కాలభైరవ పంచరత్న స్తుతిః

ఖడ్గం కపాలం డమరుం త్రిశూలం

హస్తాంబుజే సందధతం త్రిణేత్రం ।

దిగంబరం భస్మవిభూషితాంగం

నమామ్యహం భైరవమిందుచూడం ॥ 1 ॥

కవిత్వదం సత్వరమేవ మోదా-

-న్నతాలయే శంభుమనోఽభిరామం ।

నమామి యానీకృతసారమేయం

భవాబ్ధిపారం గమయంతమాశు ॥ 2 ॥

జరాదిదుఃఖౌఘవిభేదదక్షం

విరాగిసంసేవ్యపదారవిందం ।

నరాధిపత్వప్రదమాశు నంత్రే

సురాధిపం భైరవమానతోఽస్మి ॥ 3 ॥

శమాదిసంపత్ప్రదమానతేభ్యో

రమాధవాద్యర్చితపాదపద్మం ।

సమాధినిష్ఠైస్తరసాధిగమ్యం

నమామ్యహం భైరవమాదినాథం ॥ 4 ॥

గిరామగమ్యం మనసోఽపి దూరం

చరాచరస్య ప్రభవాదిహేతుం ।

కరాక్షిపచ్ఛూన్యమథాపి రమ్యం

పరావరం భైరవమానతోఽస్మి ॥ 5 ॥

ఇతి శ్రీ కాలభైరవ పంచరత్న స్తుతిః ॥

Recite with devotion and pure heart

Regular practice brings spiritual benefits