हैंహైHaindavamஹிહિં
📍
Font Size:
ಮಹಾ ಕಾಲಭೈರವ ಕವಚಂ
ಶ್ರೀದೇವ್ಯುವಾಚ –
ದೇವದೇವ ಮಹಾಬಾಹೋ ಭಕ್ತಾನಾಂ ಸುಖವರ್ಧನ ।
ಕೇನ ಸಿದ್ಧಿಂ ದದಾತ್ಯಾಶು ಕಾಲೀ ತ್ರೈಲೋಕ್ಯಮೋಹನ ॥ 1 ॥
ತನ್ಮೇ ವದ ದಯಾಽಽಧಾರ ಸಾಧಕಾಭೀಷ್ಟಸಿದ್ಧಯೇ ।
ಕೃಪಾಂ ಕುರು ಜಗನ್ನಾಥ ವದ ವೇದವಿದಾಂ ವರ ॥ 2 ॥
ಶ್ರೀಭೈರವ ಉವಾಚ –
ಗೋಪನೀಯಂ ಪ್ರಯತ್ನೇನ ತತ್ತ್ವಾತ್ ತತ್ತ್ವಂ ಪರಾತ್ಪರಂ ।
ಏಷ ಸಿದ್ಧಿಕರಃ ಸಮ್ಯಕ್ ಕಿಮಥೋ ಕಥಯಾಮ್ಯಹಂ ॥ 3 ॥
ಮಹಾಕಾಲಮಹಂ ವಂದೇ ಸರ್ವಸಿದ್ಧಿಪ್ರದಾಯಕಂ ।
ದೇವದಾನವಗಂಧರ್ವಕಿನ್ನರಪರಿಸೇವಿತಂ ॥ 4 ॥
ಕವಚಂ ತತ್ತ್ವದೇವಸ್ಯ ಪಠನಾದ್ ಘೋರದರ್ಶನೇ ।
ಸತ್ಯಂ ಭವತಿ ಸಾನ್ನಿಧ್ಯಂ ಕವಚಸ್ತವನಾಂತರಾತ್ ॥ 5 ॥
ಸಿದ್ಧಿಂ ದದಾತಿ ಸಾ ತುಷ್ಟಾ ಕೃತ್ವಾ ಕವಚಮುತ್ತಮಂ ।
ಸಾಮ್ರಾಜ್ಯತ್ವಂ ಪ್ರಿಯಂ ದತ್ವಾ ಪುತ್ರವತ್ ಪರಿಪಾಲಯೇತ್ ॥ 6 ॥
ಕವಚಸ್ಯ ಋಷಿರ್ದೇವೀ ಕಾಲಿಕಾ ದಕ್ಷಿಣಾ ತಥಾ
ವಿರಾಟ್ಛಂದಃ ಸುವಿಜ್ಞೇಯಂ ಮಹಾಕಾಲಸ್ತು ದೇವತಾ ।
ಕಾಲಿಕಾ ಸಾಧನೇ ಚೈವ ವಿನಿಯೋಗಃ ಪ್ರಕೀರ್ತ್ತಿತಃ ॥ 7 ॥
ಓಂ ಶ್ಮಶಾನಸ್ಥೋ ಮಹಾರುದ್ರೋ ಮಹಾಕಾಲೋ ದಿಗಂಬರಃ ।
ಕಪಾಲಕರ್ತೃಕಾ ವಾಮೇ ಶೂಲಂ ಖಟ್ವಾಂಗಂ ದಕ್ಷಿಣೇ ॥ 8 ॥
ಭುಜಂಗಭೂಷಿತೇ ದೇವಿ ಭಸ್ಮಾಸ್ಥಿಮಣಿಮಂಡಿತಃ ।
ಜ್ವಲತ್ಪಾವಕಮಧ್ಯಸ್ಥೋ ಭಸ್ಮಶಯ್ಯಾವ್ಯವಸ್ಥಿತಃ ॥ 9 ॥
ವಿಪರೀತರತಾಂ ತತ್ರ ಕಾಲಿಕಾಂ ಹೃದಯೋಪರಿ ।
ಪೇಯಂ ಖಾದ್ಯಂ ಚ ಚೋಷ್ಯಂ ಚ ತೌ ಕೃತ್ವಾ ತು ಪರಸ್ಪರಂ ।
ಏವಂ ಭಕ್ತ್ಯಾ ಯಜೇದ್ ದೇವಂ ಸರ್ವಸಿದ್ಧಿಃ ಪ್ರಜಾಯತೇ ॥ 10 ॥
ಪ್ರಣವಂ ಪೂರ್ವಮುಚ್ಚಾರ್ಯ ಮಹಾಕಾಲಾಯ ತತ್ಪದಂ ।
ನಮಃ ಪಾತು ಮಹಾಮಂತ್ರಃ ಸರ್ವಶಾಸ್ತ್ರಾರ್ಥಪಾರಗಃ ॥ 11 ॥
ಅಷ್ಟಕ್ಷರೋ ಮಹಾ ಮಂತ್ರಃ ಸರ್ವಾಶಾಪರಿಪೂರಕಃ ।
ಸರ್ವಪಾಪಕ್ಷಯಂ ಯಾತಿ ಗ್ರಹಣೇ ಭಕ್ತವತ್ಸಲೇ ॥ 12 ॥
ಕೂರ್ಚದ್ವಂದ್ವಂ ಮಹಾಕಾಲ ಪ್ರಸೀದೇತಿ ಪದದ್ವಯಂ ।
ಲಜ್ಜಾಯುಗ್ಮಂ ವಹ್ನಿಜಾಯಾ ಸ ತು ರಾಜೇಶ್ವರೋ ಮಹಾನ್ ॥ 13 ॥
ಮಂತ್ರಗ್ರಹಣಮಾತ್ರೇಣ ಭವೇತ ಸತ್ಯಂ ಮಹಾಕವಿಃ ।
ಗದ್ಯಪದ್ಯಮಯೀ ವಾಣೀ ಗಂಗಾನಿರ್ಝರಿತಾ ತಥಾ ॥ 14 ॥
ತಸ್ಯ ನಾಮ ತು ದೇವೇಶಿ ದೇವಾ ಗಾಯಂತಿ ಭಾವುಕಾಃ ।
ಶಕ್ತಿಬೀಜದ್ವಯಂ ದತ್ವಾ ಕೂರ್ಚಂ ಸ್ಯಾತ್ ತದನಂತರಂ ॥ 15 ॥
ಮಹಾಕಾಲಪದಂ ದತ್ವಾ ಮಾಯಾಬೀಜಯುಗಂ ತಥಾ ।
ಕೂರ್ಚಮೇಕಂ ಸಮುದ್ಧೃತ್ಯ ಮಹಾಮಂತ್ರೋ ದಶಾಕ್ಷರಃ ॥ 16 ॥
ರಾಜಸ್ಥಾನೇ ದುರ್ಗಮೇ ಚ ಪಾತು ಮಾಂ ಸರ್ವತೋ ಮುದಾ ।
ವೇದಾದಿಬೀಜಮಾದಾಯ ಭಗಮಾನ್ ತದನಂತರಂ ॥ 17 ॥
ಮಹಾಕಾಲಾಯ ಸಂಪ್ರೋಚ್ಯ ಕೂರ್ಚಂ ದತ್ವಾ ಚ ಠದ್ವಯಂ ।
ಹ್ರೀಂಕಾರಪೂರ್ವಮುದ್ಧೃತ್ಯ ವೇದಾದಿಸ್ತದನಂತರಂ ॥ 18 ॥
ಮಹಾಕಾಲಸ್ಯಾಂತಭಾಗೇ ಸ್ವಾಹಾಂತಮನುಮುತ್ತಮಂ ।
ಧನಂ ಪುತ್ರಂ ಸದಾ ಪಾತು ಬಂಧುದಾರಾನಿಕೇತನಂ ॥ 19 ॥
ಪಿಂಗಲಾಕ್ಷೋ ಮಂಜುಯುದ್ಧೇ ಯುದ್ಧೇ ನಿತ್ಯಂ ಜಯಪ್ರದಃ ।
ಸಂಭಾವ್ಯಃ ಸರ್ವದುಷ್ಟಘ್ನಃ ಪಾತು ಸ್ವಸ್ಥಾನವಲ್ಲಭಃ ॥ 20 ॥
ಇತಿ ತೇ ಕಥಿತಂ ತುಭ್ಯಂ ದೇವಾನಾಮಪಿ ದುರ್ಲಭಂ ।
ಅನೇನ ಪಠನಾದ್ ದೇವಿ ವಿಘ್ನನಾಶೋ ಯಥಾ ಭವೇತ್ ॥ 21 ॥
ಸಂಪೂಜಕಃ ಶುಚಿಸ್ನಾತಃ ಭಕ್ತಿಯುಕ್ತಃ ಸಮಾಹಿತಃ ।
ಸರ್ವವ್ಯಾಧಿವಿನಿರ್ಮುಕ್ತಃ ವೈರಿಮಧ್ಯೇ ವಿಶೇಷತಃ ॥ 22 ॥
ಮಹಾಭೀಮಃ ಸದಾ ಪಾತು ಸರ್ವಸ್ಥಾನ ವಲ್ಲಭಂ ।
ಕಾಲೀಪಾರ್ಶ್ವಸ್ಥಿತೋ ದೇವಃ ಸರ್ವದಾ ಪಾತು ಮೇ ಮುಖೇ ॥ 23 ॥
ಫಲ ಶ್ರುತಿ –
ಪಠನಾತ್ ಕಾಲಿಕಾದೇವೀ ಪಠೇತ್ ಕವಚಮುತ್ತಮಂ ।
ಶ್ರುಣುಯಾದ್ ವಾ ಪ್ರಯತ್ನೇನ ಸದಾಽಽನಂದಮಯೋ ಭವೇತ್ ॥ 1 ॥
ಶ್ರದ್ಧಯಾಽಶ್ರದ್ಧಯಾ ವಾಪಿ ಪಠನಾತ್ ಕವಚಸ್ಯ ಯತ್ ।
ಸರ್ವಸಿದ್ಧಿಮವಾಪ್ನೋತಿ ಯದ್ಯನ್ಮನಸಿ ವರ್ತತೇ ॥ 2 ॥
ಬಿಲ್ವಮೂಲೇ ಪಠೇದ್ ಯಸ್ತು ಪಠನಾದ್ ಕವಚಸ್ಯ ಯತ್ ।
ತ್ರಿಸಂಧ್ಯಂ ಪಠನಾದ್ ದೇವಿ ಭವೇನ್ನಿತ್ಯಂ ಮಹಾಕವಿಃ ॥ 3 ॥
ಕುಮಾರೀಂ ಪೂಜಯಿತ್ವಾ ತು ಯಃ ಪಠೇದ್ ಭಾವತತ್ಪರಃ ।
ನ ಕಿಂಚಿದ್ ದುರ್ಲಭಂ ತಸ್ಯ ದಿವಿ ವಾ ಭುವಿ ಮೋದತೇ ॥ 4 ॥
ದುರ್ಭಿಕ್ಷೇ ರಾಜಪೀಡಾಯಾಂ ಗ್ರಾಮೇ ವಾ ವೈರಿಮಧ್ಯಕೇ ।
ಯತ್ರ ಯತ್ರ ಭಯಂ ಪ್ರಾಪ್ತಃ ಸರ್ವತ್ರ ಪ್ರಪಠೇನ್ನರಃ ॥ 5 ॥
ತತ್ರ ತತ್ರಾಭಯಂ ತಸ್ಯ ಭವತ್ಯೇವ ನ ಸಂಶಯಃ ।
ವಾಮಪಾರ್ಶ್ವೇ ಸಮಾನೀಯ ಶೋಭಿತಾಂ ವರಕಾಮಿನೀಂ ॥ 6 ॥
ಶ್ರದ್ಧಯಾಽಶ್ರದ್ಧಯಾ ವಾಪಿ ಪಠನಾತ್ ಕವಚಸ್ಯ ತು ।
ಪ್ರಯತ್ನತಃ ಪಠೇದ್ ಯಸ್ತು ತಸ್ಯ ಸಿದ್ಧಿಃ ಕರೇ ಸ್ಥಿತಾ ॥ 7 ॥
ಇದಂ ಕವಚಮಜ್ಞಾತ್ವಾ ಕಾಲಂ ಯೋ ಭಜತೇ ನರಃ ।
ನೈವ ಸಿದ್ಧಿರ್ಭವೇತ್ ತಸ್ಯ ವಿಘ್ನಸ್ತಸ್ಯ ಪದೇ ಪದೇ ।
ಆದೌ ವರ್ಮ ಪಠಿತ್ವಾ ತು ತಸ್ಯ ಸಿದ್ಧಿರ್ಭವಿಷ್ಯತಿ ॥ 8 ॥
॥ ಇತಿ ಮಹಾಕಾಲಭೈರವಕವಚಂ ಸಂಪೂರ್ಣಂ ॥
Recite with devotion and pure heart
Regular practice brings spiritual benefits