हैंహైHaindavamஹிહિં
📍
Font Size:
ദക്ഷിണാമൂർതി കവചം
പാർവത്യുവാച ।
നമസ്തേഽസ്തു ത്രയീനാഥ പരമാനന്ദകാരക ।
കവചം ദക്ഷിണാമൂർതേഃ കൃപയാ വദ മേ പ്രഭോ ॥ 1 ॥
ഈശ്വര ഉവാച ।
വക്ഷ്യേഽഹം ദേവദേവേശി ദക്ഷിണാമൂർതിരവ്യയം ।
കവചം സർവപാപഘ്നം വേദാന്തജ്ഞാനഗോചരം ॥ 2 ॥
അണിമാദി മഹാസിദ്ധിവിധാനചതുരം ശുഭം ।
വേദശാസ്ത്രപുരാണാനി കവിതാ തർക ഏവ ച ॥ 3 ॥
ബഹുധാ ദേവി ജായന്തേ കവചസ്യ പ്രഭാവതഃ ।
ഋഷിർബ്രഹ്മാ സമുദ്ദിഷ്ടശ്ഛന്ദോഽനുഷ്ടുബുദാഹൃതം ॥ 4 ॥
ദേവതാ ദക്ഷിണാമൂർതിഃ പരമാത്മാ സദാശിവഃ ।
ബീജം വേദാദികം ചൈവ സ്വാഹാ ശക്തിരുദാഹൃതാ ।
സർവജ്ഞത്വേഽപി ദേവേശി വിനിയോഗം പ്രചക്ഷതേ ॥ 5 ॥
ധ്യാനം –
അദ്വന്ദ്വനേത്രമമലേന്ദുകലാവതംസം
ഹംസാവലംബിത സമാന ജടാകലാപം ।
ആനീലകണ്ഠമുപകണ്ഠമുനിപ്രവീരാൻ
അധ്യാപയന്തമവലോകയ ലോകനാഥം ॥
കവചം –
ഓം । ശിരോ മേ ദക്ഷിണാമൂർതിരവ്യാത് ഫാലം മഹേശ്വരഃ ।
ദൃശൗ പാതു മഹാദേവഃ ശ്രവണേ ചന്ദ്രശേഖരഃ ॥ 1 ॥
കപോലൗ പാതു മേ രുദ്രോ നാസാം പാതു ജഗദ്ഗുരുഃ ।
മുഖം ഗൗരീപതിഃ പാതു രസനാം വേദരൂപധൃത് ॥ 2 ॥
ദശനാം ത്രിപുരധ്വംസീ ചോഷ്ഠം പന്നഗഭൂഷണഃ ।
അധരം പാതു വിശ്വാത്മാ ഹനൂ പാതു ജഗന്മയഃ ॥ 3 ॥
ചുബുകം ദേവദേവസ്തു പാതു കണ്ഠം ജടാധരഃ ।
സ്കന്ധൗ മേ പാതു ശുദ്ധാത്മാ കരൗ പാതു യമാന്തകഃ ॥ 4 ॥
കുചാഗ്രം കരമധ്യം ച നഖരാൻ ശങ്കരഃ സ്വയം ।
ഹൃന്മേ പശുപതിഃ പാതു പാർശ്വേ പരമപൂരുഷഃ ॥ 5 ॥
മധ്യമം പാതു ശർവോ മേ നാഭിം നാരായണപ്രിയഃ ।
കടിം പാതു ജഗദ്ഭർതാ സക്ഥിനീ ക്ഷ്ച മൃഡഃ സ്വയം ॥ 6 ॥
കൃത്തിവാസാഃ സ്വയം ഗുഹ്യാമൂരൂ പാതു പിനാകധൃത് ।
ജാനുനീ ത്ര്യംബകഃ പാതു ജംഘേ പാതു സദാശിവഃ ॥ 7 ॥
സ്മരാരിഃ പാതു മേ പാദൗ പാതു സർവാംഗമീശ്വരഃ ।
ഇതീദം കവചം ദേവി പരമാനന്ദദായകം ॥ 8 ॥
ജ്ഞാനവാഗർഥദം വീര്യമണിമാദിവിഭൂതിദം ।
ആയുരാരോഗ്യമൈശ്വര്യമപമൃത്യുഭയാപഹം ॥ 9 ॥
പ്രാതഃ കാലേ ശുചിർഭൂത്വാ ത്രിവാരം സർവദാ ജപേത് ।
നിത്യം പൂജാസമായുക്തഃ സംവത്സരമതന്ദ്രിതഃ ॥ 10 ॥
ജപേത് ത്രിസന്ധ്യം യോ വിദ്വാൻ വേദശാസ്ത്രാർഥപാരഗഃ ।
ഗദ്യപദ്യൈസ്തഥാ ചാപി നാടകാഃ സ്വയമേവ ഹി ।
നിർഗച്ഛന്തി മുഖാംഭോജാത്സത്യമേതന്ന സംശയഃ ॥ 11 ॥
ഇതി രുദ്രയാമലേ ശ്രീ ദക്ഷിണാമൂർതി കവചം ॥
Recite with devotion and pure heart
Regular practice brings spiritual benefits