ശാസ്താ പഞ്ചാക്ഷര സ്തോത്രം

ഓങ്കാരമൂർതിമാർതിഘ്നം ദേവം ഹരിഹരാത്മജം ।

ശബരീപീഠനിലയം ശാസ്താരം പ്രണതോഽസ്മ്യഹം ॥ 1 ॥

നക്ഷത്രനാഥവദനം നാഥം ത്രിഭുവനാവനം ।

നമിതാശേഷഭുവനം ശാസ്താരം പ്രണതോഽസ്മ്യഹം ॥ 2 ॥

മന്മഥായുതസൗന്ദര്യം മഹാഭൂതനിഷേവിതം ।

മൃഗയാരസികം ശൂരം ശാസ്താരം പ്രണതോഽസ്മ്യഹം ॥ 3 ॥

ശിവപ്രദായിനം ഭക്തദൈവതം പാണ്ഡ്യബാലകം ।

ശാർദൂലദുഗ്ധഹർതാരം ശാസ്താരം പ്രണതോഽസ്മ്യഹം ॥ 4 ॥

വാരണേന്ദ്രസമാരൂഢം വിശ്വത്രാണപരായണം ।

വേത്രോദ്ഭാസികരാംഭോജം ശാസ്താരം പ്രണതോഽസ്മ്യഹം ॥ 5 ॥

യക്ഷിണ്യഭിമതം പൂർണാപുഷ്കലാപരിസേവിതം ।

ക്ഷിപ്രപ്രസാദകം നിത്യം ശാസ്താരം പ്രണതോഽസ്മ്യഹം ॥ 6 ॥

ഇതി ശ്രീ ശാസ്താ പഞ്ചാക്ഷര സ്തോത്രം ।

Recite with devotion and pure heart

Regular practice brings spiritual benefits