ஶ்ரீதே³வ்யுவாச । ப⁴க³வன் தே³வதே³வேஶ மந்த்ரார்ணஸ்தவமுத்தமம் । த³க்ஷிணாமூர்திதே³வஸ்ய க்ருʼபயா வத³ மே ப்ரபோ⁴ ॥ 1 ॥ ஶ்ரீமஹாதே³வ உவாச । ஸாது⁴ ப்ருʼஷ்டம்ʼ மஹாதே³வி ஸர்வலோகஹிதாய தே । வக்ஷ்யாமி பரமம்ʼ கு³ஹ்யம்ʼ மந்த்ரார்ணஸ்தவமுத்தமம் ॥ 2 ॥ ருʼஷிஶ்ச²ந்தோ³ தே³வதாங்க³ந்யாஸாதி³கமனுத்தமம் । மூலமந்த்ரபத³ஸ்யாபி த்³ரஷ்டவ்யம்ʼ ஸகலம்ʼ ஹி தத் ॥ 3 ॥ த்⁴யானம் – ப⁴ஸ்மவ்யாபாண்டு³ராங்க³꞉ ஶஶிஶகலத⁴ரோ ஜ்ஞானமுத்³ராக்ஷமாலா- -வீணாபுஸ்தைர்விராஜத்கரகமலத⁴ரோ யோக³பட்டாபி⁴ராம꞉ । வ்யாக்²யாபீடே² நிஷண்ணே முனிவரநிகரை꞉ ஸேவ்யமான꞉ ப்ரஸன்ன꞉ ஸவ்யால꞉ க்ருʼத்திவாஸா꞉ ஸததமவது நோ த³க்ஷிணாமூர்திரீஶ꞉ ॥ 4 ॥ இதி த்⁴யாத்வா மஹாதே³வம்ʼ மந்த்ரார்ணஸ்தவமுத்தமம் । ஜபேத் த்ரிஸந்த்⁴யம்ʼ நியதோ ப⁴ஸ்மருத்³ராக்ஷபூ⁴ஷித꞉ ॥ 5 ॥ ஸ்தோத்ரம் – ஓம் । ஓங்காராசலஸிம்ʼஹேந்த்³ர꞉ ஓங்காரோத்³யானகோகில꞉ । ஓங்காரனீட³ஶுகராடோ³ங்காராரண்யகுஞ்ஜர꞉ ॥ 6 ॥ நக³ராஜஸுதாஜாநிர்நக³ராஜநிஜாலய꞉ । நவமாணிக்யமாலாட்⁴யோ நவசந்த்³ரஶிகா²மணி꞉ ॥ 7 ॥ நந்தி³தாஶேஷமௌனீந்த்³ரோ நந்தீ³ஶாதி³மதே³ஶிக꞉ । மோஹானலஸுதா⁴தா⁴ரோ மோஹாம்பு³ஜஸுதா⁴கர꞉ ॥ 8 ॥ மோஹாந்த⁴காரதரணிர்மோஹோத்பலனபோ⁴மணி꞉ । ப⁴க்தஜ்ஞானாப்³தி⁴ஶீதாம்ʼஶு꞉ ப⁴க்தாஜ்ஞானத்ருʼணானல꞉ ॥ 9 ॥ ப⁴க்தாம்போ⁴ஜஸஹஸ்ராம்ʼஶு꞉ ப⁴க்தகேகிக⁴னாக⁴ன꞉ । ப⁴க்தகைரவராகேந்து³꞉ ப⁴க்தகோகதி³வாகர꞉ ॥ 10 ॥ க³ஜானநாதி³ஸம்பூஜ்யோ க³ஜசர்மோஜ்ஜ்வலாக்ருʼதி꞉ । க³ங்கா³த⁴வலதி³வ்யாங்கோ³ க³ங்கா³ப⁴ங்க³லஸஜ்ஜட꞉ ॥ 11 ॥ க³க³னாம்ப³ரஸம்ʼவீதோ க³க³நாமுக்தமூர்த⁴ஜ꞉ । வத³னாப்³ஜஜிதஶ்ரீஶ்ச வத³னேந்து³ஸ்பு²ரத்³தி³ஶ꞉ ॥ 12 ॥ வரதா³னைகநிபுணோ வரவீணோஜ்ஜ்வலத்கர꞉ । வனவாஸஸமுல்லாஸீ வனலீலைகலோலுப꞉ ॥ 13 ॥ தேஜ꞉புஞ்ஜக⁴னாகாரோ தேஜஸாமவிபா⁴ஸக꞉ । தேஜ꞉ப்ரதோ³ விதே⁴யானாம்ʼ தேஜோமயநிஜாஶ்ரம꞉ ॥ 14 ॥ த³மிதானங்க³ஸங்க்³ராமோ த³ரஹாஸோஜ்ஜ்வலன்முக²꞉ । த³யாரஸஸுதா⁴ஸிந்து⁴꞉ த³ரித்³ரத⁴னஶேவதி⁴꞉ ॥ 15 ॥ க்ஷீரேந்து³ஸ்ப²டிகாகார꞉ க்ஷிதீந்த்³ரமகுடோஜ்ஜ்வல꞉ । க்ஷீரோபஹாரரஸிக꞉ க்ஷிப்ரைஶ்வர்யப²லப்ரத³꞉ ॥ 16 ॥ நாநாப⁴ரணமுக்தாங்கோ³ நாரீஸம்மோஹனாக்ருʼதி꞉ । நாத³ப்³ரஹ்மரஸாஸ்வாதீ³ நாக³பூ⁴ஷணபூ⁴ஷித꞉ ॥ 17 ॥ மூர்தினிந்தி³தகந்த³ர்போ மூர்தாமூர்தஜக³த்³வபு꞉ । மூகாஜ்ஞானதமோபா⁴னு꞉ மூர்திமத்கல்பபாத³ப꞉ ॥ 18 ॥ தருணாதி³த்யஸங்காஶ꞉ தந்த்ரீவாத³னதத்பர꞉ । தருமூலைகநிலய꞉ தப்தஜாம்பூ³னத³ப்ரப⁴꞉ ॥ 19 ॥ தத்த்வபுஸ்தோல்லஸத்பாணி꞉ தபனோடு³பலோசன꞉ । யமஸன்னுதஸத்கீர்தி꞉ யமஸம்யமஸம்யுத꞉ ॥ 20 ॥ யதிரூபத⁴ரோ மௌனமுனீந்த்³ரோபாஸ்யவிக்³ரஹ꞉ । மந்தா³ரஹாரருசிரோ மத³னாயுதஸுந்த³ர꞉ ॥ 21 ॥ மந்த³ஸ்மிதலஸத்³வக்த்ரோ மது⁴ராத⁴ரபல்லவ꞉ । மஞ்ஜீரமஞ்ஜுபாதா³ப்³ஜோ மணிபட்டோலஸத்கடி꞉ ॥ 22 ॥ ஹஸ்தாங்குரிதசின்முத்³ரோ ஹம்ʼஸயோக³படூத்தம꞉ । ஹம்ʼஸஜப்யாக்ஷமாலாட்⁴யோ ஹம்ʼஸேந்த்³ராராத்⁴யபாது³க꞉ ॥ 23 ॥ மேருஶ்ருʼங்க³ஸமுல்லாஸீ மேக⁴ஶ்யாமமனோஹர꞉ । மேகா⁴ங்குராலவாலாக்³ர்யோ மேதா⁴பக்வப²லத்³ரும꞉ ॥ 24 ॥ தா⁴ர்மிகாந்தக்ருʼதாவாஸோ த⁴ர்மமார்க³ப்ரவர்தக꞉ । தா⁴மத்ரயநிஜாராமோ த⁴ரோத்தமமஹாரத²꞉ ॥ 25 ॥ ப்ரபோ³தோ⁴தா³ரதீ³பஶ்ரீ꞉ ப்ரகாஶிதஜக³த்த்ரய꞉ । ப்ரஜ்ஞாசந்த்³ரஶிலாசந்த்³ர꞉ ப்ரஜ்ஞாமணிலஸத்கர꞉ ॥ 26 ॥ ஜ்ஞானிஹ்ருʼத்³பா⁴ஸமானாத்மா ஜ்ஞாத்ரூʼணாமவிதூ³ரக³꞉ । ஜ்ஞானாயாத்³ருʼததி³வ்யாங்கோ³ ஜ்ஞாதிஜாதிகுலாதிக³꞉ ॥ 27 ॥ ப்ரபன்னபாரிஜாதாக்³ர்ய꞉ ப்ரணதார்த்யப்³தி⁴பா³ட³ப³꞉ । ப்ரமாணபூ⁴தோ பூ⁴தானாம்ʼ ப்ரபஞ்சஹிதகாரக꞉ ॥ 28 ॥ யமிஸத்தமஸம்ʼஸேவ்யோ யக்ஷகே³யாத்மவைப⁴வ꞉ । யஜ்ஞாதி⁴தே³வதாமூர்தி꞉ யஜமானவபுர்த⁴ர꞉ ॥ 29 ॥ ச²த்ராதி⁴பதி³கீ³ஶஶ்ச ச²த்ரசாமரஸேவித꞉ । ச²ந்த³꞉ ஶாஸ்த்ராதி³நிபுணஶ்ச²லஜாத்யாதி³தூ³ரக³꞉ ॥ 30 ॥ ஸ்வாபா⁴விகஸுகை²காத்மா ஸ்வானுபூ⁴திரஸோத³தி⁴꞉ । ஸ்வாராஜ்யஸம்பத³த்⁴யக்ஷ꞉ ஸ்வாத்மாராமமஹாமதி꞉ ॥ 31 ॥ ஹாடகாப⁴ஜடாஜூடோ ஹாஸோத³ஸ்தாரிமண்ட³ல꞉ । ஹாலாஹலோஜ்ஜ்வலக³லோ ஹாராயிதபு⁴ஜங்க³ம꞉ ॥ 32 ॥ இதி ஶ்ரீ த³க்ஷிணாமூர்தி மந்த்ரார்ணாஷ்டோத்தரஶதநாம ஸ்தோத்ரம் ।