brings spiritual benefits