മത്തരോഗശിരോപരിസ്ഥിതനൃത്യമാനപദാംബുജം ഭക്തചിന്തിതസിദ്ധികാലവിചക്ഷണം കമലേക്ഷണം । ഭുക്തിമുക്തിഫലപ്രദം ഭുവി പദ്മജാച്യുതപൂജിതം ദക്ഷിണാമുഖമാശ്രയേ മമ സർവസിദ്ധിദമീശ്വരം ॥ 1 ॥ വിത്തദപ്രിയമർചിതം കൃതകൃശാ തീവ്രതപോവ്രതൈഃ മുക്തികാമിഭിരാശ്രിതൈഃ മുഹുർമുനിഭിർദൃഢമാനസൈഃ । മുക്തിദം നിജപാദപങ്കജസക്തമാനസയോഗിനാം ദക്ഷിണാമുഖമാശ്രയേ മമ സർവസിദ്ധിദമീശ്വരം ॥ 2 ॥ കൃത്തദക്ഷമഖാധിപം വരവീരഭദ്രഗണേന വൈ യക്ഷരാക്ഷസമർത്യകിന്നരദേവപന്നഗവന്ദിതം । രത്നഭുഗ്ഗണനാഥഭൃദ്ഭ്രമരാർചിതാംഘ്രിസരോരുഹം ദക്ഷിണാമുഖമാശ്രയേ മമ സർവസിദ്ധിദമീശ്വരം ॥ 3 ॥ നക്തനാദകലാധരം നഗജാപയോധരമണ്ഡലം ലിപ്തചന്ദനപങ്കകുങ്കുമമുദ്രിതാമലവിഗ്രഹം । ശക്തിമന്തമശേഷസൃഷ്ടിവിധാനകേ സകലം പ്രഭും ദക്ഷിണാമുഖമാശ്രയേ മമ സർവസിദ്ധിദമീശ്വരം ॥ 4 ॥ രക്തനീരജതുല്യപാദപയോജ സന്മണി നൂപുരം ബന്ധനത്രയഭേദ പേശല പങ്കജാക്ഷ ശിലീമുഖം । ഹേമശൈലശരാസനം പൃഥു ശിഞ്ജിനീകൃത ദക്ഷകം ദക്ഷിണാമുഖമാശ്രയേ മമ സർവസിദ്ധിദമീശ്വരം ॥ 5 ॥ യഃ പഠേച്ച ദിനേ ദിനേ സ്തവപഞ്ചരത്നമുമാപതേഃ പുരാതലേ മയാകൃതം നിഖിലാഗമമൂലമഹാനലം । തസ്യ പുത്രകലത്രമിത്രധനാനി സന്തു കൃപാബലാത് തേ മഹേശ്വര ശങ്കരാഖിലവിശ്വനായക ശാശ്വത ॥ 6 ॥ ഇതി അഗസ്ത്യ കൃത ശ്രീ ദക്ഷിണാമൂർതി പഞ്ചരത്ന സ്തവം ।