हैंహైHaindavamஹிહિં
📍
Font Size:
మహా కాలభైరవ కవచం
శ్రీదేవ్యువాచ –
దేవదేవ మహాబాహో భక్తానాం సుఖవర్ధన ।
కేన సిద్ధిం దదాత్యాశు కాలీ త్రైలోక్యమోహన ॥ 1 ॥
తన్మే వద దయాఽఽధార సాధకాభీష్టసిద్ధయే ।
కృపాం కురు జగన్నాథ వద వేదవిదాం వర ॥ 2 ॥
శ్రీభైరవ ఉవాచ –
గోపనీయం ప్రయత్నేన తత్త్వాత్ తత్త్వం పరాత్పరం ।
ఏష సిద్ధికరః సమ్యక్ కిమథో కథయామ్యహం ॥ 3 ॥
మహాకాలమహం వందే సర్వసిద్ధిప్రదాయకం ।
దేవదానవగంధర్వకిన్నరపరిసేవితం ॥ 4 ॥
కవచం తత్త్వదేవస్య పఠనాద్ ఘోరదర్శనే ।
సత్యం భవతి సాన్నిధ్యం కవచస్తవనాంతరాత్ ॥ 5 ॥
సిద్ధిం దదాతి సా తుష్టా కృత్వా కవచముత్తమం ।
సామ్రాజ్యత్వం ప్రియం దత్వా పుత్రవత్ పరిపాలయేత్ ॥ 6 ॥
కవచస్య ఋషిర్దేవీ కాలికా దక్షిణా తథా
విరాట్ఛందః సువిజ్ఞేయం మహాకాలస్తు దేవతా ।
కాలికా సాధనే చైవ వినియోగః ప్రకీర్త్తితః ॥ 7 ॥
ఓం శ్మశానస్థో మహారుద్రో మహాకాలో దిగంబరః ।
కపాలకర్తృకా వామే శూలం ఖట్వాంగం దక్షిణే ॥ 8 ॥
భుజంగభూషితే దేవి భస్మాస్థిమణిమండితః ।
జ్వలత్పావకమధ్యస్థో భస్మశయ్యావ్యవస్థితః ॥ 9 ॥
విపరీతరతాం తత్ర కాలికాం హృదయోపరి ।
పేయం ఖాద్యం చ చోష్యం చ తౌ కృత్వా తు పరస్పరం ।
ఏవం భక్త్యా యజేద్ దేవం సర్వసిద్ధిః ప్రజాయతే ॥ 10 ॥
ప్రణవం పూర్వముచ్చార్య మహాకాలాయ తత్పదం ।
నమః పాతు మహామంత్రః సర్వశాస్త్రార్థపారగః ॥ 11 ॥
అష్టక్షరో మహా మంత్రః సర్వాశాపరిపూరకః ।
సర్వపాపక్షయం యాతి గ్రహణే భక్తవత్సలే ॥ 12 ॥
కూర్చద్వంద్వం మహాకాల ప్రసీదేతి పదద్వయం ।
లజ్జాయుగ్మం వహ్నిజాయా స తు రాజేశ్వరో మహాన్ ॥ 13 ॥
మంత్రగ్రహణమాత్రేణ భవేత సత్యం మహాకవిః ।
గద్యపద్యమయీ వాణీ గంగానిర్ఝరితా తథా ॥ 14 ॥
తస్య నామ తు దేవేశి దేవా గాయంతి భావుకాః ।
శక్తిబీజద్వయం దత్వా కూర్చం స్యాత్ తదనంతరం ॥ 15 ॥
మహాకాలపదం దత్వా మాయాబీజయుగం తథా ।
కూర్చమేకం సముద్ధృత్య మహామంత్రో దశాక్షరః ॥ 16 ॥
రాజస్థానే దుర్గమే చ పాతు మాం సర్వతో ముదా ।
వేదాదిబీజమాదాయ భగమాన్ తదనంతరం ॥ 17 ॥
మహాకాలాయ సంప్రోచ్య కూర్చం దత్వా చ ఠద్వయం ।
హ్రీంకారపూర్వముద్ధృత్య వేదాదిస్తదనంతరం ॥ 18 ॥
మహాకాలస్యాంతభాగే స్వాహాంతమనుముత్తమం ।
ధనం పుత్రం సదా పాతు బంధుదారానికేతనం ॥ 19 ॥
పింగలాక్షో మంజుయుద్ధే యుద్ధే నిత్యం జయప్రదః ।
సంభావ్యః సర్వదుష్టఘ్నః పాతు స్వస్థానవల్లభః ॥ 20 ॥
ఇతి తే కథితం తుభ్యం దేవానామపి దుర్లభం ।
అనేన పఠనాద్ దేవి విఘ్ననాశో యథా భవేత్ ॥ 21 ॥
సంపూజకః శుచిస్నాతః భక్తియుక్తః సమాహితః ।
సర్వవ్యాధివినిర్ముక్తః వైరిమధ్యే విశేషతః ॥ 22 ॥
మహాభీమః సదా పాతు సర్వస్థాన వల్లభం ।
కాలీపార్శ్వస్థితో దేవః సర్వదా పాతు మే ముఖే ॥ 23 ॥
ఫల శ్రుతి –
పఠనాత్ కాలికాదేవీ పఠేత్ కవచముత్తమం ।
శ్రుణుయాద్ వా ప్రయత్నేన సదాఽఽనందమయో భవేత్ ॥ 1 ॥
శ్రద్ధయాఽశ్రద్ధయా వాపి పఠనాత్ కవచస్య యత్ ।
సర్వసిద్ధిమవాప్నోతి యద్యన్మనసి వర్తతే ॥ 2 ॥
బిల్వమూలే పఠేద్ యస్తు పఠనాద్ కవచస్య యత్ ।
త్రిసంధ్యం పఠనాద్ దేవి భవేన్నిత్యం మహాకవిః ॥ 3 ॥
కుమారీం పూజయిత్వా తు యః పఠేద్ భావతత్పరః ।
న కించిద్ దుర్లభం తస్య దివి వా భువి మోదతే ॥ 4 ॥
దుర్భిక్షే రాజపీడాయాం గ్రామే వా వైరిమధ్యకే ।
యత్ర యత్ర భయం ప్రాప్తః సర్వత్ర ప్రపఠేన్నరః ॥ 5॥
తత్ర తత్రాభయం తస్య భవత్యేవ న సంశయః ।
వామపార్శ్వే సమానీయ శోభితాం వరకామినీం ॥ 6 ॥
శ్రద్ధయాఽశ్రద్ధయా వాపి పఠనాత్ కవచస్య తు ।
ప్రయత్నతః పఠేద్ యస్తు తస్య సిద్ధిః కరే స్థితా ॥ 7 ॥
ఇదం కవచమజ్ఞాత్వా కాలం యో భజతే నరః ।
నైవ సిద్ధిర్భవేత్ తస్య విఘ్నస్తస్య పదే పదే ।
ఆదౌ వర్మ పఠిత్వా తు తస్య సిద్ధిర్భవిష్యతి ॥ 8 ॥
॥ ఇతి మహాకాలభైరవకవచం సంపూర్ణం ॥
Recite with devotion and pure heart
Regular practice brings spiritual benefits