हैंహైHaindavamஹிહિં
📍
Font Size:
ಕಾಲಭೈರವ ಕಕಾರ ಅಷ್ಟೋತ್ತರಶತನಾಮ ಸ್ತೋತ್ರಂ
ಅಸ್ಯ ಶ್ರೀಶಾಕ್ತಾನಂದಪೀಯೂಷಸ್ಯ ನಾಮ ಶ್ರೀಕಾಲಭೈರವಾಷ್ಟೋತ್ತರಶತನಾಮ ಸ್ತೋತ್ರ ಮಹಾಮಂತ್ರಸ್ಯ ಶ್ರೀ ಆನಂದಭೈರವ ಋಷಿಃ ಅನುಷ್ಟುಪ್ ಛಂದಃ ಶ್ರೀ ಕಾಲಭೈರವೋ ದೇವತಾ ಹ್ರೀಂ ಬೀಜಂ ಹ್ಸೌಃ ಶಕ್ತಿಃ ಕ್ಷ್ಫ್ರೌಂ ಕೀಲಕಂ ಶ್ರೀಕಾಲಭೈರವಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥
ಋಷ್ಯಾದಿನ್ಯಾಸಾಃ –
ಶ್ರೀಆನಂದಭೈರವ ಋಷಯೇ ನಮಃ ಶಿರಸಿ ।
ಅನುಷ್ಟುಪ್ ಛಂದಸೇ ನಮೋ ಮುಖೇ ।
ಶ್ರೀಕಾಲಭೈರವ ದೇವತಾಯೈ ನಮೋ ಹೃದಯೇ ।
ಹ್ರೀಂ ಬೀಜಾಯ ನಮೋ ಗುಹ್ಯೇ ।
ಹ್ಸೌಃ ಶಕ್ತಯೇ ನಮಃ ಪಾದಯೋಃ ।
ಕ್ಷ್ಫ್ರೌಂ ಕೀಲಕಾಯ ನಮೋ ನಾಭೌ ।
ವಿನಿಯೋಗಾಯ ನಮಃ ಸರ್ವಾಂಗೇ ॥
ಕರನ್ಯಾಸಾಃ –
ಕ್ಷ್ಫ್ರಾಂ ಅಂಗುಷ್ಠಾಭ್ಯಾಂ ನಮಃ ।
ಕ್ಷ್ಫ್ರೀಂ ತರ್ಜನೀಭ್ಯಾಂ ನಮಃ ।
ಕ್ಷ್ಫ್ರೂಂ ಮಧ್ಯಮಾಭ್ಯಾಂ ನಮಃ ।
ಕ್ಷ್ಫ್ರೈಂ ಅನಾಮಿಕಾಭ್ಯಾಂ ನಮಃ ।
ಕ್ಷ್ಫ್ರೌಂ ಕನಿಷ್ಠಿಕಾಭ್ಯಾಂ ನಮಃ ।
ಕ್ಷ್ಫ್ರಃ ಕರತಲಕರಪೃಷ್ಠಾಭ್ಯಾಂ ನಮಃ ॥
ಹೃದಯಾದಿನ್ಯಾಸಾಃ –
ಕ್ಷ್ಫ್ರಾಂ ಹೃದಯಾಯ ನಮಃ ।
ಕ್ಷ್ಫ್ರೀಂ ಶಿರಸೇ ಸ್ವಾಹಾ ।
ಕ್ಷ್ಫ್ರೂಂ ಶಿಖಾಯೈ ವಷಟ್ ।
ಕ್ಷ್ಫ್ರೈಂ ಕವಚಾಯ ಹುಂ ।
ಕ್ಷ್ಫ್ರೌಂ ನೇತ್ರತ್ರಯಾಯ ವೌಷಟ್ ।
ಕ್ಷ್ಫ್ರಃ ಅಸ್ತ್ರಾಯ ಫಟ್ ॥
ಧ್ಯಾನಂ –
ಶ್ವಸ್ಥಂ ತ್ರೀಕ್ಷಣಶೋಭಿತಂ ಶ್ರಿತಜನೋದ್ಧಾರಂ ಕೃಪಾಸಾಗರಂ
ಆಮ್ನಾಯಾಸ್ಯಕರೋಟಿಖರ್ಪಕರಂ ದಂಡಂ ಧರಂತಂ ಸದಾ ।
ಶ್ರೀಕಾಶೀಪುರನಾಯಕಂ ಸಕಲಮಂತ್ರರ್ಷೀಶ್ವರಂ ಮೋಕ್ಷದಂ
ಧ್ಯಾಯೇತ್ತಂ ಹೃದಿ ಕಾಲಭೈರವಗುರುಂ ಕಾಂತಾಸಮೇತಂ ಪರಂ ॥
ಸ್ತೋತ್ರಂ –
ಕಾಲಭೈರವದೇವಃ ಕಾಲಕಾಲಃ ಕಾಲದಂಡಧೃಕ್ ।
ಕಾಲಾತ್ಮಾ ಕಾಮಮಂತ್ರಾತ್ಮಾ ಕಾಶಿಕಾಪುರನಾಯಕಃ ॥ 1 ॥
ಕರುಣಾವಾರಿಧಿಃ ಕಾಂತಾಮಿಲಿತಃ ಕಾಲಿಕಾತನುಃ ।
ಕಾಲಜಃ ಕುಕ್ಕುರಾರೂಢಃ ಕಪಾಲೀ ಕಾಲನೇಮಿಹಾ ॥ 2 ॥
ಕಾಲಕಂಠಃ ಕಟಾಕ್ಷಾನುಗೃಹೀತಾಖಿಲಸೇವಕಃ ।
ಕಪಾಲಖರ್ಪರೋತ್ಕೃಷ್ಟಭಿಕ್ಷಾಪಾತ್ರಧರಃ ಕವಿಃ ॥ 3 ॥
ಕಲ್ಪಾಂತದಹನಾಕಾರಃ ಕಲಾನಿಧಿಕಲಾಧರಃ ।
ಕಪಾಲಮಾಲಿಕಾಭೂಷಃ ಕಾಲೀಕುಲವರಪ್ರದಃ ॥ 4 ॥
ಕಾಲೀಕಲಾವತೀದೀಕ್ಷಾಸಂಸ್ಕಾರೋಪಾಸನಪ್ರಿಯಃ ।
ಕಾಲಿಕಾದಕ್ಷಪಾರ್ಶ್ವಸ್ಥಃ ಕಾಲೀವಿದ್ಯಾಸ್ವರೂಪವಾನ್ ॥ 5 ॥
ಕಾಲೀಕೂರ್ಚಸಮಾಯುಕ್ತಭುವನಾಕೂಟಭಾಸುರಃ ।
ಕಾಲೀಧ್ಯಾನಜಪಾಸಕ್ತಹೃದಗಾರನಿವಾಸಕಃ ॥ 6 ॥
ಕಾಲಿಕಾವರಿವಸ್ಯಾದಿಪ್ರದಾನಕಲ್ಪಪಾದಪಃ ।
ಕಾಲ್ಯುಗ್ರಾವಾಸವಬ್ರಾಹ್ಮೀಪ್ರಮುಖಾಚಾರ್ಯನಾಯಕಃ ॥ 7 ॥
ಕಂಕಾಲಮಾಲಿಕಾಧಾರೀ ಕಮನೀಯಜಟಾಧರಃ ।
ಕೋಣರೇಖಾಷ್ಟಪತ್ರಸ್ಥಪ್ರದೇಶಬಿಂದುಪೀಠಗಃ ॥ 8 ॥
ಕದಲೀಕರವೀರಾರ್ಕಕಂಜಹೋಮಾರ್ಚನಪ್ರಿಯಃ ।
ಕೂರ್ಮಪೀಠಾದಿಶಕ್ತೀಶಃ ಕಲಾಕಾಷ್ಠಾದಿಪಾಲಕಃ ॥ 9 ॥
ಕಟಪ್ರೂಃ ಕಾಮಸಂಚಾರೀ ಕಾಮಾರಿಃ ಕಾಮರೂಪವಾನ್ ।
ಕಂಠಾದಿಸರ್ವಚಕ್ರಸ್ಥಃ ಕ್ರಿಯಾದಿಕೋಟಿದೀಪಕಃ ॥ 10 ॥
ಕರ್ಣಹೀನೋಪವೀತಾಭಃ ಕನಕಾಚಲದೇಹವಾನ್ ।
ಕಂದರಾಕಾರದಹರಾಕಾಶಭಾಸುರಮೂರ್ತಿಮಾನ್ ॥ 11 ॥
ಕಪಾಲಮೋಚನಾನಂದಃ ಕಾಲರಾಜಃ ಕ್ರಿಯಾಪ್ರದಃ ।
ಕರಣಾಧಿಪತಿಃ ಕರ್ಮಕಾರಕಃ ಕರ್ತೃನಾಯಕಃ ॥ 12 ॥
ಕಂಠಾದ್ಯಖಿಲದೇಶಾಹಿಭೂಷಣಾಢ್ಯಃ ಕಲಾತ್ಮಕಃ ।
ಕರ್ಮಕಾಂಡಾಧಿಪಃ ಕಿಲ್ಬಿಷಮೋಚೀ ಕಾಮಕೋಷ್ಠಕಃ ॥ 13 ॥
ಕಲಕಂಠಾರವಾನಂದೀ ಕರ್ಮಶ್ರದ್ಧವರಪ್ರದಃ ।
ಕುಣಪಾಕೀರ್ಣಕಾಂತಾರಸಂಚಾರೀ ಕೌಮುದೀಸ್ಮಿತಃ ॥ 14 ॥
ಕಿಂಕಿಣೀಮಂಜುನಿಕ್ವಾಣಕಟೀಸೂತ್ರವಿರಾಜಿತಃ ।
ಕಲ್ಯಾಣಕೃತ್ಕಲಿಧ್ವಂಸೀ ಕರ್ಮಸಾಕ್ಷೀ ಕೃತಜ್ಞಪಃ ॥ 15 ॥
ಕರಾಲದಂಷ್ಟ್ರಃ ಕಂದರ್ಪದರ್ಪಘ್ನಃ ಕಾಮಭೇದನಃ ।
ಕಾಲಾಗುರುವಿಲಿಪ್ತಾಂಗಃ ಕಾತರಾರ್ತಾಭಯಪ್ರದಃ ॥ 16 ॥
ಕಲಂದಿಕಾಪ್ರದಃ ಕಾಲೀಭಕ್ತಲೋಕವರಪ್ರದಃ ।
ಕಾಮಿನೀಕಾಂಚನಾಬದ್ಧಮೋಚಕಃ ಕಮಲೇಕ್ಷಣಃ ॥ 17 ॥
ಕಾದಂಬರೀರಸಾಸ್ವಾದಲೋಲುಪಃ ಕಾಂಕ್ಷಿತಾರ್ಥದಃ ।
ಕಬಂಧನಾವಃ ಕಾಮಾಖ್ಯಾಕಾಂಚ್ಯಾದಿಕ್ಷೇತ್ರಪಾಲಕಃ ॥ 18 ॥
ಕೈವಲ್ಯಪ್ರದಮಂದಾರಃ ಕೋಟಿಸೂರ್ಯಸಮಪ್ರಭಃ ।
ಕ್ರಿಯೇಚ್ಛಾಜ್ಞಾನಶಕ್ತಿಪ್ರದೀಪಕಾನಲಲೋಚನಃ ॥ 19 ॥
ಕಾಮ್ಯಾದಿಕರ್ಮಸರ್ವಸ್ವಫಲದಃ ಕರ್ಮಪೋಷಕಃ ।
ಕಾರ್ಯಕಾರಣನಿರ್ಮಾತಾ ಕಾರಾಗೃಹವಿಮೋಚಕಃ ॥ 20 ॥
ಕಾಲಪರ್ಯಾಯಮೂಲಸ್ಥಃ ಕಾರ್ಯಸಿದ್ಧಿಪ್ರದಾಯಕಃ ।
ಕಾಲಾನುರೂಪಕರ್ಮಾಂಗಮೋಷಣಭ್ರಾಂತಿನಾಶನಃ ॥ 21 ॥
ಕಾಲಚಕ್ರಪ್ರಭೇದೀ ಕಾಲಿಮ್ಮನ್ಯಯೋಗಿನೀಪ್ರಿಯಃ ।
ಕಾಹಲಾದಿಮಹಾವಾದ್ಯತಾಲತಾಂಡವಲಾಲಸಃ ॥ 22 ॥
ಕುಲಕುಂಡಲಿನೀಶಾಕ್ತಯೋಗಸಿದ್ಧಿಪ್ರದಾಯಕಃ ।
ಕಾಲರಾತ್ರಿಮಹಾರಾತ್ರಿಶಿವಾರಾತ್ರ್ಯಾದಿಕಾರಕಃ ॥ 23 ॥
ಕೋಲಾಹಲಧ್ವನಿಃ ಕೋಪೀ ಕೌಲಮಾರ್ಗಪ್ರವರ್ತಕಃ ।
ಕರ್ಮಕೌಶಲ್ಯಸಂತೋಷೀ ಕೇಲಿಭಾಷಣಲಾಲಸಃ ॥ 24 ॥
ಕೃತ್ಸ್ನಪ್ರವೃತ್ತಿವಿಶ್ವಾಂಡಪಂಚಕೃತ್ಯವಿಧಾಯಕಃ ।
ಕಾಲನಾಥಪರಃ ಕಾರಃ ಕಾಲಧರ್ಮಪ್ರವರ್ತಕಃ ॥ 25 ॥
ಕುಲಾಚಾರ್ಯಃ ಕುಲಾಚಾರರತಃ ಕುಹ್ವಷ್ಟಮೀಪ್ರಿಯಃ ।
ಕರ್ಮಬಂಧಾಖಿಲಚ್ಛೇದೀ ಕೋಷ್ಠಸ್ಥಭೈರವಾಗ್ರಣೀಃ ॥ 26 ॥
ಕಠೋರೌಜಸ್ಯಭೀಷ್ಮಾಜ್ಞಾಪಾಲಕಿಂಕರಸೇವಿತಃ ।
ಕಾಲರುದ್ರಃ ಕಾಲವೇಲಾಹೋರಾಂಶಮೂರ್ತಿಮಾನ್ ಕರಃ ॥ 27 ॥
ಇತ್ಯುಕ್ತಂ ಗುರುನಾಥಸ್ಯ ನಾಮ್ನಾಮಷ್ಟೋತ್ತರಂ ಶತಂ ।
ಶ್ರೀಕಾಲಭೈರವಸ್ಯೇದಂ ರಹಸ್ಯಮತಿಪಾವನಂ ॥ 28 ॥
ಶ್ರೀಶಾಕ್ತಾನಂದಪೀಯುಷಂ ಮೋಕ್ಷಸಾಧನಮುತ್ತಮಂ ।
ವಿದ್ಯಾಸರ್ವಸ್ವಸಾರಾಢ್ಯಂ ಯೋಗಿನೀಹೃದಯಂಗಮಂ ॥ 29 ॥
ಪುಣ್ಯಂ ಸುದುರ್ಲಭಂ ಗೋಪ್ಯಂ ಶಮಥಪ್ರದಮೌಷಧಂ ।
ಕಕಾರಮಾತೃಕಾಬೃಂಹಂ ಗುರ್ವನುಗ್ರಹಸಿದ್ಧಿದಂ ॥ 30 ॥
ಯೋ ಜಪೇತ್ಪರಯಾ ಭಕ್ತ್ಯಾ ಪ್ರೇಮಧ್ಯಾನಪರಃ ಸದಾ ।
ಗುರುಪ್ರಸಾದಾಲ್ಲಭತೇ ವರಂ ಸರ್ವಮಭೀಪ್ಸಿತಂ ॥ 31 ॥
ಇತಿ ಶ್ರೀ ಕಾಲಭೈರವ ಕಕಾರ ಅಷ್ಟೋತ್ತರಶತನಾಮ ಸ್ತೋತ್ರಂ ।
Recite with devotion and pure heart
Regular practice brings spiritual benefits