ಕಾಲಭೈರವ ಪಂಚರತ್ನ ಸ್ತುತಿಃ

ಖಡ್ಗಂ ಕಪಾಲಂ ಡಮರುಂ ತ್ರಿಶೂಲಂ

ಹಸ್ತಾಂಬುಜೇ ಸಂದಧತಂ ತ್ರಿಣೇತ್ರಂ ।

ದಿಗಂಬರಂ ಭಸ್ಮವಿಭೂಷಿತಾಂಗಂ

ನಮಾಮ್ಯಹಂ ಭೈರವಮಿಂದುಚೂಡಂ ॥ 1 ॥

ಕವಿತ್ವದಂ ಸತ್ವರಮೇವ ಮೋದಾ-

-ನ್ನತಾಲಯೇ ಶಂಭುಮನೋಽಭಿರಾಮಂ ।

ನಮಾಮಿ ಯಾನೀಕೃತಸಾರಮೇಯಂ

ಭವಾಬ್ಧಿಪಾರಂ ಗಮಯಂತಮಾಶು ॥ 2 ॥

ಜರಾದಿದುಃಖೌಘವಿಭೇದದಕ್ಷಂ

ವಿರಾಗಿಸಂಸೇವ್ಯಪದಾರವಿಂದಂ ।

ನರಾಧಿಪತ್ವಪ್ರದಮಾಶು ನಂತ್ರೇ

ಸುರಾಧಿಪಂ ಭೈರವಮಾನತೋಽಸ್ಮಿ ॥ 3 ॥

ಶಮಾದಿಸಂಪತ್ಪ್ರದಮಾನತೇಭ್ಯೋ

ರಮಾಧವಾದ್ಯರ್ಚಿತಪಾದಪದ್ಮಂ ।

ಸಮಾಧಿನಿಷ್ಠೈಸ್ತರಸಾಧಿಗಮ್ಯಂ

ನಮಾಮ್ಯಹಂ ಭೈರವಮಾದಿನಾಥಂ ॥ 4 ॥

ಗಿರಾಮಗಮ್ಯಂ ಮನಸೋಽಪಿ ದೂರಂ

ಚರಾಚರಸ್ಯ ಪ್ರಭವಾದಿಹೇತುಂ ।

ಕರಾಕ್ಷಿಪಚ್ಛೂನ್ಯಮಥಾಪಿ ರಮ್ಯಂ

ಪರಾವರಂ ಭೈರವಮಾನತೋಽಸ್ಮಿ ॥ 5 ॥

ಇತಿ ಶ್ರೀ ಕಾಲಭೈರವ ಪಂಚರತ್ನ ಸ್ತುತಿಃ ॥

Recite with devotion and pure heart

Regular practice brings spiritual benefits