த³க்ஷிணாமூர்தி பஞ்சரத்ன ஸ்தவம்

மத்தரோக³ஶிரோபரிஸ்தி²தந்ருʼத்யமானபதா³ம்பு³ஜம்ʼ

ப⁴க்தசிந்திதஸித்³தி⁴காலவிசக்ஷணம்ʼ கமலேக்ஷணம் ।

பு⁴க்திமுக்திப²லப்ரத³ம்ʼ பு⁴வி பத்³மஜாச்யுதபூஜிதம்ʼ

த³க்ஷிணாமுக²மாஶ்ரயே மம ஸர்வஸித்³தி⁴த³மீஶ்வரம் ॥ 1 ॥

வித்தத³ப்ரியமர்சிதம்ʼ க்ருʼதக்ருʼஶா தீவ்ரதபோவ்ரதை꞉

முக்திகாமிபி⁴ராஶ்ரிதை꞉ முஹுர்முனிபி⁴ர்த்³ருʼட⁴மானஸை꞉ ।

முக்தித³ம்ʼ நிஜபாத³பங்கஜஸக்தமானஸயோகி³னாம்ʼ

த³க்ஷிணாமுக²மாஶ்ரயே மம ஸர்வஸித்³தி⁴த³மீஶ்வரம் ॥ 2 ॥

க்ருʼத்தத³க்ஷமகா²தி⁴பம்ʼ வரவீரப⁴த்³ரக³ணேன வை

யக்ஷராக்ஷஸமர்த்யகின்னரதே³வபன்னக³வந்தி³தம் ।

ரத்னபு⁴க்³க³ணநாத²ப்⁴ருʼத்³ப்⁴ரமரார்சிதாங்க்⁴ரிஸரோருஹம்ʼ

த³க்ஷிணாமுக²மாஶ்ரயே மம ஸர்வஸித்³தி⁴த³மீஶ்வரம் ॥ 3 ॥

நக்தநாத³கலாத⁴ரம்ʼ நக³ஜாபயோத⁴ரமண்ட³லம்ʼ

லிப்தசந்த³னபங்ககுங்குமமுத்³ரிதாமலவிக்³ரஹம் ।

ஶக்திமந்தமஶேஷஸ்ருʼஷ்டிவிதா⁴னகே ஸகலம்ʼ ப்ரபு⁴ம்ʼ

த³க்ஷிணாமுக²மாஶ்ரயே மம ஸர்வஸித்³தி⁴த³மீஶ்வரம் ॥ 4 ॥

ரக்தநீரஜதுல்யபாத³பயோஜ ஸன்மணி நூபுரம்ʼ

ப³ந்த⁴னத்ரயபே⁴த³ பேஶல பங்கஜாக்ஷ ஶிலீமுக²ம் ।

ஹேமஶைலஶராஸனம்ʼ ப்ருʼது² ஶிஞ்ஜினீக்ருʼத த³க்ஷகம்ʼ

த³க்ஷிணாமுக²மாஶ்ரயே மம ஸர்வஸித்³தி⁴த³மீஶ்வரம் ॥ 5 ॥

ய꞉ படே²ச்ச தி³னே தி³னே ஸ்தவபஞ்சரத்னமுமாபதே꞉

புராதலே மயாக்ருʼதம்ʼ நிகி²லாக³மமூலமஹானலம் ।

தஸ்ய புத்ரகலத்ரமித்ரத⁴னானி ஸந்து க்ருʼபாப³லாத்

தே மஹேஶ்வர ஶங்கராகி²லவிஶ்வநாயக ஶாஶ்வத ॥ 6 ॥

இதி அக³ஸ்த்ய க்ருʼத ஶ்ரீ த³க்ஷிணாமூர்தி பஞ்சரத்ன ஸ்தவம் ।

Recite with devotion and pure heart

Regular practice brings spiritual benefits