हैंహైHaindavamஹிહિં
📍
Font Size:
കിരാതാഷ്ടകം
അസ്യ ശ്രീകിരാതശസ്തുർമഹാമന്ത്രസ്യ രേമന്ത ഋഷിഃ ദേവീ ഗായത്രീ ഛന്ദഃ ശ്രീ കിരാത ശാസ്താ ദേവതാ, ഹ്രാം ബീജം, ഹ്രീം ശക്തിഃ, ഹ്രൂം കീലകം, ശ്രീ കിരാത ശസ്തു പ്രസാദ സിദ്ധ്യർഥേ ജപേ വിനിയോഗഃ ।
കരന്യാസഃ –
ഓം ഹ്രാം അംഗുഷ്ഠാഭ്യാം നമഃ ।
ഓം ഹ്രീം തർജനീഭ്യാം നമഃ ।
ഓം ഹ്രൂം മധ്യമാഭ്യാം നമഃ ।
ഓം ഹ്രൈം അനാമികാഭ്യാം നമഃ ।
ഓം ഹ്രൗം കനിഷ്ഠികാഭ്യാം നമഃ ।
ഓം ഹ്രഃ കരതല കരപൃഷ്ഠാഭ്യാം നമഃ ।
അംഗന്യാസഃ –
ഓം ഹ്രാം ഹൃദയായ നമഃ ।
ഓം ഹ്രീം ശിരസേ സ്വാഹാ ।
ഓം ഹ്രൂം ശിഖായൈ വഷട് ।
ഓം ഹ്രൈം കവചായ ഹും ।
ഓം ഹ്രൗം നേത്രത്രയായ വൗഷട് ।
ഓം ഹ്രഃ അസ്ത്രായ ഫട് ।
ഭൂർഭുവസ്സുവരോമിതി ദിഗ്ബന്ധഃ ।
ധ്യാനം ।
കോദണ്ഡം സശരം ഭുജേന ഭുജഗേന്ദ്രഭോഗാ ഭാസാവഹൻ
വാമേനച്ഛുരികാം വിഭക്ഷലനേ പക്ഷേണ ദക്ഷേണ ച ।
കാന്ത്യാ നിർജിത നീരദഃ പുരഭിദഃ ക്രീഡൻകിരാതാകൃതേ
പുത്രോസ്മാകമനല്പ നിർമലയാ ച നിർമാതു ശർമാനിശം ॥
സ്തോത്രം ।
പ്രത്യർഥിവ്രാതവക്ഷഃസ്ഥലരുധിരസുരാപാനമത്താ പൃഷത്കം
ചാപേ സന്ധായ തിഷ്ഠൻ ഹൃദയസരസിജേ മാമകേ താപഹം തം ।
പിഞ്ഛോത്തംസഃ ശരണ്യഃ പശുപതിതനയോ നീരദാഭഃ പ്രസന്നോ
ദേവഃ പായാദപായാച്ഛബരവപുരസൗ സാവധാനഃ സദാ നഃ ॥ 1 ॥
ആഖേടായ വനേചരസ്യ ഗിരിജാസക്തസ്യ ശംഭോഃ സുതഃ
ത്രാതും യോ ഭുവനം പുരാ സമജനി ഖ്യാതഃ കിരാതാകൃതിഃ ।
കോദണ്ഡക്ഷുരികാധരോ ഘനരവഃ പിഞ്ഛാവതംസോജ്ജ്വലഃ
സ ത്വം മാമവ സർവദാ രിപുഗണത്രസ്തം ദയാവാരിധേ ॥ 2 ॥
യോ മാം പീഡയതി പ്രസഹ്യ സതതം ദേഹീത്യനന്യാശ്രയം
ഭിത്വാ തസ്യ രിപോരുരഃ ക്ഷുരികയാ ശാതാഗ്രയാ ദുർമതേഃ ।
ദേവ ത്വത്കരപങ്കജോല്ലസിതയാ ശ്രീമത്കിരാതാകൃതേഃ
തത്പ്രാണാന്വിതരാന്തകായ ഭഗവൻ കാലാരിപുത്രാഞ്ജസാ ॥ 3 ॥
വിദ്ധോ മർമസു ദുർവചോഭിരസതാം സന്തപ്തശല്യോപമൈഃ
ദൃപ്താനാം ദ്വിഷതാമശാന്തമനസാം ഖിന്നോഽസ്മി യാവദ്ഭൃശം ।
താവത്ത്വം ക്ഷുരികാശരാസനധരശ്ചിത്തേ മമാവിർഭവൻ
സ്വാമിൻ ദേവ കിരാതരൂപ ശമയ പ്രത്യർഥിഗർവം ക്ഷണാത് ॥ 4 ॥
ഹർതും വിത്തമധർമതോ മമ രതാശ്ചോരാശ്ച യേ ദുർജനാ-
-സ്തേഷാം മർമസു താഡയാശു വിശിഖൈസ്ത്വത്കാർമുകാന്നിഃസൃതൈഃ ॥
ശാസ്താരം ദ്വിഷതാം കിരാതവപുഷം സർവാർഥദം ത്വാമൃതേ
പശ്യാമ്യത്ര പുരാരിപുത്ര ശരണം നാന്യം പ്രപന്നോഽസ്മ്യഹം ॥ 5 ॥
യക്ഷഃ പ്രേതപിശാചഭൂതനിവഹാഃ ദുഃഖപ്രദാ ഭീഷണാഃ
ബാധന്തേ നരശോണിതോത്സുകധിയോ യേ മാം രിപുപ്രേരിതാഃ ।
ചാപജ്യാനിനദൈസ്ത്വമീശ സകലാൻ സംഹൃത്യ ദുഷ്ടഗ്രഹാൻ
ഗൗരീശാത്മജ ദൈവതേശ്വര കിരാതാകാര സംരക്ഷ മാം ॥ 6 ॥
ദോഗ്ധും യേ നിരതാസ്ത്വമദ്യ പദപദ്മൈകാന്തഭക്തായ മേ
മായാച്ഛന്നകലേബരാശ്രുവിഷദാനാദ്യൈഃ സദാ കർമഭിഃ ।
വശ്യസ്തംഭനമാരണാദികുശലപ്രാരംഭദക്ഷാനരീൻ
ദുഷ്ടാൻ സംഹര ദേവദേവ ശബരാകാര ത്രിലോകേശ്വര ॥ 7 ॥
തന്വാ വാ മനസാ ഗിരാപി സതതം ദോഷം ചികീർഷത്യലം
ത്വത്പാദപ്രണതസ്യ നിരപരാധസ്യാപി യേ മാനവാഃ ।
സർവാൻ സംഹര താൻ ഗിരീശസുത മേ താപത്രയൗഘാനപി
ത്വാമേകം ശബരാകൃതേ ഭയഹരം നാഥം പ്രപന്നോഽസ്മ്യഹം ॥ 8 ॥
ക്ലിഷ്ടോ രാജഭടൈസ്തദാപി പരിഭൂതോഽഹം കുലൈർവൈരിഭി-
-ശ്ചാന്യൈർഘോരതരൈർവിപജ്ജലനിധൗ മഗ്നോഽസ്മി ദുഃഖാതുരം ।
ഹാ ഹാ കിങ്കരവൈ വിഭോ ശബരവേഷം ത്വാമഭീഷ്ടാർഥദം
വന്ദേഽഹം പരദൈവതം കുരു കൃപാനാഥാർതബന്ധോ മയി ॥ 9 ॥
സ്തോത്രം യഃ പ്രജപേത് പ്രശാന്തകരണൈർനിത്യം കിരാതാഷ്ടകം
സ ക്ഷിപ്രം വശഗാൻ കരോതി നൃപതീനാബദ്ധവൈരാനപി ।
സംഹൃത്യാത്മവിരോധിനഃ ഖിലജനാൻ ദുഷ്ടഗ്രഹാനപ്യസൗ
യാത്യന്തേ യമദൂതഭീതിരഹിതോ ദിവ്യാം ഗതിം ശാശ്വതീം ॥ 10 ॥
ഇതി ശ്രീ കിരാതാഷ്ടകം ।
Recite with devotion and pure heart
Regular practice brings spiritual benefits